ဈေးကွက်အခြေခံသော ရည်ညွှန်းငွေလဲလှယ်နှုန်းကို ဖေဖော်ဝါရီလ(၅) ရက်နေ့မှစတင်၍ မြန်မာနိုင်ငံတော်ဗဟိုဘဏ်မှ ထုတ်ပြန်သွားမည်

ဈေးကွက်အခြေခံသော ရည်ညွှန်းငွေလဲလှယ်နှုန်းကို ဖေဖော်ဝါရီလ(၅) ရက်နေ့မှ စတင်၍ ထုတ်ပြန်သွားမည်ဖြစ်ကြောင်း မြန်မာနိုင်ငံတော်ဗဟိုဘဏ်မှ သတင်းထုတ်ပြန်လိုက်ရာ အပြည့်အစုံမှာ အောက်ပါအတိုင်းဖြစ်သည်။ 

"သတင်းထုတ်ပြန်ချက်" 

မြန်မာနိုင်ငံတော်ဗဟိုဘဏ်သည် ဈေးကွက်အခြေခံသော ရည်ညွှန်းငွေလဲလှယ်နှုန်းကို ၂၀၁၉ ခုနှစ်၊ ဖေဖော်ဝါရီလ(၅) ရက်နေ့မှ စတင်ထုတ်ပြန်မည်ဖြစ်ပြီး ယင်းမှာနေ့တစ်နေ့အတွက် အဆိုပါနေ့တွင် ဈေးကွက်အတွင်းဖြစ်ပေါ်နေသော ငွေလဲလှယ်နှုန်းများမှ ရယူသတ်မှတ်ခြင်း ဖြစ်ပါသည်။ 

မြန်မာနိုင်ငံတော်ဗဟိုဘဏ်သည် ယခုအခါတွင် ရည်ညွှန်းငွေလဲလှယ်နှုန်းကိုအရောင်း/ အဝယ် နှစ်မျိုးပြုလုပ်သော နိုင်ငံခြားငွေလေလံဈေးကွက် (two-way auction) မှ cut-off rate ဖြင့် အခြေခံသတ်မှတ်ခြင်းကို ကျင့်သုံးနေပြီးယင်းစနစ်မှာ ၂၀၁၂ ခုနှစ်က နိုင်ငံခြားငွေကြေးဈေးကွက်တိုးတက်မှုအတွက် ပံ့ပိုးပေးရန် စတင်ကျင့်သုံးခဲ့သောစနစ် ဖြစ်ပါသည်။ 

ယင်းလေလံစနစ်သည် နိုင်ငံခြားငွေကြေးဈေးကွက် ဖွံ့ဖြိုးတိုးတက်မှုနှင့် ဈေးနှုန်းသတ်မှတ်ပေးမှုတို့ကို ဆောင်ရွက်နိုင်ခဲ့ပါသည်။ ဘဏ်အချင်းချင်း (Interbank) ဈေးကွက်၌ ၂၀၁၃-၂၀၁၄ ဘဏ္ဍာနှစ်တွင် အမေရိကန်ဒေါ်လာ ဝ.ဝ၁ ဘီလျံမျှသာ အရောင်းအဝယ်ရှိခဲ့ရာမှ ၂၀၁၇-၂၀၁၈ ဘဏ္ဍာနှစ်တွင် အမေရိကန်ဒေါ်လာ ၂ ဘီလျံသို့ တိုးတက်ခဲ့ပြီး ဆက်လက်၍လည်း တိုးတက်လျက်ရှိပါသည် (Figure - 1 ကို ကြည့်ပါ)။ 

ထို့ကြောင့် မြန်မာနိုင်ငံတော်ဗဟိုဘဏ်အနေဖြင့် နိုင်ငံခြားငွေကြေးဈေးကွက် ဖွံ့ဖြိုးတိုးတက်မှု အဆင့်မြှင့်တင်ရေးအတွက် နိုင်ငံတကာဗဟိုဘဏ်များ ကျင့်သုံးသည့်စနစ်နှင့်အညီ ဈေးကွက်ကိုအခြေခံ၍ ပျမ်းမျှအလေးပေးတွက်ချက်သော ရည်ညွှန်းငွေလဲလှယ်နှုန်းသတ်မှတ်ရန်ဆောင်ရွက်ခြင်းဖြစ်သည်။ 

