ကမ္ဘောဇဘဏ် မောင်တောဘဏ်ခွဲတွင် Work From Home (နေအိမ်တွင် နေထိုင်၍ အလုပ်လုပ်စေခြင်း အစီအစဉ်ဖြင့်) တာဝန်ထမ်းဆောင်နေသည့် ဝန်ထမ်းတွင် COVID-19 ရောဂါတွေ့ရှိကြောင်း ကမ္ဘောဇဘဏ်က ယနေ့ညတွင် အသိပေးထုတ်ပြန်လိုက်သည်။
Monday, August 31, 2020
COVID-19 ရောဂါကာကွယ်ရေး အထောက်အကူပြုပစ္စည်းများ၊ စားသောက်ဖွယ်ရာများနှင့် အသုံးအဆောင်ပစ္စည်းများအား တပ်မတော်လေယာဉ်ဖြင့် စစ်တွေမြို့သို့ ကူညီပို့ဆောင်
ကျန်းမာရေးနှင့်အားကစားဝန်ကြီးဌာန၊ လူမှုဝန်ထမ်းကယ်ဆယ်ရေးနှင့် ပြန်လည် နေရာချထားရေးဝန်ကြီး ဌာန၊ သဘာဝဘေးအန္တရာယ်ကာကွယ်ရေးဦးစီးဌာနနှင့် UEHRD အဖွဲ့တို့မှ COVID-19 ရောဂါကာကွယ်ရေး အထောက်အကူပြုပစ္စည်းများ၊ စားသောက်ဖွယ်ရာ များနှင့် အသုံးအဆောင်ပစ္စည်းများအား ယနေ့တွင် ရန်ကုန်မြို့မှ စစ်တွေမြို့သို့ ပို့ဆောင်ကြရာ တပ်မတော်မှ လေယာဉ်ဖြင့် ကူညီပို့ဆောင်ပေးသည်။
မြင်းခြံ မှ မန္တလေးသို့ ဖျားနာရောဂါဖြင့် လာကုသသော အမျိုးသားတွင် COVID ပိုးတွေ့
မြင်းခြံ မှ မန္တလေး ပြည်သူ့ဆေးရုံကြီး အရေးပေါ်နှင့်ပြင်ပလူနာဌာနသို့ သြဂုတ် ၃၁ ရက် ၈ နာရီခွဲအချိန်တွင် ဖျားနာရောဂါဖြင့် လာကုသသောအမျိုးသား၌ COVID ပိုးတွေ့ရှိခဲကြောင်း သိရသည် ။
ဂျပန်နိုင်ငံသည် စက်တင်ဘာလ ၁၇ ရက်နေ့တွင် ပါလီမန်၌ ဝန်ကြီးချုပ်အသစ်ရွေးချယ် တင်မြှောက်ရန် စီစဉ်
ဂျပန်နိုင်ငံဝန်ကြီးချုပ် Shinzo Abe နှုတ်ထွက်ခဲ့ခြင်းကြောင့် နိုင်ငံ၏ ဝန်ကြီးချုပ်အသစ်နေရာကို ရွေးချယ်တင်မြှောက်ရန်အတွက် စက်တင်ဘာလ ၁၇ ရက် နေ့တွင် လွှတ်တော်အစည်းအဝေးတစ်ရပ်ကို ကျင်းပသွားရန် စီစဉ်နေကြကြောင်း ဩဂုတ်လ ၃၀ ရက်နေ့တွင် Kyodo သတင်းအေဂျင်စီမှ ထုတ်ပြန်ကြေညာခဲ့ပါသည်။
COVID -19 ကာလအတွင်း မွန်ပြည်နယ်တွင် ကျူရှင်သင်ကြားခြင်းပြုလုပ်ပါက အရေးယူမည်
မြန်မာနိုင်ငံတွင် COVID -19 ရောဂါဖြစ်ပွားချိန်မှ စတင်ပြီး လူစုလူဝေးမဖြစ်စေရေးအတွက် အခြေခံပညာ ကျောင်းများ၊ တက္ကသိုလ် ကောလိပ်ကျောင်းနှင့် သင်တန်းများ ယာယီပိတ်ထားရန် ညွှန်ကြားချက်ထုတ်ပြန်ခဲ့ပါသည်။
တာချီလိတ်တွင် နေအိမ်အတွင်း သေနတ်ဖြင့် ဝင်ပစ်၍ အမျိုးသားတစ်ဦးသေဆုံး
မြန်မာ-ထိုင်းနယ်စပ်ဒေသ တာချီလိတ်မြို့၊ ဆန်ဆိုင်း(က)ရပ်ကွက်အတွင်း ပုံလို့သွားရာ လမ်းတွင် ၂၀၂၀ ခုနှစ်၊ သြဂုတ်လ (၃၁)ရက်နေ့ ညပိုင်းက နေအိမ်အတွင်း ဝင်ရောက်ကာ သေနတ်ဖြင့် ပစ်ခတ်မှုဖြစ်၍ အမျိုး သားတစ်ဦး သေဆုံးသွားကြောင်း ကနဦး သိရသည်။
ကမ္ဘာ့ဘဏ်ချေးငွေနဲ့ ရေကြီး၊ရေလျှံမှုလျော့နည်းပပျောက်ရေးသုံးစွဲငွေပမာဏကိုလွှတ်တော်မှာခဏခဏ မေးမြန်းခဲ့ပေမဲ့ စည်ပင်က ခုထိလာမရှင်းပြသေး
ကမ္ဘာဘဏ်ချေးငွေနဲ့ဆောင်ရွက်နေတဲ့ စီမံကိန်းတွေနဲ့ ရန်ကုန်မြို့တွင်း (၆)ခုမှာ ရေကြီး၊ ရေလျှံမှုလျော့နည်း ပပျောက်ရေးအတွက် သုံးထားတဲ့ငွေပမာဏကို စည်ပင်သာယာရေးကော်မတီက ဒီနေ့အထိပြန်ဖြေတာ မရှိသေးဘူးလို့ ရန်ကုန်တိုင်းလွှတ်တော် ဘဏ္ဍာရေး၊ စီမံကိန်းနဲ့ စီးပွားရေးကော်မတီက သိရပါတယ်။
