ပြည်ပသို့ ရွှေတင်ပို့ရေး အခက်အခဲများ ရှိ၍ မပို့နိုင်သေး

ရွှေဖြင့် ပြုလုပ်သော လက်ဝတ် ရတနာ၊ အနုပညာပစ္စည်း (အချောထည်) များကို ပြည်ပသို့ တရားဝင် တင်ပို့ရန် ခွင့်ပြု ထားသော်လည်း အခက်အခဲများ ရှိနေသဖြင့် လက်ရှိအချိန်ထိ တင်ပို့မှု မလုပ်နိုင်သေးကြောင်း ရွှေလုပ်ငန်းရှင်များ ထံမှ စုံစမ်းသိရသည်။ 

အစိုးရက ရွှေ ပြည်ပသို့ တင်ပို့ခြင်း၊ တင်သွင်းခြင်းကို ယခုနှစ် ဇန်နဝါရီလ ၂၂ ရက်တွင် တရားဝင်ခွင့်ပြုခဲ့ပြီး ပို့ကုန်၊ သွင်းကုန်အတွက် တနေရာတည်း အပြီးဆောင်ရွက်နိုင်သော One Stop Service စင်တာကို ရန်ကုန်မြို့ ပြည်သူ့ ရင်ပြင်ရှိ Culture Valley ၌ စက်တင်ဘာ ၂၄ ရက်က မြန်မာ ရွှေလုပ်ငန်း ဖွံ့ဖြိုးတိုးတက်ရေး အများပိုင် ကုမ္ပဏီသို့ လုပ်ကိုင်ခွင့်ပေး ဖွင့်လှစ်ထားပြီး ဖြစ်သည်။ 

သို့သော် အခွန်နှုန်းထား ကြီးမြင့်ခြင်း၊ ဗဟိုဘဏ်မှ ထောက်ခံချက် ယူရန် စောင့်ဆိုင်းနေရခြင်း တို့ကြောင့် ပြည်ပသို့ တင်ပို့မှု မလုပ်ဆောင်နိုင်သေးကြောင်း ရန်ကုန်တိုင်း ရွှေလုပ်ငန်းရှင်များ အသင်း ဥက္ကဋ္ဌ ဦးမျိုးမြင့်က ပြောသည်။ 

၎င်းက“စင်တာမှာ ရွှေတင်ပို့တာနဲ့ ပတ်သက်လို့ကတော့ လောလောဆယ်ကတော့ လုပ်ငန်းမစသေးဘူး။ ပို့တဲ့သူရော သွင်းတဲ့သူရော မရှိသေးဘူး။ ဘာလို့လဲဆိုတော့ ရွှေနဲ့ လက်ဝတ်တန်ဆာကို ၁၅ ရာခိုင်နှုန်း ကုန်သွယ်ခွန် ကောက် မယ်ပေါ့။ အခွန်များနေတယ်။ ၁ ရာခိုင်နှုန်း ကြိုတင်ခွန် ဆောင်ရမယ်ဆိုတာကုန်သည်တွေ မလုပ်နိုင်ဘူး ဖြစ်နေတယ်။ ဒါကို အစိုးရကိုတော့ တင်ပြထားတယ်”ဟု ဧရာဝတီသို့ ပြောသည်။ 

၂၀၁၈ ပြည်ထောင်စု၏ အခွန်အကောက် ဥပဒေအရ အထူးကုန်စည်များ ဖြစ်သည့် ကျောက်စိမ်း၊ ပတ္တမြား၊ နီလာနှင့် အခြားအဖိုးတန် ကျောက်မျက် ရတနာ အချောထည်များ၊ လက်ဝတ်ရတနာတွင် တပ်ဆင်ထားသည့် ကျောက်စိမ်း၊ ပတ္တမြား၊ နီလာနှင့် အခြားအဖိုးတန် ကျောက်မျက်ရတနာ အချောထည်များကို ပြည်ပသို့ တင်ပို့ပါက ကုန်သွယ် လုပ်ငန်းခွန် ၅ ရာခိုင်နှုန်း ကောက်ယူရမည်ဟု ဖော်ပြထားသည်။ 

