မက္ကဆီကို သွင်းကုန်တွေကို အမေရိကန်က အခွန်တိုးမြှင့်လိုက်တာကို တုံ့ပြန်တဲ့အနေနဲ့ မက္ကဆီကိုနိုင်ငံကလည်း အမေရိကန်သွင်းကုန်တွေအပေါ် လာမယ့်သီတင်းပတ်အတွင်း အခွန်တိုးမြှင့်ကောက်ခံတော့မှာ ဖြစ်ပါတယ်။
သွင်းကုန်ခွန်တိုးမြှင့်မယ့် အမေရိကန်ကုန်စည်တွေထဲမှာ သံမဏိပြား၊ ဝက်သား၊ ပန်းသီး၊ စပျစ်သီး၊ ဒိန်ခဲနဲ့ တခြားကုန်စည်တွေ ပါဝင်တယ်လို့ လွန်ခဲ့တဲ့ရက်ပိုင်းက ကြေညာထားပါတယ်။
အခုလို အမေရိကန်သွင်းကုန်တွေအပေါ် အခွန်တိုးမြှင့်ကောက်ခဲ့တာကြောင့် ပြည်တွင်း စားဝတ်နေရေးကို ထိခိုက်မှု အနည်းဆုံးဖြစ်အောင် လုပ်ဆောင်သွားမယ်လို့လည်း မက္ကဆီကို စီးပွားရေးဝန်ကြီးဌာနက ပြောပါတယ်။
အမေရိကန်က မက္ကဆီကို၊ အီးယူ (ဥရောပသမဂ္ဂ) နဲ့ ကနေဒါနိုင်ငံတွေကနေ သွင်းလာတဲ့ သံမဏိနဲ့ အလူမီနီယံ ကုန်စည်တွေအပေါ် အခွန်တိုးမြှင့်ကောက်ခံမှုဟာ ဇွန်လ ၁ ရက်နေ့မှာ စတင်အသက်ဝင်ခဲ့တာလည်း ဖြစ်ပါတယ်။
DVB
0 comments:
Post a Comment