စစ်တွေမြို့မှာ ကျပန်းဓါတ်ခွဲနမူနာစစ်ဆေးခြင်း စက်တင်ဘာ ၅ရက်နေ့အထိ ပြုလုပ်မည်
ရခိုင်ပြည်နယ်၊စစ်တွေမြို့နယ်အတွင်းမှာ ကျပန်းဓါတ်ခွဲနမူနာ ရယူစစ်ဆေးခြင်းကိုယနေ့မှစတင်ကာစက်တင် ဘာလ ၅ရက်နေ့အထိ ပြုလုပ်သွားမှာဖြစ်တယ်လို့ ရခိုင် ကိုဗစ်-၁၉ စောင့်ကြည့်ရေးအဖွဲ့ထံမှ သိရပါတယ်။
စက်ရုံ၊ အလုပ်ရုံများကျန်းမာရေးလမ်းညွှန်ချက်အတိုင်း မလိုက်နာပါက ပိတ်သိမ်းသည်အထိ အရေးယူမည် ကပ်ရောဂါကာလအတွင်း အလုပ်သမားများအား တရားစွဲဆိုမှုများကို ပြန်လည်သုံးသပ်ပေးမည်ဟုဆို
စက်ရုံ၊ အလုပ်ရုံများအနေဖြင့် ကျန်းမာရေးလမ်းညွှန်ချက်အတိုင်း ပြင်ဆင်ဆောင်ရွက်ထားခြင်းမရှိကြောင်း ရှောင်တခင်စစ်ဆေးတွေ့ရှိပါက ပိတ်သိမ်းသည်အထိ အရေးယူသွားမည်ဟု အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦး သိန်းဆွေက ပြောသည်။
မွန်ပြည်နယ်အတွင်းရှိ ဈေးတွေမှာ Maskတပ်ဖို့အတွက် မကြပ်မတ်နိုင်ပါက ဝန်ထမ်းတွေကိုအရေးယူမည်
မွန်ပြည်နယ်အတွင်းရှိ ဈေးတွေဟာဆိုရင် COVID-19ရောဂါကြောင့် သင်္ကြန်မတိုင်မီကာလအတွင်းက စား သောက်ကုန်ဈေးတွေသာ ဖွင့်ပြီးကျန်တဲ့ဈေးတွေကို ဧပြီလကုန်ထိ ပိတ်ထားခဲ့ရပါတယ်။အဲ့ဒီနောက်ပိုင်းမှာတော့ ဖြေလျော့မှုအနေဖြင့်ပြည်ထောင်စု ကျန်းမာရေးဝန်ကြီးဌာနကညွှန်ကြားချက်နဲ့အညီ ဈေးဆိုင်တွေ၊စားသောက်ကုန်ဈေးတွေကို ဖွင့်လှစ်ရောင်းချခွင့် ပြုထားတာပါ။
ကယားဝန်ကြီးချုပ်ကို တရုတ်သတ္တုသန့်စင်စက်ရုံ၊ ဗိုလ်ချုပ်ကြေးရုပ် ကိစ္စအပါအဝင် ငွေကြေးသုံးစွဲမှုကိစ္စ စစ်ဆေးပေးရန် အရပ်ဘက်အဖွဲ့ ၂၃ ခုတောင်းဆို
ကယားပြည်နယ် ဝန်ကြီးချုပ် ဦးအယ်လ်ဖောင်းရှိုကို အခြေခံဥပဒေ ချိုးဖောက်သည်ဟုဆိုကာ ပြည်နယ်လွှတ် တော်က စုံစမ်းစစ်ဆေးနေစဉ်တရုတ် သတ္တုသန့်စင်ရေးစက်ရုံ တည်ဆောက်ခြင်း၊ ဗိုလ်ချုပ်ကြေးရုပ်နှင့် ပန်းစိုက်ပျိုးသည့် ကိစ္စများတွင် သုံးစွဲခဲ့သော ငွေကြေးကိစ္စရပ်များကို ထပ်မံစစ်ဆေးပေးရန်အတွက် အရပ်ဘက်အဖွဲ့အစည်း ၂၃ ဖွဲ့က ပြည်နယ်လွှတ်တော်နှင့် ပြည်နယ် အစိုးရအဖွဲ့ထံသို့ ယနေ့ အိတ်ဖွင့်ပေးစာ ပေးပို့လိုက်ကြောင်း ကယန်းမျိုးဆက်လူငယ်အဖွဲ့ ဥက္ကဋ္ဌ ခွန်းဘားနဒ်ဘုတ်ကပြောဆိုသည်။
ကိုရိုနာဗိုင်းရပ်စ် ကာကွယ်ဆေး နှစ်ကြိမ်ထိုးရဖွယ်ရှိပြီး၊ အခက်အခဲအချို့ရှိလာနိုင်
ကိုရိုနာဗိုင်းရပ်ကာကွယ်ဆေးဟာ ဈေးကွက်ထဲမှာ ထွက်ပေါ်လာတဲ့အခါမှာ တစ်ကြိမ်ထိုးရုံနဲ့ မလုံလောက်ဘဲ နှစ်ကြိမ်ထိုးရဖွယ်ရှိပြီး၊ အခက်အခဲအချို့လည်း ရှိလာနိုင်ပါတယ်။
နေပြည်တော်ကောင်စီထုတ်ပြန်ကြေညာချက်
နေပြည်တော်မှာ လူစုလူဝေးဖြင့် ကျင်းပပြုလုပ်ရမယ့် အခမ်းအနားများ၊ ရုပ်ရှင်ရုံများ၊ ဘော်ဒါ ဆောင်များ ဖွင့်လှစ်ခြင်းမပြုလုပ်ဖို့ ထုတ်ပြန်ထားတဲ့ ညွှန်ကြားချက်ကို စက်တင် ဘာလ(၃၀)ရက်နေ့အထိ ရက်တိုးမြှင့်လိုက်ကြောင်း နေပြည်တော်ကောင်စီမှ ယနေ့နေ့စွဲနဲ့ ထုတ်ပြန်ကြေညာလိုက်ပါတယ်။
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တပ်မတော် နည်းပညာတက္ကသိုလ် စစ်လက်ရုံးရွေးချယ်ပွဲသို့ တက်ရောက် စိစစ်ရွေးချယ်ခဲ့ကြောင်း သိရှိရ