ပြည်တွင်း အခွန်များ ဦးစီးဌာနမှ အကြီးတန်း အရာရှိ တဦးက“ရွှေအတွက် အခွန်နှုန်းထားက ပြည်ပတင်ပို့မှု အတွက် ကတော့ သုည ရာခိုင်နှုန်း ဖြစ်မယ်။ ပြည်တွင်းအခွန်ဦးစီးဌာနက ပြည်ပပို့တာအတွက် မကောက်ပါဘူး။ အပြင်က လူ တွေ ပြောရင် အကောက်ခွန် ဦးစီးဌာနနဲ့ လွဲနိုင်ပါတယ်။ အများစုက မကွဲတာ ရှိတယ်”ဟု ရှင်းပြသည်။ 

ထို့ပြင် စံချိန်မီ ၉၉ ဒသမ ၉ အရည်အသွေးရှိ ရွှေများကို ပြည်ပသို့ တင်ပို့ခွင့်ရရန် ဗဟိုဘဏ် ထောက်ခံချက် ရရှိရေး စောင့်ဆိုင်းရသည့် အတွက် လုပ်ငန်းများ မလည်ပတ်နိုင်သေးကြောင်း ရန်ကုန်တိုင်း ရွှေလုပ်ငန်းရှင်များ အသင်းထံမှ သိရသည်။ 

ဦးမျိုးမြင့်က“၉၉ ဒသမ ၉ စံချိန်မီရွှေက ဗဟိုဘဏ်ထောက်ခံချက်ပါမှ ပို့ကုန်၊ သွင်းကုန် လုပ်လို့ ရတယ်။ ဗဟိုဘဏ်ကို ကုမ္ပဏီတွေကနေ တင်ထားတယ်။ ဗဟိုဘဏ်အနေနှင့် ပြင်ဆင်သည့်ကာလ ဖြစ်နေတယ်လို့ ပြောတယ်။ ခွင့်ပြုချက် ချမပေးသေးဘူး။ ခွင့်ပြုမိန့် ချပြီးရင်တော့ ၉၉ ဒသမ ၉ စံချိန်မီ ရွှေကတော့ အရောင်းအဝယ် လုပ်လို့ ရသွားပြီ။ အခု လောလောဆယ်တော့ မရသေးဘူး”ဟု ပြောသည်။ 

ဗဟိုဘဏ် နိုင်ငံခြားသုံးငွေ စီမံခန့်ခွဲရေး ဥပဒေတွင် ပါရှိသော ရွှေနှင့် ပတ်သက်သည့် အဓိပ္ပာယ် ဖွင့်ဆိုချက်တွင် နိုင်ငံ တကာသို့ တင်ပို့၊ တင်သွင်းမည်ဆိုလျှင် ဗဟိုဘဏ်၏ ခွင့်ပြုချက် လိုင်စင် ပါရှိရမည်ဟု ဖော်ပြ ပြဋ္ဌာန်းထားသည့် အတွက် ခွင့်ပြုချက်လိုင်စင် လိုအပ်ခြင်း ဖြစ်သည်။ 

ဗဟိုဘဏ် နိုင်ငံခြားသုံးငွေ စီမံခန့်ခွဲမှုဌာန ညွှန်ကြားရေးမှူးချုပ် ဦးဝင်းသော်က“ရွှေက နိုင်ငံတကာကို ပို့တဲ့ ပို့ကုန် (Export) ဖြစ်လာတဲ့အခါမှာ နိုင်ငံရဲ့ ပို့ကုန် (Export) ဝင်ငွေရရှိလာမယ့် အပိုင်းဖြစ်တယ်။ ဒါကြောင့်မို့ အောင်မြင်လာ ပြီဆို လိုအပ်တဲ့ ပြည်ပကို ပို့ဆောင်ခွင့်၊ ပြည်ပကနေ ပြည်တွင်းကိုတင်သွင်းခွင့်ဆိုတဲ့ ပါမစ်ကို ပေးတာက ဗဟိုဘဏ် က ထိန်းချုပ်ထားတယ်။ ဘာဖြစ်လို့လဲဆိုတော့ ကိုယ့်နိုင်ငံမှာရှိတဲ့ ရွှေက သူ့ရဲ့ ရောင်းလိုအားနဲ့ ဝယ်လိုအားအရ ပို့ ကုန် ပိုများမယ်ဆို နိုင်ငံခြားဝင်ငွေ ကိုယ့်နိုင်ငံက ရမယ်။ ဒီအတွက်ကြောင့် ကိုယ့်နိုင်ငံမှာရှိတဲ့ ရွှေထွက်ရှိမှု ပမာဏပေါ် မူတည်ပြီးတော့ နိုင်ငံခြားကို တင်ပို့ခွင့်၊ တင်သွင်းခွင့်ပေးတဲ့ အပိုင်းကဏ္ဍမှာ ဗဟိုဘဏ်က ပါပါတယ်”ဟု ရှင်းပြသည်။ 

