ကိုဖီအာနန်ကော်မရှင်၏ အကြံပြုချက်များ အကောင်အထည်ဖော် ဆောင်ရွက်နေမှုအခြေအနေများကို ပထမဆုံးအကြိမ်ထုတ်ပြန် စီးပွားရေးနှင့် လူမှုရေးဖွံ့ဖြိုးတိုးတက်ရေး၊ နိုင်ငံသားစိစစ်ရေးနှင့် မူးယစ်ဆေးဝါးတိုက်ဖျက်ရေး ဆောင်ရွက်ချက်များ ပါဝင်

ရခိုင်ပြည်နယ်ဆိုင်ရာအကြံပြုချက်များကို အကောင်အထည်ဖော် ဆောင်ရွက်နေသည့် အခြေအနေများနှင့် ပတ်သက်၍ အစိုးရက ဖေဖော်ဝါရီ ၁၉ ရက်တွင် ထုတ်ပြန်ရာ စီးပွားရေးနှင့် လူမှုရေး ဖွံ့ဖြိုးတိုးတက်ရေး၊ နိုင်ငံသားစိစစ်ရေးနှင့် မူးယစ်ဆေးဝါးတိုက်ဖျက်ရေး ဆောင်ရွက်ချက်များ ပါဝင်သည်။

ကုလအထွေထွေအတွင်း ရေးမှူးချုပ်ဟောင်း မစ္စတာကိုဖီ အာနန် ဦးဆောင်သည့် ရခိုင်ပြည် နယ်ဆိုင်ရာ အကြံပေးကော်မရှင်၏ အကြံပြုချက်များကို အရှိန် အဟုန်မြှင့်ဆောင်ရွက်နိုင်ရန် လူ မှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီး ဌာန ပြည်ထောင်စုဝန်ကြီး ဒေါက် တာ ၀င်းမြတ်အေး ဦးဆောင်သည့် ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင်ရွက်ရေး ကော်မတီကို ၂၀၁၇ အောက်တိုဘာ ၉ ရက်က ဖွဲ့စည်းခဲ့ရာ ကော်မတီ၏ ဆောင်ရွက်ချက်များကို လေးလ အကြာတွင် အသေးစိတ် ထုတ်ပြန်ခဲ့သည်။


 ယခုလုပ်ငန်းဆောင်ရွက်မှု အစီရင်ခံစာတွင် ၂၀၁၇ မတ်လ က ထုတ်ပြန်သည့် ကိုဖီအာနန် ကော်မရှင်၏ ကြားဖြတ်အစီရင်ခံ စာကို စတင်အကောင်အထည် ဖော်သည့် ဧပြီမှ ၂၀၁၇ ဒီဇင်ဘာ ၃၁ ရက်အထိ လုပ်ငန်းဆောင် ရွက်မှုများကို ဖော်ပြခဲ့သည်။

ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန ရခိုင် ပြည်နယ်ဦးစီးမှူးရုံးကို ၂၀၁၇ အောက်တိုဘာလ ကုန်တွင် ဖွင့် လှစ်ဆောင်ရွက်ခဲ့ရာ မြန်မာနိုင်ငံ သားရင်းနှီးမြှုပ်နှံမှုဥပဒေအရ မွေး မြူရေးနှင့် ရေလုပ် ငန်းခြောက်ခု၊ ဆောက်လုပ်ရေးလုပ်ငန်းနှစ်ခု၊ ဟိုတယ်နှင့်ခရီးသွားလာရေးလုပ် ငန်း ၁၁ ခု၊ နိုင်ငံခြား ရင်းနှီးမြှုပ်နှံမှု ဥပဒေအရ သတ္တုတူးဖော်ရေးလုပ် ငန်းတစ်ခု၊ စွမ်းအင်လုပ်ငန်း ၂၇ ခု၊ ၀န်ဆောင်မှုလုပ်ငန်း တစ်ခု စုစုပေါင်း ရင်းနှီးမြှုပ်နှံမှုလုပ်ငန်း ၄၈ ခု ခွင့်ပြုခဲ့ကြောင်း အစီရင်ခံ စာတွင် ဖော်ပြသည်။

