မကွေးတိုင်းဒေသကြီး ငဖဲမြို့နယ် ပဒါန်းကျေးရွာအုပ်စု ပဒါန်းကျေးရွာ၊ အမှတ်(၂) ရပ်ကွက်မှ တရုတ်လူမျိုး တစ်ဦး၏ နေအိမ်မှ တောရိုင်းတိရစ္ဆာန်အပိုင်းအစများနှင့် ပေါက်ကွဲစေသော ပစ္စည်းများ သိမ်းဆည်းရမိခဲ့ကြောင်း သိရ သည်။
ဇွန်လ ၁၆ ရက်နေ့ နေ့လည်ပိုင်းက သိမ်ဆည်းရမိခဲ့ခြင်း ဖြစ်ပြီး ငဖဲမြို့မရဲစခန်းမှ ပုဒ်မ (၃)ခုဖြင့် တရားစွဲ ဆို ထားကြောင်း သိရသည်။
" တရုတ်လေး(ခ)လီကွမ်းယုရဲ့နေအိမ်ဘေး ဂိုထောင်ကို သတင်းအရဝင်ရောက်ရှာဖွေရာမှာ သမင်ဦးချိူ (၃)ခု၊ အရေခွာထားတဲ့ သင်းခွေချပ်အစို(၄)ကောင်နှင့် အကြေးခွံများ၊ ဝက်ဝံဦးခေါင်းတစ်ခုအပါအဝင် အရေခွံနဲ့ အ သားများနဲ့ အဆီများ၊ ဖြူးစူးများနဲ့ စုစုပေါင်းပိသာချိန်(၁၃၅)ပိသာခန့် သိမ်းဆည်းရမိခဲ့ပါတယ်" ဟု ငဖဲမြို့မ စ ခန်းမှ တာဝန်ရှိ သူတစ်ဦးက ပြောသည်။
အဆိုပါ ဖြစ်စဉ်နှင့်ပတ်သက်၍ တရုတ်လေး(ခ)လီကွမ်းယု(၄၂)နှစ်အား ငဖဲမြို့ရဲစခန်းမှ ပအမှတ်(ပ)၃၆/၂၀၁၈ ဇီဝမျိူးစုံ/မျိူးကွဲနှင့် သဘာ ဝထိန်းသိမ်းရေးနယ်မြေများကာကွယ်စောင့်ရှောက်ခြင်းဆိုင်ရာဥပဒေ ပုဒ်မ ၄၀(က)၊ ၄၁(က)ဖြင့် အမှုဖွင့်အရေးယူထားကြောင်း သိရသည်။
ထို့အပြင်တရုတ်လေး(ခ)လီကွမ်းယု၏ နေအိမ်ဘေး ဂိုထောင်အတွင်းမှ အမိုနီယမ်နိုက်ထရိတ် (၅၀) ကီလို ဂ ရမ်ပါ (၃) အိပ်နှင့် ဖြူးတွဲကပ်ပါ ဒစ်တိုနီတာ(၅၀)ခုပါ (၁၈)စည်း စုစုပေါင်း(၉၀၀)ခုကိုပါ ရှာဖွေတွေ့ရရှိခဲ့သဖြင့် ပအမှတ်(ပ)၃၇/၂၀၁၈ ပေါက်ကွဲစေတတ်သောပစ္စည်းများ ဆိုင်ရာဥပဒေပုဒ်မ ၅ဖြင့် ငဖဲမြို့မရဲစခန်းမှ ထပ်မံ အမှူရေးဖွင့်ထားကြောင်း သိရသည်။
သက်နောင် - မင်းလှ( အကုန်သိသတင်းဌာန)
0 comments:
Post a Comment