အမေရိကန်ဒေါ်လာနှင့် မြန်မာကျပ်ငွေလဲလှယ်သည့် ရည်ညွှန်းငွေလဲလှယ်နှုန်းအား တစ်နေ့တာအတွင်း ဘဏ်အချင်းချင်းနှင့် ဘဏ်နှင့် ယင်း၏ဆက်သွယ်ဆောင်ရွက်သူများအကြား အရောင်း/ အဝယ်ဖြစ်သည့် ပမာဏအပေါ်တွင် ပျမ်းမျှအလေးပေး တွက်ချက်မှုဖြင့် တွက်ချက်သတ်မှတ်မည် ဖြစ်သည်။ 

မြန်မာနိုင်ငံတော်ဗဟိုဘဏ်သည် ရည်ညွှန်းငွေလဲလှယ်နှုန်း ထုတ်ပြန်သည့်အချိန်ကိုလည်း နေ့တစ်နေ့အတွက် အချက်အလက်အားလုံးရရှိနိုင်သည့်အချိန်ညနေ(၄းဝ၀)နာရီသို့ ပြောင်းလဲထုတ်ပြန်ပါမည်။ 

မြန်မာနိုင်ငံတော်ဗဟိုဘဏ်ကနံနက်ပိုင်းထုတ်ပြန်သော ရည်ညွှန်းငွေလဲလှယ်နှုန်းအတွက် လက်ရှိကျင့်သုံးနေသောစနစ်မှာ ယခင်လုပ်ငန်းဆောင်ရွက်သည့်နေ့၏ ပျမ်းမျှအလေးပေး တွက်ချက်ထားသည့်နှုန်းကို အသုံးပြုထားရာ အထူးသဖြင့် ပိတ်ရက်ရှည်များ သို့မဟုတ်သီတင်းပတ်၏ အလုပ်ပိတ်ရက်များ ကုန်ဆုံးပြီးနောက်နေ့များတွင် လက်ရှိဈေးကွက်ငွေလဲလှယ်နှုန်းနှင့် လိုက်လျောညီထွေမရှိခြင်းတို့ကို ဖြစ်ပေါ်စေပါသည်။ 

ယခုပြောင်းလဲအသုံးပြုမည့်စနစ်မှာ တူညီသောနေ့မှာပင် ရည်ညွှန်းငွေလဲလှယ်နှုန်းကို ထုတ်ပြန်မည်ဖြစ်သည့်အတွက် ထိုသို့လိုက်လျောညီထွေ မရှိမှုကို ရှောင်ရှားနိုင်မည်ဖြစ်သည်။ 

မြန်မာနိုင်ငံတော်ဗဟိုဘဏ်သည် အများပြည်သူထံ သတင်းအချက်အလက်ဖြန့်ဝေနိုင်ရန် ဗဟိုဘဏ် website ၏ ပထမစာမျက်နှာတွင် ဘဏ်အချင်းချင်းအကြားနှင့် ဘဏ်နှင့် ယင်း၏ဆက်သွယ်ဆောင်ရွက်သူများအကြား ငွေလဲလှယ်နှုန်းများအား ပျမ်းမျှအလေးပေးတွက်ချက်၍ ရရှိထားသည့် ဈေးကွက်ငွေလဲလှယ်နှုန်း(ရည်ညွှန်းငွေလဲလှယ်နှုန်း)ကို ရည်ညွှန်းငွေလဲလှယ်နှုန်းထုတ်ပြန်သော ပုံစံဖြင့်ပြောင်းလဲဖော်ပြသွားမည်ဖြစ်သည်။(ဇယား ၁ ကို ကြည့်ပါ) 

- မြန်မာနိုင်ငံတော်ဗဟိုဘဏ်က နေ့စဉ်ရည်ညွှန်းငွေလဲလှယ်နှုန်းကို နံနက် ၉းဝ၀ နာရီနှင့် နေ့လယ် ၃းဝ၀ နာရီအကြား ရောင်းဝယ်မှုများအပေါ် အခြေခံ၍ ဘဏ်ဖွင့်ရက်တိုင်း ညနေ ၄းဝ၀ နာရီတွင် ထုတ်ပြန်ကြေညာမည်ဖြစ်သည်။ 

- ဈေးကွက်ငွေလဲလှယ်နှုန်းကို ပျမ်းမျှအလေးပေးတွက်ချက် သတ်မှတ်သည့် နည်းစနစ်မှာ မြန်မာနိုင်ငံတော်ဗဟိုဘဏ်၏ website တွင်တွေ့နိုင်ပါသည်။ 

