AA ၏ စာပေးပို့မှုကြောင့် ထွက်မပြေးနိုင်သည့် သက်ကြီးရွယ်အိုများကလွဲပြီး ရွာကိုစွန့်ကာ ကြိုတင်ရှောင်နေရ

ချင်းပြည်နယ် ပလက်ဝမြို့နယ်ရှိ ကျေးရွာအချို့တွင် ရက္ခိုင်တပ်မတော်(AA) မှကျေးရွာများတွင်ဝင် ရောက်မည်ဟု စာများပို့သဖြင့် ကျေးရွာအချို့ ရွာကိုစွန့်ကာ ထွက်ပြေးတိမ်းရှောင်နေရသော်လည်း ထွက်မပြေးနိုင်သည့် သက်ကြီးရွယ်အိုများ ရွာတွင်ဆက်နေထိုင်သည်ဟု စစ်ဘေးဒုက္ခသည် ကယ်ဆယ်ရေးအဖွဲ့မှ ဦးအိုက်လင်းကပြောသည်။ 

ဦးအိုက်လင်းက “ရက္ခိုင့်တပ်မတော်AA လက်နက်ကိုင်တွေကလည်း ရွာတွေကို ခြိမ်းခြောက်တယ်။ ဒီရွာကိုဝင်မယ် ဟိုရွာမှာဝင်မယ် ဆိုတာမျိုးတွေကို စာပို့တာတွေလုပ်ကြတော့ ရွာသူရွာသားတွေကလည်း ကြောက်ပြီးတော့ ကြိုပြေးကြတယ်။ အခုကျွန်တော်ကြားတာတော့ ခြိမ်းခြောက်ခံရလို့ ရွာကိုစွန့်ခွာပြီးပြေးတာ နှစ်ရွာလောက်ရှိတယ်။ လူငယ် လူလတ်ပိုင်းတွေက တခြားရွာတွေကို ထွက်ပြေးကြတယ်။ မိသားစုများတဲ့သူ သက်ကြီးပိုင်းရှိတဲ့သူတွေက သွားလည်းမသွားနိုင်ဆိုတော့ သေရင်လည်းသေဆိုပြီး နေခဲ့တာတွေလည်းရှိတယ်။”ဟုပြောသည်။ 

လွန်ခဲ့သော အပက်က သံတောင်ကျေးရွာတစ်ဖက်ကမ်း ၊ ဝတ်ချောင်းကျေးရွာနှင့် မနီးမဝေးနေရာ ငါးမိုင်ခန့်အကွာတွင် မြန့်မာ့တပ်မတော်နှင့် AA လက်နက်ကိုများ ထိပ်တိုင်ရင်ဆိုင်တိုက်ပွဲဖြစ်ခဲ့ရာ သံတောင်ရွာ ပြည်သူလူထုသည် အစုလိုက်ထွတ်ပြေးတိမ်းရှောင် ခဲ့ရသည့်အပြင် သံတောင်ကျေးရွာ သံတောင်ရဲစခန်းမှူးနှင့် ကျေးရွာအုပ်ချုပ်ရေးမှူးတို့ကိုပါ AAလက်နက်ကိုင်များမှ ဖမ်းဆီးသွားခဲ့ကြပြီး ယနေ့အချိန်ထိ သတင်းအစအန မကြားရသည့်အပေါ် မိသားစုဝင်နှင့် ဒေသခံများစိုးရိမ်ပူပန်နေကြရပြီး ဘာသာပေါင်းစုံမှ ဆုတောင်းခြင်းများ ပြုလုပ်ကြသည်ဟုလည်း သိရသည်။ 

ဦးအိုက်လင်းက “အဖမ်းခံလိုက်ရတဲ့ ရဲစခန်းမှူးရော ကျေးရွာအုပ်ချုပ်မှူး သူတို့ရဲ့မိသားစုတွေရော ဒေသခံတွေရော အရမ်းစိုးရိမ်နေကျတယ်။ အိမ်ကိုချောချောမွေ့မွေ့ ပြန်ရောက်နှိုင်ဖို့ ဘာသာပေါင်းစုံက ဆုတောင်းကြတာတွေ လုပ်နေကြတယ်။”ဟုပြောသည်။ 

Photo; Kyaw Aung FB

Salai Khup Khup 

Chin World