အဂတိလိုက်စားမှုနှင့်တရားစွဲဆိုခံထားရသည့် ဥပဒေအရာရှိဟောင်း ၅ ဦးကို ယနေ့နေ့လည်ပိုင်းက ရန်ကုန်တိုင်းဒေသကြီး တရားလွှတ်တော်တွင် ရုံးထုတ်စစ်ဆေးခဲ့သည်။
အဆိုပါရုံးချိန်းတွင် တရားလို အဂတိလိုက်စားမှုတိုကဖျက်ရေး စုံစမ်းစစ်ဆေးရေားအဖွဲ့ခေါင်းဆောင် ဦးမိုးနိုင်ကို စစ်ဆေးခဲ့ပြီး စုံစမ်းစစ်ဆေးစဉ်က တွေရှိချက်များအား ပြန်လည်စစ်ဆေးခဲ့ခြင်းဖြစ်သည်။
ယင်းအပြင် တရားခွင်အတွင်းတွင် တရားစွဲဆိုခံထားရတဲ့ ဥပဒေအရာရှိဟောင်း၏လာဘ်ပေး လာဘ်ယူခဲ့တဲ့ ငွေကြေးပမာဏများနှင့် လက်ခံတဲ့သူတွေအကြောင်းကိုထွက်ဆိုခဲ့သည်။
အဆိုပါစစ်ဆေးမှုသည် ယခုအပတ်ရုံးချိ်န်စတွင်ပြီးဆုံးခြင်းမရှိသေးသည့်အတွက် နောက်အပတ်ရုံးချိန်းတွင် တရားလိုအားဆက်လက်စစ်ဆေးသွားမည်ဖြစ်သည်။
အောင်ရဲထွေးအမှုတွင် ရန်ကုန်တိုင်းဒေသကြီး ဥပဒေအရာရှိချုပ်ဟောင်း ဦးဟန်ထူးမှ ကျပ်သိန်း ၁၅၀ ၊ဘလူးလေဘယ်လ် တစ်လုံးနှင့်အင်္ကျီတစ်ထည်၊ ခရိုင်ဥပဒေအရာရှိ ဦးကိုကိုလေးမှ ကျပ်သိန်း ၁၃၀၊ ဂိုးလေဘယ်လ် တစ်လုံး၊ ဒုခရိုင်ဥပဒေအရာရှိ ဒေါ်သစ်သစ်ခင်မှ ကျပ်သိန်း ၃၀နှင့်ပါတိတ်လုံခြည်တစ်ထည်၊ ရန်ကုန်အရှေ့ပိုင်းခရိုင် တရားရုံးမှ ဒုတိယခရိုင် တရားသူကြီး ဦးအောင်ကြည်မှ ကျပ်သိန်း ၃၀၀၊ ရဲအုပ် ချစ်ကိုကိုမှ ကျပ်သိန်း ၃၀၊ ရန်ကုန်တိုင်းဒေသကြီး ဥပဒေအရာရှိ ဦးသိန်းဇော်မှ ကျပ်သိန်း ၅၀ ရယူခဲ့သည်ဟု အဂတိလိုက်စားမှုတိုက်ဖျက်ရေးကော်မရှင် ပြောရေးဆိုခွင့်ရှိသူ ဦးကျော်စိုး ကပြောကြားထားသည်။
အဆိုပါ အဂတိလိုက်စားမှုနှင့်တရားစွဲဆိုခံထားရသည့် ဥပဒေအရာရှိဟောင်း ၅ ဦးသည် အောင်ရဲထွေသေဆုံးမှုနှင့်ပတ်သက်သည့် စွပ်စွဲခံရသူ သုံးဦးအား ဇူလိုင်လ ၂၅ ရက်နေ့တွင် ၄င်းတို့အား စွဲဆိုထားသည့် ပြစ်မှုကို ရန်ကုန်အရှေ့ပိုင်းခရိုင်တရားရုံးမှ ရာဇဝတ် ကျင်ထုံးဥပဒေ ပုဒ်မ ၄၉၄(က) အရ ရုတ်သိမ်းခွင့်ပြုကြောင်း အမိန့်ချမှတ်ခဲ့ပြီးနောက် နိုင်ငံတော်မှတရားလိုပြုလုပ်၍တိုင်တန်းခဲ့ခြင်းဖြစ်သည်။
သော်လင်းထက်
The Fifth Wave News
0 comments:
Post a Comment