နည်းပညာတွေတိုးတက်လာတဲ့ ခေတ်ကြီးမှာ အသက်ငယ်ငယ်နဲ့ ကလေးလေးတွေ ပိုက်ဆံတွေ သိန်းချီဝင်နေတဲ့ ကိစ္စက နည်းနည်းတော့ ထူးဆန်းနေပါတယ်။ သာမန်လူကြီးတွေမလုပ်နိုင်တဲ့ ကိစ္စရပ်တွေကို ငယ်ငယ်ရွယ်ရွယ်နဲ့ တီထွင်နေနိုင်တာဖြစ်ပြီး၊ ပိုက်ဆံတွေကို သိန်းရာချီရနေတာပါ။
မလေးရှားဆယ်ကျော်သက် နည်းပညာပညာရှင် Muhammad Akmal Hazim ဆိုတဲ့ ကောင်လေးဟာ အသက် (၁၂)နှစ်ကျော်ကတည်းက တစ်နှစ်ကို သိန်း (၂၀၀)နီးပါးကို ၀င်ငွေရနေမယ့် ဆော့ဝဲလ်တစ်ခုကို တီထွက်ခဲ့ပြီး၊ တစ်နှစ်အကြာ လူ (၄၀၀)ကျော်က အသုံးပြုအပြီးမှာ ပိုက်ဆံဝင်ခဲ့တယ်လို့ သိရပါတယ်။
သူတီထောင်ထားတဲ့ Benchpoint.io ဆိုတဲ့ ၀က်ဘ်ဆိုက်ဟာ သူ့ရဲ့ ဆော့ဝဲလ်ကို ၀င်ရောက်ဒေါင်းလော့ဆွဲ အသုံးပြုရမယ့် နေရာပါ။ ရိုးရိုးရှင်းရှင်းလေးကို စဉ်းစားထားတာဖြစ်ပြီး၊ လက်ရှိမှာ ပထမဆုံးတီထွင်ထားသူလို့ သိရပါတယ်။ ထွင်ထားတဲ့အကြောင်းအရာက ၀က်ဘ်ဆိုက်ထဲကို လူဝင်ကြည့်တဲ့အခါမှာ ၀င်ကြည့်နှုးန်ကို ဆာဗာက ဘယ်လောက်ခံနိုင်ရည်ရှိလဲဆိုတာကို စမ်းသပ်တဲ့နည်းပါ။
ဥပမာ- ၀က်ဘ်ဆိုက်ပိုင်ရှင်တစ်ယောက်က သူ့ဝက်ဘ်ဆိုက်ဟာ ဘယ်လောက်ကြာချိန်ရှိမယ်၊ လူဦးရေ ဘယ်နှစ်ယောက်ထိ တစ်ပြိုင်တည်းဖတ်လို့ရမလဲနဲ့ ၀က်ဘ်ဆိုက်ကို လူဘယ်လောက်အထိ ၀င်ကြည့်တာကို ခံနိုင်ရည်ရှိလဲဆိုတာကို စမ်းသပ်တဲ့ ဆော့ဝဲလ်ပါ။ ပိုင်ရှင်တွေက အပလီကေးရှင်းကို ကောင်လေးရဲ့ဝက်ဘ်ထဲဝင်ပြီး ၀ယ်သုံးရတာဖြစ်လို့ ပထမစစချင်းမှာပဲ သိန်း(၂၀၀)လောက် ၀င်ငွေရပြီးပြီလို့ဆိုပါတယ်။
လက်ရှိမှာ အသုံးပြုတွေက ဆက်တိုက်တက်လာနေတဲ့အတွက် နောက်နှစ်မှာ ၀င်ငွေဟာ ဒီထပ်ခုန်တက်ဖို့ရှိနေပါတယ်။ ဒီဆော့ဝဲလ်ကတော့ အောင်မြင်သွားရင် ကမ္ဘာနဲ့ကိုသုံးဖို့ ရှိနေပါတယ်။
0 comments:
Post a Comment