တစ်လင်တစ်မယားဥပဒေဖြင့်အရေးယူခံရမှုတွင် မြန်မာတိုင်းရင်းသားများအများဆုံးဖြစ်နေသည့်အတွက် ဥပဒေအားသင့်တော် သည့်အချိန်ကာလတစ်ခုတွင် ပြန်လည်ပြင်ဆင်ရန် မဘသဦးဆောင်ဆရာတော်တစ်ပါးဖြစ်ခဲ့သည့် အောင်ဆန်းတောရဆရာတော်ကြီးအားသာသနာရေးနှင့် ယဉ်ကျေးမှု ၀န်ကြီးသူရဦးအောင်ကိုကလျှောက်ထားခဲ့ကြောင်းသိရသည်။
မြိုင်ကြီးငူဆရာတော် ဥူးသုဇန၏ အန္တိမအဂ္ဂိဈာပနအခမ်းအနားသို့ ကြွရောက်လာသည့် အင်းစိန်အောင်ဆန်းဆရာတော် ဥူးက္ကိတိသာရ ကြီးမှုးသောဆရာတော် သံဃာတော်များအားသာသနာရေးနှင့် ယဉ်ကျေးမှုဝန်ကြီးဌာနဝန်ကြီးသူရဦးအောင်ကိုမှ ဝန်ချတောင်းပန်ခြင်းအခမ်းအနားတွင် ထည့်သွင်းမိန့်ကြားခဲ့ခြင်း ဖြစ်သည်။
" ဒေသတိုင်း မြို့နယ်တိုင်းတွင် ဘာသာပေါင်းစုံ ငြိမ်းချမ်းရေးအဖွဲ့များကိုဖွဲ့စည်းထားသည့်နည်းတူဤဒေသတွင်လည်းဘာသာပေါင်းစုံ ငြိမ်းချမ်းရေးအဖွဲ့ကိုဖွဲ့စည်းပြီးဘာသာရေးလူမျိုးရေးနှင့် ငြိမ်းချမ်းရေးကိုဆောင်ရွက်သင့်ပါသည်။ မျိုးစောင့်ဥပဒေလေးရပ်တွင်ပါဝင်သောတစ်လင်တစ်မယားစနစ် ကျင့်သုံးခြင်းဆိုင်ရာဥပဒေအရအရေးယူခံရမှုများတွင် မြန်မာတိုင်းရင်းသားများသာ ဖြစ်နေကြောင်းဝမ်နည်းစွာတွေ့မြင်နေရပါသည်။ သင့်တော်သောအချိန်ကာလတွင် တစ်လင်တစ်မယားစနစ် ကျင့်သုံး ခြင်းဆိုင်ရာဥပဒေကိုသင့်တော်သလို ပြန်လည်ပြင်ဆင်သင့်ကြောင်းလျှောက်တင်ပါ သည် ဘုရား" ဟုသာသနာရေးဝန်ကြီးသူရဦးအောင်ကိုမှ လျှောက်ထားခဲ့ခြင်း ဖြစ်သည်။
နိုဝင်ဘာလ ၂၇ ရက် ညပိုင်းကကျင်းပခဲ့သည့် မြိုင်ကြီးငူဆရာတော် ဘုရားကြီး၏ ဈာပနအခမ်းအနားသို့ ဗိုလ်ချုပ်ဟောင်းဦးခင်ညွန့်၊ ဇေကမ္ဘာဦးခင်ရွှေ၊ ရွှေသံလွင်ဦးကျော်ဝင်းမိသားစုနှင့် ယခင် မ.ဘ.သဦးဆောင် ဆရာတော်များနှင့် ကရင့်နယ်ခြားစောင့်တပ်ခေါင်းဆောင်များတက်ရောက်ခဲ့ကြကြောင်းသိရသည်။
ပြည်ထောင်စုဝန်ကြီးသူရဦးအောင်ကိုသည် ဘားအံမြို့ ဇွဲကပင်ဟော်တည်တွင် ပြည်နယ် ဘာသာပေါင်းစုံချစ်ကြည်ရေးအဖွဲ့ လူကြီးများနှင့်လည်းတွေ့ဆုံခဲ့ပြီးအဆိုပါ တွေ့ဆုံပွဲတွင် ဇေကမ္ဘာဦးခင်ရွှေမှ ကရင်ပြည်နယ် ဘာသာပေါင်းစုံချစ်ကြည်ရေးအသင်းအတွက် အလှူငွေ သိန်း ၅၀ မတည်လှုဒါန်းခဲ့ကြောင်းလည်းသိရသည်။
တစ်လင်တစ်မယားစနစ်ကျင့်သုံးခြင်းဆိုင်ရာဥပဒေကို ၂၀၁၅ ခုနှစ် သြဂုတ်လ(၃၁)ရက်ကအတည်ပြု ပြဌာန်းခဲ့ခြင်း ဖြစ်ပြီးယင်းဥပဒေအရအရေးယူခံရပါကထောင်ဒဏ်(၇)နှစ်အထိကျခံနိုင်ကြောင်းသိရသည်။
အဆိုပါ ဥပဒေအားအိမ်ထောင်ဖက်တစ်ဦးထက် ပို၍ ယူခြင်းကြောင့် ဖြစ်ပွားနိုင်သည့် အိမ်ထောင်ရေးပြဿနာနှင့် အိမ်ထောင် ရေးမှုခင်းများကိုတားဆီးနိုင်ရန်ဟုရည်ရွယ်ပြဋ္ဌာန်းခဲ့ခြင်း ဖြစ်သော်လည်းဥပဒေ၏ နောက်ဆက်တွဲဆိုးကျိုးများတွေ့ကြုံနိုင် သည်ဟုဆိုကာ ဝေဖန်ကန့်ကွက်မှုများခံခဲ့ရသည့် ဥပဒေတစ်ခုလည်း ဖြစ်သည်။
စောဘောသိုလ်(အကုန်သိသတင်းဌာန)
0 comments:
Post a Comment