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ဩဂုတ် ၂၉ ရက်နှင့် ယနေ့တို့တွင် ပြင်ဦးလွင်မြို့၊ တပ်မတော်နည်းပညာတက္ကသိုလ်၌ ပြုလုပ်သည့် တပ်မတော်နည်းပညာတက္ကသိုလ်ဗိုလ်လောင်းသင်တန်း အမှတ်စဉ်(၂၃) စစ်လက်ရုံး ရွေးချယ်ပွဲသို့ တက်ရောက်စိစစ် ရွေးချယ်သည်။
ယနေ့ည စံချိန်တင် COVID-19 လူနာ (၉၅) ဦး ထပ်တိုးသောကြောင့် မြန်မာနိုင်ငံတွင် ဗိုင်းရပ်စ်ကူးစက်ခံရသူ စုစုပေါင်း (၈၈၂) ဦးအထိရှိလာ
၁။ (၃၁-၈-၂၀၂၀) ရက်နေ့အတွက် COVID-19 ရောဂါ ဓာတ်ခွဲစစ်ဆေးရာတွင် -
- အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) (NHL) မှ (ပထမအသုတ်) ဓာတ်ခွဲ နမူနာ (၉၃၂) ခု၊
တရုတ်အဆင့်မြင့်ခေါင်းဆောင်တစ်ဦး မြန်မာနိုင်ငံသို့ ချစ်ကြည်ရေးခရီးစဉ်လာရောက်မည်
တရုတ်အဆင့်မြင့်ခေါင်းဆောင်တစ်ဦး မြန်မာနိုင်ငံသို့ ချစ်ကြည်ရေးခရီးစဉ်လာရောက်မည်ဖြစ်ကြောင်း မြန်မာနိုင်ငံဆိုင်ရာတရုတ်သံရုံးကကြေညာသည်။
ပိုးတွေ့လူနာတွေ၊ လူနာနဲ့ထိတွေ့သူတွေကို Home Quarantine ထားဖို့ အစီအစဉ်မရှိသေး
ကိုဗစ်-၁၉ ပိုးတွေ့ရှိထားပေမယ့် ရောဂါမပြင်းထန်သူတွေ၊ ပိုးတွေ့လူနာတွေနဲ့ ဆက်စပ်သူတွေကို နေအိမ်မှာပဲ အသွားအလာကန့်သတ်ဖို့ အစီအစဉ်မရှိသေးကြောင်း ကျန်းမာရေးနှင့် အားကစားဝန်ကြီးဌာန ပြောရေး ဆိုခွင့်ရှိသူ ညွန်ကြားရေးမှူး ဒေါက်တာသန်းနိုင်စိုးက ပြောပါတယ်။
နေပြည်တော်မှ စစ်တွေလူနာအမှတ် ၆၅၉ နဲ့ထိတွေ့ခဲ့သူများ ဓာတ်ခွဲအဖြေ Negative ထွက်
ရခိုင်ပြည်နယ်၊ အမ်းမြို့က COVID-19 ဓါတ်ခွဲ အတည်ပြုလူနာ (Case – 659) အသက် ၂၁ နှစ်အ ရွယ် မမေဇွန်နိုင်ဟာ နေပြည်တော်ကို ရောက်ရှိခဲ့ပြီး ရာထူးဝင်စာမေးပွဲဖြေကြားခဲ့တယ်လို့ မနေ့က နေပြည်တော်ပြည်သူ့ကျန်းမာရေးဦးစီးဌာနက သတင်းထုတ်ပြန်ခဲ့ပြီး အဆိုပါ လူနာအမှတ် ၆၅၉ နှင့်ထိတွေ့သူများကို ဓာတ်ခွဲစစ် ဆေးချက်အဖြေအရ Negative များ ထွက်ရှိတာကြောင့် လက်ရှိနေပြည်တော် အခြေအနေမှာ စိုးရိမ်စရာမရှိသေးကြောင်း နေပြည်တော်၊ ပြည်သူ့ကျန်းမာရေးဦးစီးမှူး၊ ဒုတိယညွှန်ကြားရေးမှူးချုပ် ဒေါက်တာမြတ်ဝဏ္ဏစိုးက ပြောပါတယ်။
မန္တလေး စည်ပင်မှ ဝန်ထမ်း(၁၁)ဦး မြေယာကိစ္စ မမှန်မကန် လုပ်ဆောင်ထားမှုများ စစ်ဆေးပေါ်ပေါက်၊တိုင်း အစိုးရက အရေးယူမည်ဖြစ်ပြီး ဝန်ထမ်း(၁၁)ဦးစလုံးက အသနားခံစာ တင်ထားဟု ဝန်ကြီးချုပ်ပြော
မန္တလေးမြို့တော် စည်ပင်သာယာရေး ကော်မတီ (MCDC)တွင် တာဝန်ထမ်းဆောင်နေသည့် ဝန်ထမ်း (၁၁)ဦးမှ မြေယာကိစ္စ မမှန်မကန် လုပ်ဆောင်ထားမှုများ စစ်ဆေးပေါ်ပေါက်သဖြင့် အရေးယူမည် ဖြစ်ကြောင်း မန္တလေးတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာဇော်မြင့်မောင်က ပြောသည်။
ဧရာဝတီတိုင်းဒေသကြီး၌ ဖမ်းမိထားသည့် ဘင်္ဂါလီများတွင် COVID-19 ရောဂါပိုးရှိ မရှိ တို့ဖတ်နမူနာ ရယူစစ်ဆေး
ဧရာဝတီတိုင်းဒေသကြီး၌ ဖမ်းမိထားသည့် ဘင်္ဂါလီများတွင် COVID-19 ရောဂါပိုးရှိ မရှိ တို့ဖတ်နမူနာ ရယူစစ်ဆေးလျက်ရှိကြောင်း သိရသည်။
