တရုတ်နိုင်ငံသို့ အလုပ်သွားလုပ်သော စစ်ဘေးရှောင်နှင့်ဒေသခံများအား တရုတ်ရဲများက ဖမ်းဆီးမှုများရှိနေပြီး ပိုက်ဆံပေးမှသာပြန်လွှတ်ကြောင်း ကချင်ငြိမ်းချမ်းရေးကွန်ယက်မှ ညှိနှိုင်းရေးမှူးဒေါ်ခွန်ဂျာကပြောသည်။
လက်ရှိကချင်ပြည်နယ်တွင် စစ်ဘေးရှောင်ပြည်သူတစ်သိန်းခန့်ရှိပြီး အများစုမှာ မြန်မာ-တရုတ်နယ်စပ် တစ်လျှောက်တွင် ယာယီနေထိုင်နေကြကြောင်း သိရသည်။
“ လူကုန်ကူးခံရတဲ့သူဆိုရင် တရုတ်ရဲကပြန်လွှဲပေးတယ်။ ဒါပေမဲ့အဲဒီဘက်မှာအလုပ်သွားလုပ်တဲ့သူတွေပေါ့။ အဲဒီသူတွေကိုတော့ သူတို့က လ.၀.က ဥပဒေအရ ဖမ်းဆီးတာတွေရှိတယ်။ တချို့လည်း ယွမ် ၅၀၀၊ ၁၀၀၀ ထောင်ပေးရင် ပြန်လွတ်လာကြတယ်။ တချို့လည်း ယွမ်၂၅၀၀ပေါ့။ အဲဒီလိုမှမပေးနိုင်ရင် အဲဒီဘက်မှာ ဖမ်းဆီးခံရတယ်။ ဒီလိုဖြစ်နေတာကိုအစိုးရကမသိတာတော့မဟုတ်ဘူး။ သိတယ်။ စစ်ဘေးရှောင်တင် မဟုတ်ဘူး။ ဒေသခံတွေကလည်းအဲဒီဘက်မှာအလုပ်သွားလုပ်တယ်။ မလုပ်လို့လည်းမရဘူး။ ပြန်ထွက်လိုက်။ ပြန်ဝင်လိုက်။ ဒီလိုပဲလုပ်နေကြရတာပေါ့’’ ဟု ကချင်ငြိမ်းချမ်းရေးကွန်ယက်မှ ညှိနှိုင်းရေးမှူးဒေါ်ခွန်ဂျာက ပြောသည်။
ကချင်ပြည်နယ်သည် ၂၀၁၁ ခုနှစ်ဝန်းကျင်မှစတင်ကာ တိုက်ပွဲများပြန်လည်ဖြစ်ပွားခဲ့ပြီး KIA နှင့် တပ်မတော်တို့မကြာခဏထိတွေ့မှုတို့ရှိခဲ့သည်။
စစ်ဘေးကြောင့် စစ်ဘေးရှောင်သူများလည်းရှိခဲ့ပြီး လက်ရှိတွင် ပြည်ထောင်စုငြိမ်းချမ်းရေးကော်မရှင်မှ နှစ်ဖက်တွေ့ဆုံနိုင်ရန် ပမာဏာတွေ့ဆုံဆွေးနွေးခြင်းတို့ရှိကြောင်း သိရသည်။
မင်းသီဟန်(အကုန်သိသတင်းဌာန)
0 comments:
Post a Comment