- မြန်မာ ကျပ်ငွေဖြင့် အခြားနိုင်ငံခြားသုံးငွေကြေးများ၏ ရည်ညွှန်းငွေလဲလှယ်နှုန်းများကို forex.cbm.gov.mm တွင် ကြည့်ရှုနိုင်ပါသည်။ 

မြန်မာနိုင်ငံတော်ဗဟိုဘဏ်သည် မြန်မာကျပ်ငွေဖြင့် အခြားနိုင်ငံခြားသုံးငွေကြေးများ၏ လဲလှယ်နှုန်းများကိုလည်း သတ်မှတ်မည်ဖြစ်ပြီး ယင်းသို့တွက်ချက်ခြင်းကို နိုင်ငံတကာဈေးကွက်များတွင် ဖြစ်ပေါ်နေသော လဲလှယ်နှုန်းများအရသို့မဟုတ် အဆိုပါငွေကြေးထုတ်ဝေသော နိုင်ငံအတွင်း ဘဏ်အချင်းချင်းအကြားငွေကြေးဈေးကွက်တွင် cross-currency လဲလှယ်သည့်နှုန်းများအပေါ် အခြေခံသတ်မှတ်ခြင်း ဖြစ်သည်။ 

ဤနေရာတွင် သတိပြုရမည့်အချက်မှာ ရည်ညွှန်းငွေလဲလှယ်နှုန်းသည်ရည်ညွှန်းကိန်းတစ်ခုသာဖြစ်၍ မဖြစ်မနေအသုံးပြုရမည့် နှုန်းထားတစ်ခုမဟုတ်ခြင်းပင်ဖြစ်သည်။ 

နိုင်ငံခြားငွေကြေးဈေးကွက်အတွင်း လုပ်ငန်းဆောင်ရွက်သူများအနေဖြင့် ယင်းတို့၏ နိုင်ငံခြားငွေကြေးလဲလှယ် လွှဲပြောင်းသည့်လုပ်ငန်းများတွင် ရည်ညွှန်းငွေလဲလှယ်နှုန်းကို မဖြစ်မနေအသုံးပြုရန် မလိုအပ်ပါ။ အကောက်ခွန်ဆိုင်ရာ စာရင်းရှင်းလင်းချက်များ၊ စာရင်းရေးသွင်းမှုများနှင့် စာရင်းအင်းအချက်အလက်ပြုစုရန် ကိစ္စရပ်များအတွက်မူ ယခင်နေ့ ရည်ညွှန်းငွေလဲလှယ်နှုန်းကိုအသုံးပြုနိုင်သည်။ 

အများပြည်သူအတွက် အချက်အလက်များတိုးမြှင့်ရရှိနိုင်ရန် မြန်မာနိုင်ငံတော်ဗဟိုဘဏ်သည် နေ့စဉ်တွက်ချက်ရရှိသော Nominal Effective Exchange Rate (NEER)နှင့် လစဉ်တွက်ချက်ရရှိသောReal Effective Exchange Rate (REER) အချက်အလက်များကို ပုံမှန်ထုတ်ပြန်သွားမည်ဖြစ်သည်။ 

မြန်မာနိုင်ငံတော်ဗဟိုဘဏ်၏ နိုင်ငံခြားသုံးငွေဆိုင်ရာ ရည်မှန်းချက်တစ်ခုမှာအချိန်တိုအတွင်း ငွေလဲလှယ်နှုန်းတက်ခြင်း/ ကျခြင်း ကြီးကြီးမားမားမဖြစ်စေရန် ဖြစ်ပါသည်။ 

အဆိုပါရည်ရွယ်ချက်ကို အောင်မြင်စေရန် ဗဟိုဘဏ်အနေဖြင့်အဆင့်ဆင့် တိုးမြှင့်ဆောင်ရွက်သွားမည်ဖြစ်ပြီး ဈေးကွက်အတွင်း ငွေလဲလှယ်နှုန်းတက်ခြင်း/ ကျခြင်း ကြီးမားစွာဖြစ်ပေါ်ပါက ဗဟိုဘဏ်က ထိုအပြောင်းအလဲကြီးခြင်းကို လျော့ပါးစေရန် ဆောင်ရွက်သွားမည်ဖြစ်သည်။ 

ယင်းသို့ ဆောင်ရွက်သွားမည့်ကိစ္စနှင့်စပ်လျဉ်း၍ ဗဟိုဘဏ်အနေဖြင့် လိုအပ်သလို ထပ်မံအသိပေးထုတ်ပြန်သွားမည်ဖြစ်သည်။ 

မြန်မာနိုင်ငံတော် ဗဟိုဘဏ်

Popular News Journal