တနင်္သာရီတိုင်း ကော့သောင်းမြို့ ဆယ်မိုင်ကျေးရွာမှာ သိန်း ၆၀၀ ခန့်တန်ဖိုးရှိ ရွှေထည်ပစ္စည်းတွေ အနုကြမ်းစီးခဲ့သူကို သြဂုတ် ၆ ရက်နေ့က ဖမ်းဆီးရမိပြီလို့ ကော့သောင်းရဲတပ်ဖွဲ့စခန်းက ပြောပါတယ်။
ရွှေထည်ပစ္စည်းတွေရဲ့ ပိုင်ရှင်ဖြစ်သူ ဦးအောင်စိုးရဲ့ တိုင်ကြားချက်အရ ရာဇသတ်ကြီးပုဒ်မ ၃၉၂ နဲ့ အမှုဖွင့်ထားသူ ဝေဠု (၄၈-နှစ်)အား ညတွင်းချင်း ရမန်ယူပြီး ဖမ်းဆီးစစ်ဆေးခဲ့တယ်လို့ ဆိုပါတယ်။
ဝေဠုရဲ့ ထွက်ဆိုချက်အရ သူ နေထိုင်တဲ့ မစိုးရိမ်ကျောင်းတိုက်အနီး နေအိမ်ဘေး ဘိလပ်မြေအိတ်နဲ့ ထည့်ထားတဲ့ သဲအိတ်အတွင်း လုယက်မှု ကျူးလွန်ရာမှာ ယူဆောင်လာတဲ့ ရွှေထည်ပစ္စည်းတွေကို သိမ်းဆည်းရမိခဲ့ပါယယ်။
ရပ်ကွက်အုပ်ချုပ်ရေးမှူး ဦးသန်းဦးက “အခင်းဖြစ်တဲ့နေ့က ကျနော်တို့နဲ့အတူ သူလည်း ရှိနေတယ်။ ည ၁၁ နာရီအချိန် မိုးကလည်း ရွာထားလို့ တအားချမ်းနေလို့ ကျနော်တို့က အနွေးထည် ဝတ်ထားရတဲ့အချိန်မှာ သူက စွပ်ကျယ်နဲ့ ချွေးထွက်နေတယ်ဆိုတော့ ရဲစခန်းမှူးနဲ့ တိုင်ပင်ပြီး သူ့ကို သံသယတရားခံအနေနဲ့ ဖမ်းလိုက်တာ၊ တရားခံအမှန်က သူ ဖြစ်နေတယ်” လို့ ပြောပါတယ်။
အမှုဖြစ်စဉ်နဲ့ပတ်သက်ပြီး ကော့သောင်းမြို့ မြို့မရဲတပ်ဖွဲ့စခန်း တာဝန်ရှိသူတဦးက “ဒီဖြစ်စဉ်မှာ ကျူးလွန်သူက တယောက်တည်း ဖြစ်နေတဲ့အတွက် ကျနော်တို့ ပုဒ်မမပြောင်းပါဘူ။ တရားစွဲဆို အပြစ်ပေးနိုင်ဖို့အတွက် ဆက်လက်ဆောင်ရွက်သွားမယ်” လို့ ပြောပါတယ်။
သတင်း – လတ်ကိုကိုဦး
DVB
0 comments:
Post a Comment