ပြည်ထောင်စု ရွေးကောက်ပွဲကော်မရှင် အနေဖြင့် ဥပဒေကို အလွဲသုံးစားပြုလုပ်ဟု ဦးကိုကိုကြီးက ယနေ့ပြုလုပ်သည့် နိုင်ငံရေးပါတီတစ်ရပ် ဖြစ်ေုမာက်ရေး ကော်မတီ ရံးတွင်ပြုလုပ်သည့် သတင်းစာရှင်းလင်းပွဲတွင်ပြောဆိုလိုက်သည်။
"ဥပဒေကိုအလွဲသုံးစားလုပ်တယ်ဆိုတာက ကောက်ချက်ပေါ့ သုံးသပ်ချက်ဖြစ်ပါတယ် ကျွန်တော်အနေနဲ့ကတော့ အဖြစ်အပျက်တွေကို အစဉ်လိုက်ဖော်ပြသွားတာဖြစ်ပြီးတော့ ဥပမာ နိုင်ငံရေးသုတေသီတို့ သုံးသပ်လေ့လာသူတို့ သာမာန်စာဖတ်ပရိတ်သတ်ကအစ သူတို့သက်ဆိုင်ရာ ဒီအချက်အလက်တွေပေါ်မှာ မှန်မှန်ကန်ကန်သုံးသပ်နိုင်အောင်ပဲ ကျွန်တော်က ဖော်ပြတာဖြစ်ပါတယ် " ဟု ဦးကိုကိုကြီးကပြောသည်။
၈၈၈၈ ပြည်သူ့ပါတီဟု အမည်ပေးထားသည့် ပါတီအား ဦးကိုကိုကြီးဦးဆောင်သည့် ၈၈ မျိုးဆက် ဟောင်း များတည်ထောင်ထားခြင်းဖြစ်ပြီး အဆိုပါအမည် နှင် ပါတီအလံ အမှတ်တံဆိပ်တို့ကို ကန့်ကွက်သူ ၂၀၀ ခန့်ရှိသောကြောင့် ရွေးကောက်ပွဲကော်မရှင်က ဇွန်လ ၇ ရက်နေ့ အစည်းအဝေးအရ ခွင့်မုပုကြောင်း အကြောင်းပြန်ကြားခဲ့သည်။
"နာမည်ပြောင်းဘာညာ မလုပ်ခင်ထဲက လေးလုံးမသုံးပါနဲ့ နှစ်လုံးသုံးပါ ဒါကို အကြံပြုတယ်ဆိုပေမယ့် နှစ်လုံးသုံးရင်တော့ လက်ခံမယ် ဆိုတဲ့ ကြိုတင်ဆုံးဖြတ်ချက်မျိုး ရှိနေတယ်လို့ ကျွန်တော်တို့အနေနဲ့မြင်ရတယ် " ဟုဦးကိုကိုကြီးက ၈၈၈၈ အမည်နှင့်ပတ်သတ်၍ ရည်ညွှန်းပြောဆိုသည်။
နိုင်ငံရေးပါတီများ မှတ်ပုံတင်ခြင်းဆိုင်ရာဥပဒေတွင် ဘာသာသာနာအား ထိခိုက်စေရခြင်း ၊ ဒို့တာဝန်အရေးသုံးပါးကို ထိခိုက်စေခြင်း နှင့် အခြားပါတီများ၏ အမည် ၊ အလံ ၊ အမှတ်တံဆိပ်တို့နှင့် တူညီပါက ကန့်ကွက်နိုင်ကြောင်း ဖော်ပြထားသည်။
ပြည်ထောင်စုရွေးကောက်ပွဲကော်မရှင်သည် ၈၈၈၈ အမည်အား ကန့်ကွက်ရန် ကြိုတင်ဆုံးဖြတ်ထားသကဲ့သို့ဖြစ်နေကြောင်း ဦးကိုကိုကြီးကပြောသည်။
နိုင်ငံရေးပါတီများ မှတ်ပုံတင်ခြင်း ဥပဒေသည် ချို့ယွင်းအားနည်းချက်များရှိသည်ဟု ယူဆကြောင်း ဒီမိုကရေစီ နိုင်ငံထူထောင်နေသည့်အချိန်တွင် ပြင်ဆင်ရမည်ဖြစ်သည်ဟု အဆိုပါ ပါတီတည်ထောင်သူ တစ်ဦးဖြစ်သည့် ဦးရဲနိုင်အောင်ကပြောသည်။
ရွေးကောက်ပွဲကော်မရှင်က ၈၈၈၈ ပြည့်သူ့ပါတီ အမည် ၊ အလံ နှင့်အမှတ်တံဆိပ်တို့ကို ပြန်လည်ပြင်ဆင်၍ ဇူလိုင် ၁၃ ရက်တွင် ပြန်လည် လျောက်ထားရမည်ဟု အကြောင်းပြန်ကြားထားသည်။
ကော်မရှင်၏ ဆုံးဖြတ်ချက်သည် ဥပဒေနှင့် မညီသည့်အတွက် သုံးသပ်ပြင်ဆင်ရန်တင်ပြထားကြောင်း ဦးကိုကိုကြီးကပြောသည်။
အဆိုပါကိစ္စနှင့်ပတ်သတ်၍ ပါတီတည်ထောင်လိုသူများက ဇွန်လ၂၄ ရက်တွင် စုံညီအစည်းအဝေး ပြုလုပ် ဆုံးဖြတ် သွားမည်ဟု သိရသည်။
The Fifth Wave News
0 comments:
Post a Comment