တပ်မတော်ညှိနှိုင်းဆွေးနွေးရေးအဖွဲ့နှင့် ရှမ်းပြည်တိုးတက်ရေးပါတီ (SSPP/SSA) အဖွဲ့တို့သည် ဖေဖော်ဝါရီ ၂၅ ရက် တွင် နေပြည်တော်တိုင်းစစ်ဌာနချုပ်၊ ပေါင်းလောင်းရိပ်သာ၌ တွေ့ဆုံဆွေးနွေးမှုများ ပြုလုပ်ကြကြောင်း တပ်မတော် ကာကွယ်ရေး ဦးစီးချုပ်ရုံက သတင်းထုတ်ပြန်ထားသည်။
ထိုသို့တွေ့ဆုံရာတွင် နှစ်ဖက်တွေ့ဆုံညှိနှိုင်းမှု တိုးမြှင့်ရေးဆိုင်ရာ ကိစ္စရပ်များ၊ ရှမ်းပြည်နယ်(မြောက်ပိုင်း)တွင် ဖြစ်ပွားနေသော တိုက်ပွဲများလျှော့ချရေးနှင့် ပဋိပက္ခဖြစ်စဉ်များ လျှော့ချနိုင်ရေး ဆိုင်ရာကိစ္စရပ်များ၊ လက်ရှိငြိမ်းချမ်းရေးလမ်းကြောင်းတွင် ဆက်လက်ပါဝင်နိုင်ရေးတို့နှင့် ပတ်သက်၍ ရင်းနှီးပွင့်လင်းစွာ အပြန်အလှန်ဆွေးနွေးကြသည်။
အဆိုပါတွေ့ဆုံပွဲသို့ တပ်မတော်ညှိနှိုင်းဆွေးနွေးရေးအဖွဲ့ဥက္ကဋ္ဌ ဒုတိယဗိုလ်ချုပ်ကြီး ရာပြည့်၊ ကာကွယ်ရေးဦးစီးချုပ်ရုံး(ကြည်း)မှ တပ်မတော်အရာရှိကြီးများနှင့် အရှေ့အလယ်ပိုင်းတိုင်းစစ်ဌာနချုပ် တိုင်းမှူးတို့ တက်ရောက်ကြပြီး ရှမ်းပြည်တိုးတက်ရေးပါတီ (SSPP/SSA)အဖွဲ့မှ ဒုတိယဥက္ကဋ္ဌ စ၀်ခွန်ဆိုင် ဦးဆောင်သော ကိုယ်စားလှယ်များ တက်ရောက်ကြသည်။
Credit - တပ်မတော် ကာကွယ်ရေးဦးစီးချုပ်ရုံး
The Ladies News
0 comments:
Post a Comment