ရခိုင်ပြည်လွတ်မြောက်ရေးပါတီမှ ခေါင်းဆောင်တစ်ဦးဖြစ်သူ ဗိုလ်မှူးကြီးခိုင်မိုးချမ်းသည် စီးပွားရေးတာဝန်ခံဦးသိန်းဦးနှင့် ယာဉ်မောင်းဦးချစ်ကောင်းတို့နှင့် အတူ ယနေ့ ကရင်ပြည်နယ်၊ ဖားအံထောင်မှ လွတ်မြောက်လာသည်။
သူတို့ သုံးဦးသည် ပါတီမှ လက်နက်ခဲယမ်းမီးကျောက်များအား အရှေ့ဘက် ထိုင်းနယ်စပ်မှ မြန်မာနိုင်ငံ အနောက်ဘက်သို့ ရွှေ့ပြောင်း သယ်ယူစဉ် ၂၀၁၇ ခုနှစ် ဒီဇင်ဘာလ (၉) ရက်နေ့၌ ကရင်ပြည်နယ်တွင် အာဏာပိုင်များ၏ ဖမ်းဆီးခြင်းကို ခံခဲ့ရပြီး တစ်နှစ်ကျော် ထောင်ထဲတွင် နေထိုင်ခဲ့ရသည်။
လွတ်မြောက်လာသည့် ဗိုလ်မှူးကြီးနှင့်အဖွဲ့အား ပါတီဒုတိယဥက္ကဌခိုင်စိုးနိုင်အောင်၊ ဗိုလ်မှူးချုပ် ခိုင်ထွန်းဝင်၊ ဆက်ဆံရေးရုံးတာဝန်ခံ ပါတီဗဟိုကော်မတီဝင် ဒုတိယဗိုလ်မှူးကြီးခိုင်ကျော်လှိုင်၊ ခိုင်ချစ်မင်း၊ ဦးသိန်းဦး၏ဇနီးနှင့် ပါတီကိုဝိုင်းရံပံ့ပိုးသူများက သွားရောက်လက်ခံကြိုဆိုခဲ့ကြသည်ဟု သတင်းရရှိသည်။
(ဓာတ်ပုံ- လွတ်မြောက်လာသူများကို ALP ဒုဥက္ကဋ္ဌ ခိုင်စိုးနိုင်အောင်နှင့် အတူတွေ့ရစဉ်)
Narinjara
0 comments:
Post a Comment