၎င်းက ဆက်လက်ပြီး“ဒီအပိုင်းမှာ ၂ ပိုင်း ရှိတယ်။ နိုင်ငံတကာအဆင့်မီတဲ့ ရွှေကိုသာလျှင် လန်ဒန်ဈေးကွက်၊ ရှန်ဟိုင်း ဈေးကွက်တွေမှာ၊ ဟောင်ကောင်ရွှေဈေးကွက်တွေမှာ ဝင်ရောက်ပြီးတော့ ရောင်းဝယ်မယ့် ရွှေတွေပေါ်မှာသာ ဗဟို ဘဏ် ဥပဒေက ထိန်းချုပ်မှာ ဖြစ်ပါတယ်။ ဒါကလည်း နိုင်ငံရဲ့ လိုအပ်ချက်အရ တင်ပို့ခွင့် တင်သွင်းခွင့် လိုင်စင်ကို ဗဟို ဘဏ်က ပေးမှာ ဖြစ်ပါတယ်”ဟုလည်း ပြောဆိုသည်။ 

ယနေ့ ရန်ကုန်ဈေးကွက်တွင် ရွှေ ၁၆ ပဲရည် ၁ ကျပ်သား ကျပ် ၁၀ သိန်း ၃ သောင်း ၃ ထောင် ရှိပြီး မန္တလေး ဈေးကွက် တွင် ကျပ် ၁၀ သိန်း ၃ သောင်း ၃ ထောင့် ၅ ရာ ပေါက်ဈေး ရှိကြောင်း အောင်သမာဓိ ရွှေဆိုင်မှ သိရှိရသည်။ 

လက်ရှိတွင် ရွှေမှာ တရားဝင် တင်ပို့၊ တင်သွင်းမှု မရှိသေးသော်လည်း နယ်စပ်လမ်းကြောင်းများမှတဆင့် မှောင်ခို အရောင်းအဝယ် လုပ်နေကြကြောင်း၊ ပြည်ပမှ ရွှေများလည်း ပြည်တွင်းသို့ တင်သွင်းမှုများ ရှိနေပြီး မည်၍ မည်မျှ ရှိသည်ကိုမူ အတိအကျ သိရှိနိုင်ရန် အားနည်းနေသေးကြောင်း ဦးဝင်းသော်က ပြောသည်။ 

ဗီယက်နမ်နိုငံတွင် တနှစ်လျှင် ရွှေတန်ချိန် ၇၀ ထွက်ရှိပြီး ပြည်တွင်းသုံးစွဲမှုမှာ တန်ချိန် ၄၀ ရှိသည်ဟု တွက်ဆကာ ရွှေဈေးကွက်တွင် ပါမစ်များ ထုတ်ပေးခဲ့သော်လည်း ဈေးကွက်သက်တမ်း ၄၊ ၅ နှစ် ကြာသည့်အခါ မှန်းထားသည့် အတိုင်း ရွှေမှ နိုင်ငံခြားဝင်ငွေ မရရှိသည့်အပြင် ပြည်ပမှ ရွှေများ ဝင်ရောက်လာသည့်အတွက် ဗဟိုဘဏ်က လိုင်စင် ချပေးခြင်းကို ပြန်လည် ရုပ်သိမ်းခဲ့ရသည့် ဖြစ်စဉ်များ ရှိခဲ့ဖူးကြောင်းလည်း ၎င်းက ရှင်းပြသည်။ 

ထို့ကြောင့် မြန်မာနိုင်ငံအနေဖြင့် ပြည်တွင်း၌ ထွက်ရှိသည့် ရွှေပမာဏနှင့် ပြည်ပမှ မည်မျှ ဝင်ရောက်မှု ရှိလာနိုင်သည် ကို လုပ်ငန်းရှင်များ အနေဖြင့် သုံးသပ်ထားသင့်ကြောင်းလည်း ဗဟိုဘဏ်က တိုက်တွန်းထားသည်။ 

Irrawaddy