နိုင်ငံတော်သမ္မတက ယနေ့ တွင် အကျဉ်းသား ၇၀၀၀ ခန့်ကို ထပ်မံလွတ်ငြိမ်းချမ်းသာခွင့်ပေးမည်ဖြစ်ကြောင်း သမ္မတရုံးကထုတ်ပြန်ကြေညာခဲ့သည်။
ယနေ့ ထပ်မံလွတ်ငြိမ်းချမ်းသာခွင့်ပေးမည့် အကျဉ်းသား ၇၀၀၀ ခန့်တွင် မူးယစ်ပုဒ်မ ၁၅ (သုံးစွဲသူ) ပုဒ်မ ၁၆ (လက်ဝယ်တွေ့ရှိသူ) တို့ ပါဝင်မည်ဖြစ်ကြောင်း အကျဉ်းဦးစီးဌာနမှသိရသည်။
ပြီးခဲ့သည့် ဧပြီ ၁၇ ရက်နေ့က နိုင်ငံတော်သမ္မတသည် မြန်မာတစ်နိုင်ငံလုံးရှိ အကျဉ်းထောင်/စခန်းများမှ အကျဉ်းသာား ၉၅၀၀ ကျော်ကို လွတ်ငြိမ်းချမ်းသာခွင့်ပေးခဲ့ရာ ယင်းအထဲတွင် ပုဒ်မ ၁၆ လက်ဝယ်တွေ့ရှိသူများပါဝင်ခဲ့သည်။
၂၀၁၈ ခုနှစ်တုန်းကလွတ်ငြိမ်းချမ်းသာခွင့်ပေးရာတွင်မူ ပုဒ်မ ၁၅ သုံးစွဲသူများပါဝင်ခဲ့သည်။
ယင်းအတွက် မူးယစ်ပုဒ်မ ၁၅ /၁၆ တို့ဖြင့် ပြစ်ဒဏ်ကျခံနေရသူအကျဉ်းသားများသည် အကျဉ်းထောင်အတွင်း ဆန္ဒပြဆူပူမှုများပြုလုပ်ခဲ့ကြသည်။
ပြီးခဲ့သည့် ရက်ပိုင်းအတွင်းကပင် ရွှေဘိုအကျဉ်းထောင် နှင့် မုပ္ပလင်အကျဉ်းစခန်းရှိ အကျဉ်းသားများမှာ လွတ်ငြိမ်းချမ်းသာခွင့်မရသည့်အပေါ် ဆူပူဆန္ဒပြမှုများပြုလုပ်ခဲ့ကြသည်။ မူးယစ်ပုဒ်မ ၁၅ သမားများ၊ မူုးယစ်ပုဒ်မ ၁၆ သမားများ လွတ်ငြိမ်းချမ်းသာခွင့်ရခဲ့ကြသော်လည်း မူးယစ်ပုဒ်မ ၁၅/၁၆ သမားများမှာ လွတ်ငြိမ်းချမ်းသာခွင့်မရရှိခြင်းအပေါ် မျှတမှုမရှိဟုဆိုကာ ၎င်းတို့က ဆူပူဆန္ဒပြခဲ့ကြခြင်းဖြစ်သည်။
ယင်းဖြစ်စဉ်အပြီး ယနေ့တွင် နိုင်ငံတော်သမ္မတက အကျဉ်းသား ၆၉၄၈ ဦးအား လွတ်ငြိမ်းချမ်းသာခွင့် ထပ်မံပေးခဲ့ခြင်းသည်။
ယင်းအထဲတွင် မူးယစ်ပုဒ်မ ၁၅/၁၆ နှင့်ပြစ်ဒဏ်ကျနေသူများပါမပါ အကျဉ်းဦးစီးဌာနက ပြောရေးဆိုခွင့်ရှိသူ ဦးမင်းထွန်းစိုး ကို သတင်းတမန်က မေးမြန်းရာ "စာရင်းထဲမှာတော့တွေ့နေရတယ်။ ဒါပေမဲ့ အတိအကျကိုတော့ ညနေလောက်မှသိရမယ်ခင်ဗျ။ ကျွန်တော်တို့ အခုက စီစစ်နေဆဲမို့ပါ" ဟု ပြန်လည်ဖြေကြားခဲ့သည်။
ယနေ့ ထပ်မံလွတ်ငြိမ်းချမ်းသာခွင့်ပေးမည့်အကျဉ်းသား ၇၀၀၀ ခန့်အပြင် ကျန်ရှိနေသော အကျဉ်းသား/သူများထဲမှ လွှတ်သင့်လွှတ်ထိုက်သူများကို စနစ်တကျစီစစ်လျက်ရှိပြီး လွတ်ငြိမ်းသက်သာခွင့်ပေးသွားမည်ဖြစ်ကြောင်း ကြေညာချက်တွင်ဖော်ပြထားသည်။
#Y(သတင်းတမန်)
ဓာတ်ပုံ - ဧပြီ ၁၇ ရက်နေ့က ပေးခဲ့သော နိုင်ငံတော်သမ္မတ၏လွတ်ငြိမ်းချမ်းသာခွင့် နှင့် အတူ လွတ်မြောက်ခဲ့သည့် ခန္တီးအကျဉ်းထောင်မှ အကျဉ်းသားအချို့
Khit Thit Media
0 comments:
Post a Comment