ပြီးခဲတဲ့ သီတင်းပတ်အတွင်းက Lake Toba ကန် အတွင်းနစ်မြှပ်ခဲ့တဲ့ခရီးသည်တင်သင်္ဘော အပျက်အစီးအပိုင်းစတွေကို ရှာနိုင်ဖို့ နိုင်ငံတကာ အကူညီလိုအပ်တယ်လို့ အင်ဒိုနီးရှား ရှာဖွေကယ်ဆယ်ရေးအေဂျင်စီအကြီးအကဲက ပြောလိုက်ပါတယ်။
ဖယ်ရီသင်္ဘောဟာ ရာသီဥတုဆိုးရွားမှုကြောင့် ဇွန်လ ၁၇ ရက်နေ့မှာ နစ်မြှပ်သွားခဲ့တာဖြစ်ပြီး သင်္ဘော ကပ္ပတိန်အပါဝင် လူ ၁၈ ဦးကို ကယ်တင်နိုင်ခဲ့တယ်လို့ သိရပါတယ်။ ကယ်ဆယ်ရေး အေဂျင်စီက သင်္ဘောဟာ ရေအောက်အနက် ပေ ၁၆၀၇ လောက်မှာရှိနိုင်ကြောင်း ၊ သင်္ဘောအတွင်း ပိတ်မိနေသူတွေ ဟာ သေဆုံးဖွယ်ရှိနေကြောင်း ၊လက်ရှိမှာ ရုပ်အလောင်း အနည်းငယ်ကိုသာ ပြန်ရထားကြောင်း ပြောခဲ့ပါတယ်။
အင်တာဗျူး တစ်ခုမှာ Syaugi, က အင်ဒိုနီးရှားအနေနဲ့ သင်္ဘောအပျက်အစီးတွေ ရှာနိုင်ဖို့ နိုင်ငံတကာ အကူညီလိုအပ်တယ်လို့ ပြောခဲ့ပါတယ်။ အင်ဒိုနီးရှားရေတပ်သင်္ဘောတွေနဲ့ ရေငုပ်သမားတွေဟာ နစ်မြှပ်ခဲ့တဲ့ သင်္ဘောကို ရှာဖွေမှုတွေလုပ်ခဲ့ပေမယ့် ရေငုပ်သမားတွေ ဟာ ရေအောက် အနက် ၁၆၄ ပေအထိသာ ငုပ်နိုင်ခဲ့ပြီး ရေအောက် ဟာ မှောင်နေတယ်လို့ ပြောခဲ့ပါတယ်။
သားဖိုးကောင်း (အကုန်သိတသတင်းဌာန)
0 comments:
Post a Comment