မန္တလေးတက္ကသိုလ်ပါမောက္ခချုပ်ကို တာဝန်ကနေ အမြန်ဆုံးရပ်ဆိုင်းပေးဖို့ မန္တလေးတက္ကသိုလ်ကျောင်းသားသမဂ္ဂ သပိတ်မှောက်ကျောင်းသားတွေက တောင်းဆိုပါတယ်။
မန္တလေးတက္ကသိုလ်အတွင်းက စားသောက်ဆိုင်တန်း Food Court ဆောက်လုပ်တဲ့ ကိစ္စနဲ့ပတ်သက်ပြီး ကျောင်းသားတွေက အချက် ၅ ချက်ကို တောင်းဆို သပိတ်မှောက်နေကြရာမှာ ၄ ရက်နေ့မှာ မန္တလေးတက္ကသိုလ်ပါမောက္ခချုပ်ကို တာဝန်မှ အမြန်ဆုံးရပ်ဆိုင်းပေးရေးကို ထည့်သွင်းတောင်းဆိုခဲ့ကြတာ ဖြစ်ပါတယ်။
သပိတ်ဦးဆောင်ကော်မတီ ကိုရန်စိုးပိုင်က “ပဏာမလေ့လာစုံးရေးအဖွဲ့ဝင် ၄ ဦးကို ဦးဆောင်တဲ့ မန္တလေးနည်းပညာတက္ကသိုလ် ပါမောက္ခဒေါက်တာဆင့်စိုးတို့နဲ့ စက်တင်ဘာလ ၄ ရက်နေ့ညက တွေ့ဆုံညှိနိုင်းခဲ့ပေမယ့် ဘာတခုမှ တာဝန်ယူဖြေရှင်းပေးနိုင်တဲ့ အဖွဲ့မဟုတ်ဘူး။ ယုံကြည်ရတဲ့အဖွဲ့ မဟုတ်ဘူး။ အတုယောင် ညှိနှိုင်းရေးအဖွဲ့ ဖြစ်တယ်။ ဝန်ထမ်းတွေကို အကာကွယ်ပေးနေတာပဲဖြစ်တယ်။ အဲဒါကြောင့် မန္တလေးတက္ကသိုလ်ပါမောက္ခချုပ်ကို တာဝန်မှ အမြန်ဆုံးရပ်ဆိုင်းပေးရေး ထည့်တောင်းဆိုပြီး စက်တင်ဘာလ ၅ ရက်နေ့မှာ အင်အား ၃၀၀ ကျော်နဲ့ သပိတ်တိုက်ပွဲကို အရှိန်အဟုန်မြှင့် ခဲ့တာဖြစ်တယ်”လို့ ပြောပါတယ်။
သပိတ်တိုက်ပွဲဆင်နွှဲနေကြတဲ့ ကျောင်းသားတွေဟာ မြတမာ အမျိုးသမီးဆောင်၊ ရွှေမန်းဆောင်၊ သစ္စာကျောင်းဆောင် စတဲ့အဆောင်တွေက ကျောင်းသားကျောင်းသူတွေကို သပိတ်တိုက်ပွဲကြွေးကြော်သံတွေကြွေးကြော်ရင်း ဝင်ရောက်စည်းရုံးခဲ့ကြတာကြောင့် အင်အားပိုမို များပြား လာနေပါတယ်။
DVB
0 comments:
Post a Comment