မွန်ပြည်နယ်မှာ ရေဘေးနဲ့ကြုံတွေ့နေရတာကြောင့် အဝေးသင် ဒုတိယနှစ်နဲ့အထက် စာစဉ် အဖြေလွှာတင်သွင်းရမယ့် နေ့ရက်ကို ထပ်မံတိုးမြှင့်ပေးဖို့ မော်လမြိုင် တက္ကသိုလ် အဝေးသင် ကျောင်းသားတွေက တောင်းဆိုလိုက်ပါတယ်။
အခုလို တောင်းဆိုရတာဟာ မွန်ပြည်နယ်အတွင်း ရေကြီးရေလျှံပြီး အဝေးသင် ကျောင်းသားတွေရဲ့ စာစဉ်အဖြေလွှာတွေ ပျက်စီးခဲ့တဲ့အတွက်ကြောင့် ရက်ထပ်တိုးပေးဖို့ တောင်း ဆိုရတာ ဖြစ်တယ်လို့ မော်လမြိုင် အဝေးသင်တက္ကသိုလ် ကျောင်းသားများအဖွဲ့ တာဝန်ခံ ကိုဖြိုးဝေက ပြောပါတယ်။
အဝေးသင် ဒုတိယနှစ်နဲ့ အထက် ကျောင်းသားတွေအနေနဲ့ စာစဉ် အဖြေလွှာတွေကိုသြဂုတ် ၃၀ ရက်နေ့ နောက်ဆုံးထား တင်သွင်းဖို့ သတ်မှတ်ထားတာပါ။ ဒါကြောင့်ကျောင်းသားတွေက စက်တင်ဘာ ဒုတိယအပတ်အထိ ထပ်မံ ရက် တိုးမြှင့်ပေးဖို့ တောင်းဆိုခဲ့တာပါ။
အဝေးသင် ပထမနှစ် ကျောင်းသားတွေရဲ့ စာစဉ်အဖြေလွှာတွေတွေကတော့ ပြီးခဲ့တဲ့ ဇူလိုင်လပိုင်းကတည်းက တင်သွင်းထားကြပါတယ်။ ကျောင်းအာဏာပိုင်တွေကတော့ စာစဉ်အဖြေလွှာတွေကို ရက်တိုးပေးတဲ့အနေနဲ့ စက်တင်ဘာ ၆ ရက်နေ့အထိ နောက်ဆုံးထား လက်ခံပေးသွားမယ်လို့ ဒီဗွီဘီကို ပြောပါတယ်။
0 comments:
Post a Comment