လက်ဘနွန်လူဦးရေ တဝက်ခန့်မှာ အစာရေဆာပြတ်လက်မှုများကြုံတွေ့နေ
ဘေရွတ်ဆိပ်ကမ်းပေါက်ကွဲမှုကြောင့် နိုင်ငံ၏ ဒုက္ခများကို ပိုမိုဆိုးရွားစေပြီး နိုင်ငံ၏ လူဦးရေတဝက်ခန့်သည် အစာရေဆာပြတ်လတ်မှုများကို ရင်ဆိုင်ကြုံတွေ့နေ ရကြောင်း The United Nations Economic and Social Commission for Western Asia (ESCWA) မှ ပြီးခဲ့သောတနင်္ဂနွေနေ့က ပြောကြားခဲ့ပါသည်။ “စားနပ်ရိက္ခာဘေးကို ကာကွယ်ရန်အတွက် စားနပ်ရိက္ခာဈေးနှုန်းများကို စောင့်ကြပ်ကြည့်ရှု့ခြင်း၊ ကုန်ဈေးနှုန်းအတက်အ ကျများ သေချာစေရန်နှင့် ဒေသတွင်း ထုတ်လုပ်သူများထံမှ စားသုံးသူများသို့ တိုက်ရိုက်ရောင်းချခြင်းကို အားပေးရန် ကဲ့သို့သော အရေးပေါ်စီမံချက်များ ချမှတ်ဆောင်ရွက်သင့်ကြောင်း” ESCWA ၏ အုပ်ချုပ်ရေးဆိုင်ရာ အတွင်းရေးမှူး Rola Dashti မှ ပြောကြားခဲ့ပါသည်။
ငါးသိုင်းချောင်းမြို့ ဧည့်ရိပ်သာတစ်ခုအား အသွားအလာကန့်သတ်
ငါးသိုင်းချောင်းမြို့ ၊ ရှေ့ဆောင်ရပ်ကွက် ၊ သီရိရတနာလမ်းက သီရိရတနာ ဧည့်ရိပ်သာကို အသွား အလာကန့် သတ်ထားတယ်လို့ ငါးသိုင်းချောင်းမြို့ ကိုဗစ်-၁၉ အရေးပေါ် ထိန်းချုပ်ရေးနဲ့ တုံ့ပြန်ရေးကော်မတီဥက္ကဋ္ဌ က ပြောပါတယ်။ အဲဒီ ဧည်ရိပ်သာကို သြဂုတ်လ (၂၉) ရက် ညနေပိုင်းက ရခိုင်ပြည်နယ် ဂွမြို့နယ်က ဧည်သည်နှစ်ဦး လာရောက်တည်းခိုတယ်လို့ သိရှိရတာကြောင့် ဩဂုတ်လ(၃၀)ရက် မနက်ပိုင်းမှာ ပြုလုပ်တဲ့ ကိုဗစ်-၁၉ ရောဂါထိန်းချုပ်ရေးနှင့် အရေးပေါ် တုံ့ပြန်ရေးကော်မတီ အစည်အဝေးမှာ အသွားအလာ ကန့်သတ်ထားဖို့ ဆုံးဖြတ်ချက်ခဲ့တာလို့ သိရပါတယ်။
အငြင်းပွားနယ်စပ်၌ တရုတ်တပ်ဖွဲ့များ၏ မြေပြင်အမှတ်အသားများ ပြောင်းလဲခဲ့ဟု အိန္ဒိယ ပြော
လပေါင်းများစွာကြာ တင်းမာမှုဖြစ်ပွားနေစဉ် လာဒါဒေသရှိ အငြင်းပွားနယ်စပ်တစ်လျောက် တရုတ်နိုင်ငံ ၏ ရန်လိုသော စစ်ရေးလှုပ်ရှားမှုများကို တပ်ဖွဲ့ဝင်များက ကဖျက်ယဖျက်လုပ်နိုင်ခဲ့ကြောင်း အိန္ဒိယနိုင်ငံက ပြော ကြားခဲ့သည်။
မိုးသည်းထန်စွာရွာသွန်းပြီး ပြည်စုတ်ချောင်းငယ်ရေလျံ၍ အိမ်ခြေ ၅၀ ကျော်ရေများဝင်ရောက်နေ
ပဲခူးတိုင်းဒေသကြီး ၊ ရေတာရှည်မြို့နယ်တွင် သြဂုတ် ၃၀ ရက်နေ့ ညနေပိုင်းမှ ညပိုင်းအထိ ၈ နာရီကြာ မိုး သည်းထန်စွာရွာသွန်းခဲ့သဖြင့် တောင်ကျရေများကြောင့် ယနေ့ နံနက်ပိုင်းတွင် ကွင်းကြီးကျေးရွာအုပ်စု နှင့် သပြေတန်းကျေးရွာအုပ်စု အကြား အနောက်မှအရှေ့သို့ စီးဆင်းသော ပြီစုတ်ချောင်းငယ် ရေလျံကာ ရန်ကုန်-မန္တလေး ကားလမ်းအနောက်ဘက်ခြမ်း သပြေတန်းကျေးရွာအတွင်း ရေအမြင့် ၂ ပေ မှ ၃ ပေအထိဝင်ရောက် ခဲ့ပြီး အိမ်ခြေ ၅၀ ကျော် ရေနစ်မြုပ်လျက်ရှိကြောင်း သိရသည်။
COVID-19 ကူးစက်မှုမြင့်မားနေတဲ့ ရခိုင်ပြည်နယ်ကနေ ရန်ကုန်ကို ခရီးသွားခဲ့သူ ၃၄၀၀ ကျော်ရှိ
