ရန်ကုန်တိုင်းဒေသကြီး ဒလမြို့နယ် ကမ်းနားတွင် ယာဉ်နှင့်ဈေးရောင်းသူ အချို့တို့မှ အများပြည်သူသွားလာလျက်ရှိသည့်လမ်းလယ်တွင် ဂိတ်ထိုး/ဈေးရောင်းနေခြင်းများကြောင့် ယာဉ်များမောင်းနှင်မှုနှင့် ခရီးသွားပြည်သူများ သွားလာမှုခက်ခဲနေကြောင်း သိရသည်။
ဒလမြို့နယ်ကမ်းနားသည် ဒေသစုံမှယာဉ်များနှင့် ခရီးသွားများနှင့်သွားလာမှုများပြားလျက်ရှိပြီး ဈေးသည်အချို့နှင့် ယာဉ်အချို့မှာ သက်ဆိုင်ရာမှသတ်မှတ်ပေးထားသည့်နေရာများတွင် ရပ်နား/ဈေးရောင်းချခြင်းမပြုဘဲ အများပြည်သူသွားလမ်းလယ်တွင်စည်းကမ်းမဲ့ရပ်နားဈေးရောင်းနေခြင်းများကြောင့် ခရီးသည်များ မကြာခဏ ယာဉ်မတော်တဆဖြစ်ခြင်း ၊စည်းကမ်းမဲ့သူများနှင့် စကားများရန်ဖြစ်ရခြင်းမျိုးလည်း ကြုံတွေ့နေရကြောင်း သိရသည်။
ထို့ပြင် ခရီးသွားများ သင်္ဘောဆိပ်သို့ဆင်းရာ လက်မှတ်ရုံပေါက်ရှေ့တွင် ဆိုက်ကားများ ရပ်နားနေခြင်း၊ဈေးရောင်းချနေခြင်းများလည်း ရှိပြီး ခရီးသွားပြည်သူများ သွားလာမှုခက်ခဲနေကြောင်း မည်သည့် တာဝန်ရှိသူများမှလည်းရှင်းလင်းဆောင်ရွက်မှုမျိုးမရှိကြောင်း ခရီးသွားများက ပြောသည်။
အဆိုပါလက်မှတ်ရုံနှင့် ကမ်းနားတစ်ဝိုက်တွင်စည်းကမ်းမဲ့ရပ်နား/ဈေးရောင်းနေမှုများကြောင့် ခရီးသွားများ တိုးဝှေ့ကြပ်တည်းစွာသွားလာ နေရခြင်းကြောင့် ခါးပိုက်နှိုက်များ၏ အန္တရာယ်နှင့်လည်းတွေ့ကြုံ နေရကြောင်းလည်း သိရသည်။
မောင်ယဉ်ဦး (ဒလ)
0 comments:
Post a Comment