လူနာတဦးအားစမ်းသပ်ရာတွင် HIV Positive အဖြစ် မှားယွင်းစွာအဖြေ ထုတ်ခဲ့မှုကြောင့်လူနာမိသားစုက မန္တလေးမြို့တော်ဆေးရုံကိုတရားစွဲထားသည့်အမှုကိုယနေ့ (ဖေဖော်ဝါရီ၂၀)နံနက်ပိုင်းကခရိုင်တရားရုံးမှ အပြီးသတ် အမိန့်ချရာလူနာရှင်မိသားစုအားတရားရုံးစရိတ်နှင့်နစ်နာကြေးအဖြစ် ငွေကျပ်သိန်းသုံးရာပေးအပ်ရန် ဆုံးဖြတ်လိုက်ကြောင်း သိရသည်။
မန္တလေးမြို့တော်ဆေးရုံအနေဖြင့် ဆေးရုံတက်ရောက်ကုသနေလူနာ အားဆေးရုံ၏ဓာတ်ခွဲစမ်းသပ် စစ်ဆေးချက်အရ HIVရောဂါပိုးတွေ့ ရှိပြီးရောဂါပိုးမှာမြင့်မား၍ အဆုတ်အတွင်းသို့ရောက်ရှိကြောင်း မှားယွင်း စွာဖော်ပြခဲ့မှုကြောင့် လူနာနှင့်အတူယင်းတို့၏ မိသားစုဘဝမှာစိတ် ဆင်းရဲမှုများနှင့် နစ်နာမှုများရှိခဲ့သဖြင့် မြို့တော်ဆေးရုံကိုနစ်နာကြေး ရရှိလိုမှုဖြင့်တရားစွဲဆိုခဲ့သောအမှုဖြစ်သည်။
“ကျွန်မတို့အနေနဲ့ ဒီငွေသိန်းသုံးရာရရှိဖို့တရားစွဲတာမဟုတ်ဘူး။ သူတို့ ဆေးရုံရဲ့ တာဝန်ယူမှုမရှိတာတွေ၊ အဖေ့ ကိုဆေးကုလို့မြေတကွက်ကုန်ရင် ခင်ဗျားတို့နောက်ထပ်မြေတကွက်ဖိုးတတ်နိုင်ရင် ဆေးရုံကိုတရားစွဲလိုက် ပါလို့ပြော တာကိုမခံချင်လို့ တရားစွဲတာ။ တရားမစွဲခင်မှာဆေးရုံကိုသွားပြီး ညှိနှိုင်းပါသော်လည်းဘဲလက်မခံဘူး။သူတို့ ဘက်ကတောင်းပန်တယ်ဆိုရင် ဒီအမှုကပေါ်ပေါက်လာစရာမရှိဘူး။
အခုတရားသူကြီးကလည်းမှန်မှန်ကန်ကန်နဲ့ အနိုင်ဒီဂရီပေးလို့ ကျေနပ် ပါတယ်။ အခုတော့ ကျွန်မအဖေမှာ လူ့အ သိုင်းအ၀ိုင်းကြားမှာ ကဲ့ရဲ့ဝေဖန် ခံရမှုတွေလည်း ကင်းဝေးသွားပြီ”ဟု တရားလိုလူနာရှင်၏ သမီးဖြစ်သူ မသီတာဝင်းက ပြောကြားခဲ့သည်။
“ဆေးရုံကကျွန်မအဖေလူနာကို HIVပိုးရှိတယ်။ နောက်ဆုံးအခြေအနေပဲ။ ဒါကြောင့် ခုတင်၃၀၀ဆံ့ ဆေးရုံကိုပြောင်းဖို့ပြော တယ်။
ကျွန်မတို့လည်းပြောတဲ့အတိုင်းလုပ်ခဲ့ပါတယ်။ အဖေ့အနေနဲ့ ဒီလိုရောဂါရဖို့အပြုအမူမရှိပါဘဲအခုလိုဆေးစစ်ချက် ထွက် လာတော့အံ့သြမိတယ်။ ရွာမှာလည်းအဖေကိုHIVရောဂါသည်ဆိုပြီးအထင်သေးကဲ့ရဲ့ ခံခဲ့ရတယ်။ ရန်ကုန်မြို့မှာရှိတဲ့ အမျိုးသားကျန်းမာရေးဓာတ်ခွဲခန်း(NHL)ရဲ့အဖြေနဲ့ သူတို့ဆေးရုံကအဖြေစာရွက်တွေနဲ့ ပေါင်းပြီးအမှုဖွင့်ခဲ့တာ"ဟု ၎င်းက ဆက်လက်ပြောကြားခဲ့သည်။
လူနာမှာ မန္တလေးတိုင်းဒေသကြီး မြင်းခြံခရိုင် တောင်သာမြို့နယ် ဘုရားလှကျေးရွာတွင် နေထိုင်သည့် တောင်သူဦးဝင်း တင်ဖြစ်ပြီး ၂၀၁၅ခုနှစ်၊ အောက်တိုဘာလပိုင်းကနေထိုင်မကောင်းသဖြင့် အဆိုပါ ဆေးရုံတွင်တက်ရောက်ကုသစဉ် အထက်ပါဖြစ်စဉ် ဖြစ်ပွားခဲ့ခြင်းဖြစ် သည်။
"ပြီးခဲ့တဲ့အပတ်ရုံးချိန်းမှာ နှစ်ဖက်လျောက်လဲချက်တွေကိုတရားရုံးက ကြားနာပြီးတော့ ဒီနေ့မှာအပြီးသတ်အမိန့်ချတယ်။ တရားသူကြီးရဲ့ အမိန့်ချမှတ်မှုကလည်းမျှတမှုရှိပါတယ်"ဟုတရားလို၏အထက်တန်းရှေ့နေဒေါ်ခိုင်ဇာဦးကပြောကြားသည်။
“အခု ကျွန်မအနေနဲ့ အရေးပေါ်အစည်းအဝေးတက်ရောက်နေပါတယ်။ ဒီအမှုနဲ့ပတ်သက်ပြီးတော့ဘာမှ ပြောစရာမရှိပါဘူး။ တရားရုံးကချမှတ် တဲ့အတိုင်းလုပ်ဆောင်သွားမှာပါ။ အခြားတော့ဆက်လက် လုပ်ဆောင် သွားဖို့မရှိပါဘူး” ဟုမြို့တော်ဆေးရုံမှ ဆေးရုံအုပ်ကြီးဒေါ်နွယ်နွယ်ဝင်း ကပြောသည်။
တရားလိုဦးဝင်းတင်အနေဖြင့် အသက်(၆၀)ကျော်ရှိရာကျန်းမာရေး ကောင်းမွန်သော်လည်းအသက်အရွယ်အရ ခရီးသွား လာမှုအဆင်မပြေသဖြင့် ယင်းအမှုကိုသမီးဖြစ်သူမသီတာဝင်းမှ ဦးဆောင်ကာ မြို့တော်ဆေးရုံး အားနစ်နာကြေးအဖြစ်ငွေ ကျပ်သိန်း(၃၀၀)ရှိလိုမှုဖြင့် ၂၀၁၆၊အောက်တို ဘာလမှစတင်၍ မန္တလေးခရိုင်တရားရုံးသို့ ဦးတိုက်လျှောက်ခဲ့ခြင်းဖြစ် ကြောင်းသိရသည်။
ဦးရာဇ
News Watch
0 comments:
Post a Comment