COVID-19 ရောဂါပြန့်နှံ့မှုများပြားနေတဲ့ ရခိုင်ပြည်နယ်ကနေ ရန်ကုန်ကို ဩဂုတ် ၁၃ ရက်မှ ၂၁ ရက်အတွင်း ပြည်တွင်းလေကြောင်းလိုင်းခရီးစဥ်နဲ့ ခရီးသွားလာခဲ့ကြတဲ့ ခရီးသည်များစာရင်းကို တပ်မတော်သတင်းမှန် ပြန်ကြားရေးအဖွဲ့က ထုတ်ပြန်ကြေညာလိုက်ပါတယ်။
ကိုဗစ်-၁၉ပိုးတွေ့ရှိသည့် သင်္ဘောသား ၃ဦးကို ကော့သောင်းဆေးရုံရှိ အထူးကြပ်မတ်ကုသဆောင်သို့ပို့ဆောင်
ကိုဗစ်-၁၉ရောဂါပိုးတွေ့ရှိခဲ့သည့် နေရပ်ပြန် မြန်မာဘင်္ဘောသား အမျိုးသား ၃ဦးကို ကော့သောင်းခရိုင်ရှိ ပြည်သူ့ဆေးရုံကြီးရဲ့ အထူးကြပ်မတ်ကုသဆောင်သို့ ပို့ဆောင်ခဲ့တယ်လို့ ခရိုင်ပြန်/ဆက်ရဲ့ သတင်းထုတ်ပြန်ချက်များအရ သိရပါတယ်။
ဘဲလာရုစ်နိုင်ငံ၏ မြို့တော်သို့ စစ်ယာဉ်များ ချီတက်လာ
ဘဲလာရုစ်နိုင်ငံရဲ့ မြို့တော်မင့်စ်ခ်ဆီကို ဦးတည်သွားနေတဲ့ စစ်တပ်သုံး သံချပ်ကာ ကားတန်းရှည်ကို သြဂုတ် ၃၀ ရက်က တွေ့ရတာပါ။ ထောင်သောင်းချီနေတဲ့ နိုင်ငံသားတွေက သမ္မတအိမ်တော်နားမှာ ဆန္ဒပြရင်း သမ္မတ ရာထူးက နုတ်ထွက်ဖို့ တောင်းဆိုနေကြပါတယ်။
ရခိုင်ပြည်နယ်တွင် ပိုးတွေ့လူနာအားလုံး ၈၄ % မှာ ရောဂါလက္ခဏာမပြဘဲ စစ်ဆေးလိုက်မှ တွေ့ရှိရခြင်းဖြစ်နေ
"ရခိုင်ပြည်နယ်မှာ ပိုးတွေ့လူနာအားလုံးရဲ့ ၈၄ % က ရောဂါလက္ခဏာမပြဘဲ ရှိနေတာကိုအံ့အားသင့်ဖွယ် တွေ့ရှိနေရပါတယ်။ ဒါဆိုရင် ရောဂါပိုးရှိသူ ၁၀၀ မှာ ၈၄ ယောက်က ဘာမှလက္ခဏာမပြပဲ ပိုးရှိနေနိုင်တယ်ဆိုတဲ့သဘောပါပဲ။" ဟု ဒေါက်တာခင်ခင်ကြီးရဲ့ Facebook မှာဖော်ပြထားပါတယ်။
Covid-19 Case-771 နဲ့ ထိတွေ့ခဲ့တဲ့ မော်လမြိုင်မြို့ နတ်ကျွန်းရပ်မှContact (၆)ဦးအား Quarantine Center ပို့ဆောင်
ရန်ကုန်မှ ကိုဗစ်ပိုးတွေ့လူနာ Case-771 နဲ့ ထိတွေ့ခဲ့ကြောင်းတာဝန်သိစွာ အကြောင်းကြားလာသဖြင့် မော်လမြိုင်မြို့ မုပွန်နတ်ကျွန်းရပ်မှ Contact(၆)ဦးအား အေးမြကြည်လင် Rescue နဲ့ ဘိုဘိုဝင်း Rescue အဖွဲ့မှ သွားရောက်ခေါ်ဆောင်ပြီး Quarantine Center သို့ ပို့ဆောင်ထားပါပြီဖြစ်ကြောင်း သိရှိရသည်။
မြောက်ကိုရီးယား၌ လူ၂၇၀၀ကျော် Covid-19 စစ်ဆေးရာတွင် ဗိုင်းရပ်စ်စစ်ဆေးတွေ့ရှိသူတစ်ဦးမျှမရှိဟုဆို
မြောက်ကိုရီးယားနိုင်ငံမှာ လူ၂၇၀၀ကျော်ကို ကိုရိုနာဗိုင်းရပ်စ်စစ်ဆေးထားခဲ့တာမှာ အကုန်လုံးက ဗိုင်းရပ်စ်မတွေ့ရှိတဲ့အဖြေထွက်ခဲ့တယ်လို့ NK News မှာဖော်ပြခဲ့ပါတယ်။ ကမ္ဘာ့ကျန်းမာရေးအဖွဲ့WHOရဲ့ပြောကြားချက်အရ မြောက်ကိုရီးယားနိုင်ငံမှာ ကွာရန်တင်းနေထိုင်ခဲ့ရသူ ၃၀၀၀၀ကျော်ရှိတယ်လို့လည်း ၎င်းသတင်းမှာဖော်ပြထားခဲပါတယ်။
ကချင်ပြည်နယ်၊ ဝိုင်းမော်မြို့နယ်တွင် တရားမဝင် ဝင်ရောက်လာသော တရုတ်နိုင်ငံသားတစ်ဦးဖမ်းဆီးရမိ
ကချင်ပြည်နယ်၊ ဝိုင်းမော်မြို့နယ်ရှိ လုံခြုံရေးပူးပေါင်းအဖွဲ့သည် ဝါရှောင်ကျေးရွာ၏ အရှေ့မြောက်ဘက် ၂ မိုင်ခန့်အကွာရှိ ပူးပေါင်းစစ်ဆေးရေးဂိတ်၌ ဩဂုတ် ၂၈ ရက် ညနေ ၆ နာရီခွဲခန့်တွင် ယာဉ်ဖြတ်သန်းသွားလာမှုများအားစစ်ဆေးနေစဉ် ဆဒုံးမြို့ဘက်မှ ဝိုင်းမော်မြို့ဘက်သို့ မောင်းနှင်လာသော 125 အမျိုးအစား မော်တော် ဆိုင်ကယ်တစ်စီးအား စစ်ဆေးရန် ရပ်တန့်ခိုင်းစဉ် ဆိုင်ကယ်မောင်းနှင်သူသည် နောက်မှလိုက်ပါစီးနင်း လာသူအား ချထားပြီးဆိုင်ကယ်အား ဝိုင်းမော်မြို့ဘက်သို့ မောင်းနှင်ထွက်ပြေးသွားခဲ့ သည်။ အဆိုပါ လိုက်ပါစီး နင်းသူအား စစ်ဆေးရာ တရားမဝင် ဝင်ရောက်လာသော တရုတ်နိုင်ငံသားတစ်ဦးဖြစ်ကြောင်း သိရှိဖမ်းဆီးရမိခဲ့သည်။
