ဥရောပကို သွားမယ့် ရွှေ့ပြောင်းနေထိုင်သူတွေကို တင်လာတဲ့ လှေတစီး လစ်ဗျားနိုင်ငံ ကမ်းလွန်မှာ နစ်မြုပ်ပျက်စီးပြီး လူအယောက် ၄၀ လောက် သေဆုံး ပျောက်ဆုံးနိုင်တယ်လို့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR)က ပြောပါတယ်။
စက်လှေပေါ်ပါလာသူတွေထဲက ၆၅ ဦးကို အသက်ရှင်လျက်ကယ်ဆယ်နိုင်ခဲ့ပြီး ၅ ဦးရဲ့ အလောင်းတွေကိုတွေ့ရတယ်လို့ လစ်ဗျားကမ်းခြေစောင့်တပ်ဖွဲ့က ပြောပါတယ်၊
သေဆုံးသူတွေထဲမှာ မော်ရိုကိုက ၃ ဦး၊ ဆူဒန်က ၁ ဦးနဲ့ ဆိုမလာလီယာက ၁ဦးပါဝင်ပြီး ရှင်သန်ကျန်ရစ်သူ အများစုက ဆူဒန်၊ အီဂျစ်၊ မော်ရိုကိုနဲ့ တူနီးရှားနိုင်ငံတွေက ဖြစ်တယ်လို့ UNHCR က ပြောပါတယ်။
လတ်တလော နှစ်တွေအတွင်း ထောင်သောင်းချီတဲ့ ရွှေ့ပြောင်းနေထိုင်သူတွေဟာ မြောက်အာဖရိကနေ ဥရောပကို လာဖို့ ကြိုးစားခဲ့တာပါ။ ကျန်ခဲ့တဲ့ ငါးနှစ်အတွင်း ပင်လယ်ပြင်မှာ သေဆုံးသူ အယောက် ၁၀၀၀ ကျော်တယ်လို့ UNHCR က ပြောပါတယ်။
အရင်အပတ်ကလည်း လူအယောက် ၁၀၀ ကျော်သေဆုံးပြီး အရင်လကတော့ လူအယောက် ၂၅၀ ကို တင်လာတဲ့ လှေတစီး ပင်လယ်ထဲ နစ်ခဲ့ပါတယ်။
ဒီနှစ်မှာ လစ်ဗျား ကမ်းရိုးတန်းစောင့်တပ်က ကယ်ခဲ့တဲ့ ရွှေ့ပြောင်းနေထိုင်သူ အယောက် ၅၄၀၀ နီးပါးရှိပြီး အယောက် ၉၀၀ ကျော် သေဆုံးတယ်လို့ UNHCRက ပြောပါတယ်။
DVB
0 comments:
Post a Comment