စီမံကိန်းများနှင့် အစိုးရရုံး များတည်ဆောက်ရန် ဒေသခံ ပြည်သူလူထုထံမှ သိမ်းယူသော မြေယာများအတွက် ပိုင်ရှင် ၁,၀၀၁ ဦးကို လျော်ကြေးငွေများ ပေးအပ်ခဲ့ကြောင်း အစီရင်ခံစာ တွင်ပါရှိသော်လည်း ငွေပမာဏ မည်မျှပေးအပ်ခဲ့ကြောင်းကို ဖော် ပြမထားပေ။

ကျောက်ဖြူဒေသ လူမှုစီးပွားဘ၀ဖွံ့ဖြိုးတိုးတက်မှုအတွက် စီးပွားရေးလုပ်ငန်းများ၏ လူမှုရေးဆိုင်ရာတာဝန် ခံမှု (CSR) ဆောင်ရွက်ပေးမှုများအနေဖြင့် ရင်းနှီးမြှုပ်နှံမည့်သူများက ကျောက်ဖြူ မြို့နယ်ရှိ ကျေးရွာ ၅၀ အတွက် လှည့်ပတ်ရန်ပုံငွေ တစ်ရွာလျှင် ကျပ်သိန်း ၃၀၀ မတည်ပေးခြင်းဆောင်ရွက်ပေးခဲ့သည်ဟု ဆို သည်။

ပညာရေးကဏ္ဍ၊ အခြေခံအ ဆောက်အအုံကဏ္ဍတွင် ရွှေစီမံ ကိန်းမှ ကျပ်သိန်း ၇,၆၂၉ ဒသမ ၀၇ နှင့် အရှေ့တောင်အာရှရေနံ နှင့် သဘာဝဓာတ်ငွေ့ပိုက်လိုင်းစီမံကိန်းမှ ကန်ဒေါ်လာ ၈၇၀,၀၀၀ ကျော်ဖြင့် ဆောင်ရွက် ခဲ့ကြောင်း အစီရင်ခံစာ၌ ပါရှိ သည်။

ထို့အပြင် အိန္ဒိယနိုင်ငံအစိုးရ ၏ အထောက်အပံ့ဖြင့် တန်ချိန် ၃၀၀ မြစ်တွင်းသွား ရေယာဉ် ခြောက်စီးကို ၂၀၁၇ ဇူလိုင်အ တွင်းက ပြေးဆွဲဆောင်ရွက်နေပြီး မြောက်ဦးလေယာဉ်ကွင်းသစ်ကို အစိုးရ-ပုဂ္ဂလိက ပူးပေါင်းဆောင် ရွက်သည့်စနစ်ဖြင့် အကောင်အ ထည်ဖော်ရန် ခွင့်ပြုချက်ရထား ပြီးကြောင်း ဖော်ပြသည်။

နိုင်ငံသားစိစစ်ခြင်း လုပ်ငန်းများ ဆောင်ရွက်မှု

လက်ရှိအစိုးရ စတင်တာဝန် ယူသည့်အချိန်ကစ၍ ရခိုင်ပြည်နယ်အတွင်း နိုင်ငံသားစိစစ်ရေး လုပ်ငန်းစဉ်ဖြင့် စိစစ်မှုခံယူရန် လျှောက်ထားသော အစ္စလာမ်ဘာသာဝင်များအား တည်ဆဲဥပဒေများနှင့်အညီ စိစစ်ဆောင် ရွက်ပေးခဲ့ကြောင်း ဆိုသည်။

နိုင်ငံသားစိစစ်ခံမည့်သူများ အနေဖြင့် မည်သည့်လက်မှတ်မျှ ကိုင်ဆောင်ထားခြင်း မရှိပါက နိုင်ငံသားစိစစ်ခံရမည့်သူ၏သက် သေခံကတ်ပြား (NV Card)ကို ဥပဒေနှင့်အညီ ဦးစွာကိုင်ဆောင် ရမည်ဖြစ်ကြောင်း၊ NV Pro-cess ဆောင်ရွက်နေသည်နှင့်အ တူ နိုင်ငံသားလျှောက်ထားရန် လို အပ်သော စာရွက်စာတမ်းများကို တစ်ပါတည်း ထုတ်ပေးဆောင် ရွက်နေကြောင်း အစီရင်ခံစာတွင် ပါရှိသည်။