ဆင်ကောင်ရေ ၅၀၀ကျော်သတ်ဖြတ်ခဲ့ကာ ဆင်စွယ်မှောင်ခိုရောင်းခဲ့သူကို အလုပ်ကြမ်းနှင့်ထောင်ဒဏ်နှစ် ၃ဝ ချမှတ်
ကွန်ဂိုနိုင်ငံမှာ တောရိုင်းတိရစ္ဆာန်မှောင်ခိုမှုဖြိုခွင်းရေးအတွက် ဆင်အကောင်ရေ ၅၀၀ကျော်ကိုသတ်ဖြတ်ပြီး ဆင်စွယ်မှောင်ခိုရောင်းခဲ့သူ မိုဘန်ဇာမိုဘမ်ဘိုဂါရာကို အလုပ်ကြမ်းနဲ့ထောင်ဒဏ်နှစ် ၃ဝချမှတ်လိုက်တယ်လို့ သိရပါတယ်။
ရန်ကုန်တိုင်းအတွင်း ပိုးတွေ့လူနာများလာ၍ ပြည်သူများပိုမိုသတိပြုကာကွယ်ရန်လို
ရခိုင်ပြည်နယ်ကနေ ရန်ကုန်တိုင်းဒေသကြီးကိုပြန်လာသူ(၁၄)ဦးမှာ covid-19ရောဂါပိုးတွေ့ရှိထားသလို ခရီး သွားရာဇဝင်လုံးဝမရှိတဲ့ရန်ကုန်မှာနေထိုင်သူ(၁၀)ဦးမှာလည်း ရောဂါပိုးတွေ့ရှိထားတယ်လို့ ရန်ကုန်တိုင်းဒေသကြီး၊ ပြည်သူ့ကျန်းမာရေးနှင့်ကုသမှုဦးစီးဌာနမှူး၊ ဒုတိယညွှန်ကြား ရေးမှူးချုပ် ဒေါက်တာထွန်းမြင့်ကပြောပါတယ်၊၊
တိုင်းလိုင်(ရှမ်းနီ)အမျိုးသားများဖွံ့ဖြိုးတိုးတက်ရေးပါတီသည် စစ်ကိုင်းတိုင်းဒေသကြီးနှင့် ကချင်ပြည်နယ်ရှိ မဲဆန္ဒနယ်များ၌ ကိုယ်စားလှယ်လောင်း(၄၁) ယောက်ဝင်ရောက်ယှဉ်ပြိုင်မည်
လာမည့်ရွေးကောက်ပွဲ၌ တိုင်းလိုင်(ရှမ်းနီ) အမျိုးသားများဖွံ့ဖြိုးတိုးတက်ရေးပါတီသည် စစ်ကိုင်းတိုင်း ဒေသကြီးနှင့် ကချင်ပြည်နယ်ရှိ မဲဆန္ဒနယ်များ၌ ကိုယ်စားလှယ်လောင်း(၄၁)ယောက်ဝင်ရောက်ယှဉ်ပြိုင်သွား မည်ဖြစ်သည်။
ကာမလိမ်လည်မှုဖြင့်တရားစွဲဆိုခံထားရမှုနှင့် ရုံးချိန်းကို တက်ရောက်လာတဲ့ သရုပ်ဆောင် မိုးအောင်ရင်နှင့် ခင်မြတ်နိုး
သရုပ်ဆောင် မိုးအောင်ရင် အား ကာမလိမ်လည်ရယူမှု ပုဒ်မ (၄၁၇) ဖြင့် ရည်းစားဟောင်း ဖြစ်သူ ခင်မြတ်နိုး က တရားစွဲဆိုထားတဲ့ အမှုကို ဒီကနေ့၊ ဩဂုတ်လ (၃၁) ရက်နေ့က ရန်ကုန်၊ ရန်ကင်းမြို့နယ် တရားရုံးမှာ စစ်ဆေးရန် ချိန်းဆိုထားခဲ့ပါတယ်။
ပြည်သူများအနေဖြင့် ကျန်းမာရေးဝန်ကြီးဌာန၏ ထုတ်ပြန်ချက်များကို လိုက်နာကြရန် ဦးသောင်းအေးတိုက်တွန်း
COVID-19 ရောဂါဖြစ်ပွားစဉ်ကာလအတွင်း ပြည်သူများအနေဖြင့် ကျန်းမာရေးဝန်ကြီးဌာန၏ ထုတ်ပြန်ချက်များကို လိုက်နာကြရန် ပျော်ဘွယ်မြို့နယ်ပြည်သူ့လွှတ်တော်ကိုယ်စားလှယ် ဦးသောင်းအေးက တိုက်တွန်းပြောကြားလိုက်သည်။
စစ်တွေမြို့ ကုန်စည်စီးဆင်းမှုမပြတ်စေရန် ကျောက်တန်းကျေးရွာတွင် ယာယီဂိတ် ဖွင့်လှစ်ထား
ရခိုင်ပြည်နယ်၊ စစ်တွေမြို့နယ်အတွင်း ကုန်စည်စီးဆင်းမှုမပြတ်စေဖို့ မြို့နဲ့ (၈)မိုင်လောက်ဝေးတဲ့ ကျောက်တန်းချေကျေးရွာမှာ ယာယီဂိတ်ဖွင့်လှစ် ဆောင်ရွက်နေတယ်လို့ ကုန်စည်ပို့ဆောင်ရေး ဂိတ်တာဝန်ခံတွေက ပြောပါတယ်။
Sunday, August 30, 2020
