ရန်ကုန်၊ လမ်းမတော်မြို့နယ်၊ မင်းရဲကျော်စွာလမ်းက သူနာပြုတက္ကသိုလ်တိုးချဲ့လေးထပ်ဆောင် ပြိုကျခဲ့တာနဲ့ပတ်သက်လို့ စုံစမ်းစစ်ဆေးရေးအစီရင်ခံစာကို ဒီနေ့မေလ (၂၂)ရက်နေ့မှာ တာဝန်ရှိသူတွေဆီ ပေးပို့တော့မှာ ဖြစ်ပါတယ်။
အဲဒီအစီရင်ခံစာကို မြန်မာနိုင်ငံအင်ဂျင်နီယာအသင်းက စုံစမ်းစစ်ဆေးရေအဖွဲ့ဖွဲ့ပြီးတော့ စစ်ဆေးနေတာပါ။
အစီရင်ခံစာကိုတော့ ဆောက်လုပ်ရေးဝန်ကြီးဌာန၊ ကျန်းမာရေးဝန်ကြီးဌာနနဲ့ ရန်ကုန်တိုင်းအစိုးရအဖွဲ့ဆီ ပေးပို့သွားမှာဖြစ်ပါတယ်။
“အစီရင်ခံစာလုပ်နေတုန်းပဲ။ ဒီနေ့ကတော့ ညနေပိုင်းလောက်တင်ဖြစ်မယ်။ ဘယ်လိုအကြောင်းကြောင့် ပြိုကျ တယ်ဆိုတာကိုတော့ အစီရင်ခံစာထွက်မှပြောလို့ရမယ်။ ဒီဇိုင်းမှားတာလဲရှိတယ်ပေါ့။ လုပ်ငန်းလုပ်တာမှား တာလဲရှိတာပေါ့။”လို့ မြန်မာနိုင်ငံအင်ဂျင်နီယာအသင်းဥက္ကဋ္ဌ ဦးအောင်မြင့်က O Media ကို ပြောပါတယ်။
သူနာပြုတက္ကသိုလ် လေးထပ်ဆောင်စာသင်ဆောင်ကို ၂၀၁၁ ခုနှစ်မှာ ပြည်မဟာကုမ္ပဏီက တာဝန်ယူ ဆောက်လုပ်ခဲ့တာဖြစ်ပြီးတော့ ၂၀၁၃ ခုနှစ်၊ စက်တင်ဘာလ (၂)ရက်မှာ ဖွင့်လှစ်ခဲ့တာဖြစ်ပါတယ်။အဲဒီအဆောက်အဦးဟာ သက်တမ်း(၇)နှစ်ပဲရှိသေးပြီး မေလ(၁၇)ရက်နေ့မှာ ပြိုကျခဲ့တာပါ။
အဲဒီကိစ္စနဲ့ပတ်သက်ပြီးတော့ ဆောက်လုပ်ရေးဝန်ကြီးဌာနက အမြဲတမ်းအတွင်းဝန် ဥက္ကဌအဖြစ်တာဝန်ယူတဲ့ စုံစမ်းစစ်ဆေးရေးအဖွဲ့ကိုလည်း မေလ(၂၁)ရက်မှာ ဖွဲ့စည်းခဲ့ပါသေးတယ်။
Ref ; OMedia
0 comments:
Post a Comment