နိုင်ငံသားစိစစ်ရေးလုပ်ငန်း စဉ်များတွင် အစ္စလာမ်ဘာသာဝင် များ ပိုမိုပူးပေါင်းပါဝင်လာစေရန် ကော်မတီဝင်များသည် မြန်မာနိုင် ငံလုံးဆိုင်ရာ အစ္စလာမ်ဘာသာ ရေးအဖွဲ့များနှင့် ညှိနှိုင်းဆွေးနွေးခဲ့ရာ အစ္စလာမ်ဘာသာရေးအဖွဲ့ များက ရခိုင်ပြည်နယ်အတွင်းရှိ အစ္စလာမ်ဘာသာဝင်များထံ နိုင် ငံသားစိစစ်မှုလုပ်ငန်းတွင် ပူး ပေါင်းဆောင်ရွက်ရန် နှိုးဆော်စာ များ ထုတ်ပြန်ဆောင်ရွက်နိုင်ခဲ့ ကြောင်း အစီရင်ခံစာ၌ ဖော်ပြ သည်။

လွတ်လပ်စွာ သွားလာခွင့် နှင့်ပတ်သက်၍ NV Card (သို့မ ဟုတ်) နိုင်ငံသားအသိအမှတ်ပြု ကတ်တစ်မျိုးမျိုးကိုင်ဆောင်ထား သူများ၏ လွတ်လပ်စွာသွားလာ ခွင့်နှင့်စပ်လျဉ်းသော ကန့်သတ် ချက်များကို ဖယ်ရှားနိုင်ရန် အချိန်ကာလနှင့် အရေးပါသောမှတ် တိုင်များ (Milestones) ပါဝင် သည့် လမ်းပြမြေပုံကို ရေးဆွဲ၍ ပထမအဆင့်အနေဖြင့် မောင် တောခရိုင်အတွင်း လွတ်လပ်စွာ သွားလာနိုင်ရန် လုံခြုံရေးအစီအမံများ တိုးမြှင့်ဆောင်ရွက်ခဲ့ သည်ဟုဆိုသည်။

ထို့ပြင် တစ်ဖက်နှင့်တစ်ဖက် သွားလာသူများကို ရန်ပြုနှောင့် ယှက်ဟန့်တားမှု တစ်စုံတစ်ရာပြု လုပ်ပါက တည်ဆဲဥပဒေ၊ စည်း မျဉ်းစည်းကမ်းများနှင့်အညီ အ ရေးယူမည်ဖြစ်ကြောင်း ကျယ်ပြန့်စွာအသိပေး ဆောင်ရွက်နေသည်ဟု အစီရင်ခံစာတွင် ဖော်ပြ ထားသည်။

မူးယစ်ဆေးဝါးနှင့် ပတ်သက်၍ အကျင့်ပျက်ရဲဝန်ထမ်း ၁၈ ဦးနှင့် တရားခံ ၁၉၀ ကျော် အရေးယူ ထား၊ ဖမ်းဆီးရမိသည့် မူးယစ် ဆေး စုစုပေါင်းတန်ဖိုး ကျပ် ၆၅ သန်းကျော်ရှိ

မူးယစ်ဆေးဝါး တိုက်ဖျက် ရေးလုပ်ငန်းနှင့်စပ်လျဉ်း၍ အ ကျင့်ပျက် ရဲအရာရှိနှစ်ဦးနှင့် အမှုထမ်း ၁၆ ဦး စုစုပေါင်း ၁၈ ဦးတို့ကို အရေးယူဆောင်ရွက်ခဲ့ ကြောင်း အစီရင်ခံစာတွင် ဖော်ပြထားသည်။

ထို့ပြင် ရခိုင်ပြည်နယ်အတွင်း ၂၀၁၇ ဇန်န၀ါရီ ၁ ရက်မှ နိုဝင်ဘာ ၂၂ ရက်အထိ အမှု ၁၃၈ မှုနှင့် တရားခံ ၁၉၁ ဦးတို့ကို အရေးယူနိုင်ခဲ့ပြီး ဖမ်းဆီးရမိသည့် မူးယစ်ဆေးဝါးတန်ဖိုး ကျပ် ၆၅ သန်း ဖြစ်သည်ဟု ဖော်ပြ သည်။

7Day