ကယားပြည်နယ်ဝန်ကြီးချုပ်အား စွပ်စွဲပြစ်တင်ခြင်းနှင့်စပ်လျဉ်း၍ စုံစမ်းရေးအဖွဲ့၏ စုံစမ်းစစ်ဆေးတွေ့ရှိချက်များကို ပွင့်လင်းမြင်သာစွာ ပြန်လည်ချပြ ရှင်းလင်းပေးရန် ကယား(ကရင်နီ)ပြည် အရက်ဖက် လူမှုအဖွဲ့အစည်းများမှ တိုက်တွန်း တောင်းဆို
ကယားပြည်နယ်ဝန်ကြီးချုပ်အား စွပ်စွဲပြစ်တင်ခြင်းနှင့်စပ်လျဉ်း၍ စုံစမ်းရေးအဖွဲ့၏ စုံစမ်းစစ်ဆေးတွေ့ရှိချက်များကို အများပြည်သူလူထုထံ ပွင့်လင်းမြင်သာစွာ ပြန်လည်ချပြ ရှင်းလင်းပေးရန် ကယား(ကရင်နီ)ပြည် အရက်ဖက် လူမှုအဖွဲ့အစည်းများမှ တိုက်တွန်းတောင်းဆိုထားကြောင်း သိရှိရသည်။
လာမည့်အပတ်တွင် မော်စကို၌ ရုရှားသမ္မတပူတင်နှင့် ဘီလာရုစ်သမ္မတတို့ တွေ့ဆုံမည်
ရုရှားသမ္မတ Vladimir Putin နှင့် ဘီလာရုစ်သမ္မတ Alexander Lukashenko တို့သည် လာမည့်အပတ်တွင် မော်စကို၌ တွေ့ဆုံရန် ဩဂုတ်လ ၃၀ ရက်နေ့တွင် သဘောတူခဲ့ကြကြောင်း ထုတ်ပြန်ကြေညာချက်တစ်ခုတွင် ရုရှားနိုင်ငံမှ ပြောကြားခဲ့ပါသည်။
နေပြည်တော်သို့ လာရောက်မည့်သူများ ကျန်းမာရေး ထောက်ခံစာမလိုဘဲ ခေါ်စာပြရမည်
နေပြည်တော်သို့ လာရောက်မည့်သူများ ကျန်းမာရေး ထောက်ခံစာမလိုဘူးလို့ နေပြည်တော် ပြည်သူ့ကျန်းမာ ရေးဦးစီးဌာနမှ သိရပါတယ်။
ကိုဗစ်လူနာများ၏ မိသားစုဝင်များ ကွာရန်တင်းထားရှိခြင်းကို မူဝါဒအရ အပြောင်းအလဲ ပြုလုပ်ရန်စီစဉ်
ကိုဗစ်လူနာများ၏ မိသားစုဝင်များ ကွာရန်တင်းထားရှိခြင်းကို မူဝါဒအရ အပြောင်းအလဲ ပြုလုပ်ရန် စီစဉ်နေကြောင်း ကျန်းမာရေးနှင့် အားကစားဝန်ကြီးဌာနမှ သိရပါတယ်။
အမေရိကန်နိုင်ငံက ရွေးကောက်ပွဲကော်မရှင်၊ အရပ်ဘက်အဖွဲ့အစည်းများနှင့် နိုင်ငံရေးပါတီများအား ဒေါ်လာ ၄၆ သန်းကျော်ပံ့ပိုး
အမေရိကန်နိုင်ငံအနေဖြင့် မြန်မာနိုင်ငံတွင် နိုဝင်ဘာ ၈ရက်တွင် ကျင်းပပြုလုပ်မည့် ၂၀၂၀ အထွေထွေရွေး ကောက်ပွဲအတွက် အမေရိကန်ဒေါ်လာ ၄၆သန်းပံ့ပိုးထားကြောင်း မြန်မာနိုငံဆိုင်ရာ အမေရိကန်သံရုံးက သတင်းထုတ်ပြန်ခဲ့သည်။
အရှေ့တောင်အာရှနိုင်ငံတွေမှာ မျိုးဗီဇပြောင်း ကိုရိုနာဗိုင်းရပ်စ် တွေ့ရှိရ
အင်ဒိုနီးရှားနိုင်ငံမှာ ပိုမိုကူးစက်မြန်တဲ့ D614G ခေါ် မျိုးဗီဇပြောင်း ကိုရိုနာဗိုင်းရပ်စ်တစ်မျိုးတွေ့ရှိရပြီးနောက် အရှေ့တောင်အာရှဒေသတွင်း မျိုးဗီဇပြောင်း ဗိုင်းရပ်စ်တွေ့ရှိတဲ့နိုင်ငံ သုံးနိုင်ငံဖြစ်လာကြောင်း သိရပါတယ်။
ရှမ်းပြည်နယ်တောင်ပိုင်း မိုင်းကိုင်မြို့နယ်အတွင်း ကျပ်သိန်း ၁၂၀၀ ခန့်တန်ဖိုးရှိ မူးယစ်ဆေးဝါးချက် လုပ်ရာတွင် အသုံးပြုသည့် ဟိုက်ဒရိုကလိုရစ် အက်ဆစ်များဖမ်းဆီးရမိ
ရှမ်းပြည်နယ်(တောင်ပိုင်း)၊ မိုင်းကိုင်မြို့နယ်၊ အရှေ့တောင်ဘက် ၁၉ မိုင်ခန့်အကွာရှိ နယ်မြေလုံခြုံရေးလုပ် ငန်းများ ဆောင်ရွက်နေသော လုံခြုံရေးတပ်ဖွဲ့ဝင်များသည် လဲချား- မိုင်းကိုင်သွား ကားလမ်းပေါ်၌မော်တော် ယာဉ်များအား စစ်ဆေးနေစဉ် လဲချားမြို့ဘက်မှ မိုင်းကိုင်မြို့ဘက်သို့ ယာဉ်မောင်း ဖြိုးအောင်(ဘ)ဦးစိန်မတ်၊ မြင်းခြံမြို့နေသူ မောင်းနှင်လာသည့် ၁၂ ဘီးယာဉ်ပေါ်မှ မူးယစ်ဆေးဝါးချက်လုပ်ရာတွင် အသုံးပြုသည့် ဟိုက်ဒရိုကလိုရစ် အက်ဆစ် ၁၆ လီတာပါ ၇၅၀ ပုံး၊ စုစုပေါင်း လီတာ ၁၂၀၀၀ (ကာလတန်ဖိုး ငွေကျပ် သိန်းပေါင်း ၁၂၀၀) ခန့်အားဖမ်ဆီးရမိခဲ့သည်။
