အင်တာနက်လူမှုကွန်ရက်စာမျက်နှာတွေပေါ်မှာ နာမည်ကြီးခဲ့တဲ့ မြမြအကြောင်းကို ဒါရိုက်တာ ညိုမင်းလွင်ရဲ့ ညကျောင်းရုပ်ရှင်ထုတ်လုပ်ရေးက ရိုက်ကူးတော့မှာ ဖြစ်ပါတယ်။
မုဒိမ်းကျင့် သတ်ဖြတ်ခံခဲ့ရတဲ့ ကောင်မလေး မြမြနေရာမှာတော့ ပရိသတ်အချစ်တော် သရုပ်ဆောင်မင်းသမီး သင်ဇာဝင့်ကျော်က ပါဝင်မှာဖြစ်ပြီး ဒီအကြောင်းကို ဝိညာဉ်ဝင်ရောက်ပူးကပ်ခံရတဲ့ ကောင်မလေး ခင်ဇာခြည်လွင် နေရာမှာတော့ အငြိမ့် မင်းသမီး ဝင်းသပြေထွန်းက ပါဝင်ကြမှာ ဖြစ်ပါတယ်။
ဒီကားထဲမှာ တရားခံတွေနေရာကနေ သရုပ်ဆောင်မယ့် အမျိုးသားသရုပ်ဆောင်တွေကိုလည်း ခေါ်ယူထားပြီး လာမယ့် စက်တင်ဘာလ ၈ ရက်နေ့မှာတော့ အပြီးသတ်လူရွေးချယ်ပွဲပြုလုပ်တော့မှာ ဖြစ်ပါတယ်။
မြန်မာ့ရုပ်ရှင်လောကအတွက် လူဆိုးလူမိုက်သုံးဦး ထပ်မံမွေးထုတ်ပေးမည့် သရုပ်ဆောင်သစ်ရွေးချယ်ပွဲလို့ ရည်ညွှန်းထားတဲ့ ဒီလူရွေးပွဲကိုတော့ ကန်တော်ကြီး မျှော် စင်ကျွန်းဇာတ်ရုံထဲမှာ ပြုလုပ်သွားမှာ ဖြစ်ပါတယ်။
မြမြအကြောင်းဟာ ဖေ့စ်ဘွတ်ခ်အင်တာနက် လူမှုကွန်ရက်စာမျက်နှာတွေပေါ်မှာ ပလူပျံအောင် လူပြောများခဲ့တဲ့ အကြောင်းအရာဖြစ်သလို ဒီအကြောင်းကို ထူးခြားတဲ့ ဇာတ်လမ်းဇာတ်အိမ်တွေကို ရိုက်ကူးတတ်တဲ့ ညိုမင်းလွင်ရိုက်ကူးပုံဖော်မယ့် သတင်းဟာလည်း ပရိသတ်တွေအတွက် စိတ်ဝင်စားစရာ ဖြစ်နေခဲ့တာပါ။
လာမယ့် တနင်္ဂနွေနေ့ လူရွေးချယ်ပွဲမှာရော ဘယ်လိုရွက်ပုန်းသီး သရုပ်ဆောင် သစ်တွေ ထွက်ပေါ်လာမလဲ၊ ဇာတ်လမ်းနဲ့ အံဝင်ခွင်ကျဖြစ်မယ့် သရုပ်ဆောင်တွေ ပါဝင်လာမလား ဆိုတာကိုတော့ စောင့်မျှော်ကြည့်ရှုကြရမှာ ဖြစ်ပါတယ်။
DVB
0 comments:
Post a Comment