ငြိမ်းချမ်းစွာစုဝေးခြင်းနှင့် ငြိမ်းချမ်းစွာစီတန်းလှည့်လည်ခြင်းဆိုင်ရာ ဥပဒေကို ပြင်ဆင်တဲ့ ဥပဒေကြမ်းကို ဖေဖော်ဝါရီ ၁၉ ရက် အမျိုးသားလွှတ်တော်အစည်းမှာ ဥပဒေကြမ်း ကော်တီအတွင်းရေးမှူး ဒေါက်တာမြတ် ဥာဏစိုးက တင်သွင်းလိုက်ပါတယ်။
ပြင်ဆင်ချက်တွေအရ ယခင်က စုဝေးခြင်း သို့မဟုတ် စီတန်းလှည့်လည်လိုသူတွေဟာ ပြုလုပ်မယ့်အစီအစဉ်၊ ခန့်မှန်းလူဦးရေကိုသာ သက်ဆိုင်ရာကို တင်ပြရမှာဖြစ်ပေမယ့် အခု ပြင်ဆင်ချက်အရ ခန့်မှန်းကုန်ကျစရိတ်နဲ့ ကုန်ကျခံမယ့် ပုဂ္ဂိုလ် သို့မဟုတ် အဖွဲ့အစည်းကိုပါ တင်ပြရမှာဖြစ်ပါတယ်။
ဒါ့အပြင် ဥပဒေအခန်း ၇ ပြစ်မှု၊ ပြစ်ဒဏ်မှာလည်း ပုဒ်မ ၁၈ အဖြစ် မည်သူမဆို နိုင်ငံတော်လုံခြုံရေး၊ တရား ဥပဒေစိုးမိုးရေး၊ ရပ်ရွာအေးချမ်းသာယာရေးနဲ့ ပြည်သူတို့ရဲ့ ကိုယ့်ကျင့်တရားအကျိုးတို့ကို ပျက်ပြားစေရန် အကြံဖြင့်ဖြစ်စေ၊ ထိုသို့ ပျက်ပြားတန်ရာသော အခြေအနေဖြစ်နိုင်ကြောင်း သိလျက်နဲ့ဖြစ်စေ၊ ငွေ သို့မဟုတ် ပစ္စည်းကိုသော်လည်းကောင်း၊ အခြားနည်းလမ်းတစ်ခုခုကိုသော်လည်းကောင်း သုံးစွဲပြီး သူတစ်ဦးဦးအား ငြိမ်းချမ်းစွာ စုဝေးခြင်းနဲ့ ငြိမ်းချမ်းစွာစီတန်းလှည့်လည်ခြင်းပြုအောင် လှုံ့ဆော်ခြင်း၊ သွေးဆောင်ခြင်း၊ ဖြားယောင်းခြင်း သို့မဟုတ် တိုက်တွန်း ခြင်းကိုပြုကြောင်း ပြစ်မှုထင်ရှားစီရင်ခြင်းခံရရင် ထိုသူကို သုံးနှစ် ထက်မပိုသော ထောင်ဒဏ်ချ မှတ်ရမည့်အပြင် ငွေဒဏ်လည်း ချမှတ်နိုင်သည်လို့ ဖြည့်စွက်ထားပါတယ်။
ပုဒ်မ ၁၈ ကလွဲပြီး ဥပဒေပါ ပြစ်မှုတစ်ခုခုကို ဖောက်ဖျက်ကျုးလွန်းရင် ပြစ်မှုကျုးလွန်တဲ့နေ့ကစပြီး ၁၅ ရက်အတွင်း သက်ဆိုင်ရာ တရားရုံးကို တရားစွဲဆို တင်ပို့ရမယ်လို့လည်း အစားထိုးထားပါတယ်။
ဒီဥပဒေကို အမျိုးသားလွှတ်တော်က လက်ခံဆွေးနွေးဖို့ သဘောတူလိုက်ပါတယ်။
DVB
0 comments:
Post a Comment