ပြည်သူလူထုအတွင်း ရောဂါပျံ့နှံ့မှုအခြေအနေသိရှိရန် စစ်တွေတွင် ကျန်းမာရေးစစ်တမ်းကောက်မည်
ပြည်သူလူထုအတွင်း ရောဂါပျံ့နှံ့မှု မည်မျှရှိသည်ကို သိရှိနိုင်ရန် ရခိုင်ပြည်နယ် စစ်တွေ မြို့၌ ကျန်းမာရေးစစ် ဆေးမှုစစ်တမ်း ကောက်ယူသွားမည်ဖြစ်ကြောင်း ပြည်သူ့ကျန်းမာရေးဦးစီးဌာန ဗဟိုကူးစက်ရောဂါတိုက်ဖျက်ရေးဌာန ညွှန်ကြားရေးမှူး ဒေါက်တာခင်ခင်ကြီးက ပြောသည်။
စစ်ကိုင်းမြို့မဈေးအနီး အမှတ် ၁၀၆ယာဉ်ထိန်းရဲတပ်ဖွဲ့စုမှ Mask များဝေငှ
စစ်ကိုင်းမြို့မဈေးမီးပွိုင့်တွင် ယနေ့ ဩဂုတ် ၃၁နံနက် ၈နာရီကျော်က အမှတ် ၁၀၆ ယာဉ်ထိန်းရဲတပ်ဖွဲ့စု(စစ်ကိုင်း)မှ COVID-19ကာကွယ်ရေးအတွက် ခရီးသွားပြည်သူများအား နှာခေါင်းစည်း(Mask)များ ဝေငှခြင်းပြု လုပ်ခဲ့ပြီး စည်ပင်သာယာရေးကော်မတီဝန်ထမ်းများမှ mask ဝေငှခြင်းတွင်ပါဝင်ကူညီဆောင်ရွက်ခဲ့သည်။
စစ်တွေ ကိုဗစ်လူနာများအတွက် လိုအပ်ပါက ပြည်နယ်လွှတ်တော်အဆောက်အဦးကိုပါ ယာယီဆေးရုံအဖြစ် သုံးမည်
ရခိုင်ပြည်နယ်၊ စစ်တွေမြို့နယ်မှ ကိုဗစ်-၁၉ လူနာများအတွက် လိုအပ်ပါက ရခိုင်ပြည်နယ်လွှတ်တော် အဆောက်အဦးကိုပါ အသုံးပြုမည်ဖြစ်ကြောင်း ကျန်းမာရေးနှင့် အားကစားဝန်ကြီးဌာထံမှ သိရသည်။
ဝိုင်းမော်-ကန်ပိုက်တီ လမ်းအပိုင်း ပြန်လည်ကောင်းမွန်လ အချိန်တစ်လ ကြာမြင့်မည်
ကချင်ပြည်နယ်အတွင်း တရုတ်နိုင်ငံနှင့် ကုန်သွယ်ရေးဝင်ထွက်ပေါက်တွင် ဒုတိယ အဓိကလမ်းကြောင်းအဖြစ် အသုံးပြုလျက်ရှိသည့် ဝိုင်းမော်-ကန်ပိုက်တီ လမ်းကြောင်းမှာ မိုးသည်းထန်စွာ ရွာသွန်ခြင်းကြောင့် ဩဂုတ် ၁၉ ရက်က ကတ္တရာလမ်းအပိုင်းအချို့ ပျက်စီးကျိုးပြတ်သွားခဲ့၍ ပြင်ဆင်လျက်ရှိသော်လည်း ပျက်စီးမှုကြီးမားသဖြင့် ပြင်ဆင်မှုကာလ တစ်လခန့်ကြာမြင့်မှသာ ပြန်လည်ကောင်းမွန်မည်ဖြစ်ကြောင်း ဝိုင်းမော်မြို့နယ် အုပ်ချုပ်ရေးမှူး ဦးထွန်းထွန်းမှ ပြောကြားသည်။
ပြည်မြို့နယ်၊ ကုန်းသာလင်းကျေးရွာနှင့်သဲဖြူ ကျေးရွာတို့ရှိ ရေဘေးသင့်ပြည်သူများအား စားသောက်ဖွယ်ရာများပေးအပ်
ပဲခူးတိုင်းဒေသကြီး၊ ပြည်မြို့နယ်အတွင်း သြဂုတ် ၂၉ ရက်တွင် မိုးသည်းထန်စွာ ရွာသွန်းမှုကြောင့် ဧရာဝတီမြစ်ရေမြင့်တက်လာပြီး ကုန်းသာလင်းကျေးရွာနှင့် သဲဖြူကျေးရွာများ အတွင်းသို့ မြစ်ရေဝင်ရောက်မှုများဖြစ်ပေါ်ခဲ့ရာ အဆိုပါ ကျေးရွာများရှိ ရေဘေးသင့်အိမ်ထောင်စု ၆၁ စု၊ လူဦးရေ ၁၈၅ ဦးတို့သည် နီးစပ်ရာ၎င်းင်းတို့၏ဆွေမျိုးများအိမ်သို့ ပြောင်းရွှေ့နေထိုင်လျက်ရှိရာ ယနေ့နံနက်ပိုင်းတွင် တောင်ပိုင်းတိုင်းစစ်ဌာနချုပ်၊ ပြည်တပ်နယ်မှ ဗိုလ်မှူးကြီး အောင်နိုင်ဦး နှင့်အဖွဲ့ဝင်များက သွားရောက်ကြည့်ရှု၍ ရေဘေးသင့်ပြည်သူများအတွက် ဆန်၊ ဆီနှင့် စားသောက်ဖွယ်ရာများ ပေးအပ်ကာ လိုအပ်သည်များ ညှိနှိုင်းဆောင်ရွက်ပေးခဲ့ကြောင်း တပ်မတော်မှ သတင်းအရ သိရှိရသည်။
Subscribe to:
Posts (Atom)
