လူမှုကွန်ရက်ပေါ်ပျံ့နှံ့နေသည့် အသက်နှစ်နှစ်အရွယ်ကေ လးငယ်တစ်ဦးအား ရေနှစ်နှိပ်စက်ခဲ့သည့် ဖြစ်စဉ်တွင် အဖွားအရင်းဖြစ်သူနှင့် အဒေါ်ဖြစ်သူတို့အား ဖမ်းဆီးအရေးယူထားကြောင်း သိရသည်။
အသက်နှစ်နှစ်အရွယ်ကလေးငယ်တစ်ဦးအား ရေနှစ်နှိပ်စက်နေသည့် ရုပ်သံတစ်ခုတစ်ခု လူမှုကွန်ရက်ပေါ်တွင် ပျံ့နှံ့ခဲ့ပြီးနောက် လူမှုဝန်ထမ်းဦးစီးဌာန၊ ပုလဲမြို့သစ်အရန်မီးသတ်တပ်ဖွဲ့နှင့် မြန်မာနိုင်ငံရဲတပ်ဖွဲ့တို့ သွားရောက်ကူညီခဲ့ပြီး ဖြစ်စဉ်တွင်ပါဝင်ပတ်သက်နေသူများကို ယခုကဲ့သို့အရေးယူခဲ့ခြင်း ဖြစ်သည်။
မြောက်ဥက္ကလာပမြို့နယ် (ခ)ရပ်ကွက်တွင်နေထိုင်သည့် အသက် ၁ နှစ်ကိုးလအရွယ် ကလေးငယ် မောင်ချစ်မင်းသူအား၎င်း၏ အဖွားအရင်းဖြစ်သူနှင့် အဒေါ်ဖြစ်သူတို့က အကြိမ်ကြိမ် ရေနှစ်ခြင်းများပြုလုပ်ခဲ့သည့်ဟု ၎င်းတို့၏ အိမ်နီးချင်းတစ်ဦးကပြော စံတော်ချိန်သို့ပြောသည်။
နှိပ်စက်ခံခဲ့ရသည့် ကလေးငယ်၏ မိခင်နှင့်ဖခင်မှာ အိမ်ထောင်ကွဲနေပြီး ဖခင်ဖြစ်သူ၏ မိဘဖြစ်သူ အိမ်တွင်နေထိုင်နေခြင်း ဖြစ်သည်။
အဆိုပါ ကလေးငယ်အား လူမှုဝန်ထမ်းဦးစီးဌာနသို့လွှဲပြောင်းပေးအပ်ခဲ့ပြီး ပြစ်မှုကျူးလွန်သူများကိုလည်း မြောက်ဥက္ကလာပရဲစခန်းမှ (ပ)၇၁၇/၁၉ ဖြင့် အရေးယူဆောင်ထားကြောင်း သိရသည်။
သတင်း-ကိုကို
ဓာတ်ပုံ-ပုလဲအရန်မီးသတ်ဖေစ့်ဘွတ်
The Standard Time Daily
0 comments:
Post a Comment