လွတ်လပ်စွာထုတ်ဖော် ပြောဆိုခွင့်လှုပ်ရှားမှုအဖွဲ့ – အသံအဖွဲ့ရဲ့ အမှုဆောင် ဒေါက်ရိုက်တာ ကဗျာဆရာ မောင်ဆောင်းခကို နယ်သာလန်သံရုံးက Myanmar Human Rights Tulip 2018 ဆုချီးမြှင့်လိုက်ပါတယ်။
မြန်မာနိုင်ငံမှာ လူ့အခွင့်အရေးဆိုင်ရာနဲ့ လွတ်လပ်စွာထုတ်ဖော်ပြောဆိုခွင့်အတွက် ထူးချွန်ပြောင်မြောက်တဲ့ တိုက်တွန်းနှိုးဆော်မှုအတွက် ဆုချီးမြှင့်ရတာလို့ နယ်သာလန်သံရုံးက မောင်ဆောင်ခထံ ပေးပို့တဲ့စာမှာ ဖော်ပြထားပါတယ်။
နယ်သာလန်အနေနဲ့ လူ့အခွင့်အရေးအတွက် တိုက်ပွဲဝင်နေသူတွေကို နှစ်စဉ်ဆု ချီးမြှင့်ရာမှာ ဒါဟာ မြန်မာနိုင်ငံအတွက် ပထမဆုံး လူ့အခွင့်အရေးဆု ပေးအပ်ချီးမြှင့်တာ ဖြစ်ပါတယ်။
ဒီဆုကိုတော့ လွတ်လပ်စွာထုတ်ဖော်ခွင့်အတွက် ကာကွယ်မြှင့်တင်တဲ့အနေနဲ့ မောင်ဆောင်းခနဲ့ သူတည်ထောင်ထားတဲ့ အသံအဖွဲ့ကို ပေးအပ်ချီးမြှင့်တာလည်းဖြစ်ပါတယ်။
ဒီဆုကို လာမယ့် ဒီဇင်ဘာ ၁၁ ရက် ကျရောက်မယ့် နိုင်ငံတကာလူ့အခွင့်အရေးနေ့မှာ ပေးအပ်ချီးမြှင့်မှာဖြစ်ပါတယ်။
DVB
0 comments:
Post a Comment