ေရပိုင္​နက္​​ေက်ာ္​ဝင္ေရာက္သြားသည့္ ျမန္မာ ၄ ဦးကို ဘဂၤလားေဒ့ရွ္ဖမ္းဆီး

ဘင်္ဂလား​ဒေ့ရှ်​နိုင်​ငံဘက်ကို စစ်လှေတစီးနဲ့ ရေပိုင်​နက်​​ကျော်​ဝင်ရောက်လာတဲ့ မြန်မာ ၄ ဦးကို ဘင်္ဂလား​ဒေ့ရှ်​နယ်ခြားစောင့်တပ်ဖွဲ့က ဖမ်းဆီးထားတယ်လို့  Teknaf Today News မှာ ​​ဖော်​ပြထားပါတယ်​။

သြဂုတ်​လ ၂၇ ရက်နေ့ကဖမ်းဆီးမိခဲ့တာဖြစ်ပြီး ဖမ်းဆီးထားသူတွေဟာ  ဘယ်သူဘယ်ဝါဆိုတာနဲ့ ဘင်္ဂလား​ဒေ့ရှ်​နိုင်​ငံဘက်ကို ဘာကြောင့် ဝင်ရောက်လာတယ်ဆို တာကိုတော့ သတင်းမှာ တိတိကျကျ ရေးသားဖော်ပြခြင်းမရှိပါဘူး။   

အမှတ်​(၁) ဝင်​/ထွက်​စခန်း​က အမည်​မ​ဖော်​လိုသူတဦးကတော့ မောင်တောနယ်စပ် နတ်မြစ်ကြောင်းကနေ ဖိုင်​ဘာမော်​​တော်​ဘုတ်​နဲ့ သွားသူတွေကို ဘင်္ဂလား​ဒေ့ရှ်​နိုင်​ငံဘက်က  ဖမ်းဆီးထားတာဖြစ်တယ်လို့ ​ပြောပါတယ်​။

“ဖမ်းဆီးထားတာက​တော့ ​သေချာသ​လောက် ​ရှိပါတယ်​။ ဟိုဖက်​နိုင်​ငံက​တော့ အ​ကြောင်း ကြားလာတာ မရှိ​သေးပါဘူး။ ​ရေပိုင်​နက်​​ အနည်းငယ်​ကျော်​သွားတဲ့အတွက် ​ထင်​ပါတယ်​။ ဒီကိစ္စ က​တော့ နှစ်​နိုင်​ငံစကား ​ပြောရမယ့်ကိစ္စ ဖြစ်​လာနိုင်​ပါတယ်​”လို့​ပြောကြာပါတယ်​။

​မောင်​​တောခရိုင်​ အ​ထွေ​ထွေအုပ်​ချုပ်​ရေးမှူး ဦးစိုး​အောင်​က​တော့ “ကြားပါတယ်​ခင်​ဗျ။ အဲ့ဒီသတင်းက​တော့ တပ်​ပိုင်းဆိုင်​ရာဆို​တော့ ကျနော်တို့လည်း သိပေမယ့် ပြောပိုင်​ခွင့်မရှိပါဘူး။ ဘင်္ဂလားသတင်း​တွေက​တော့ တက်​​နေပြီ ထင်​ပါတယ်​”လို့​ ပြောပါတယ်။

ဖမ်းဆီးခံရတဲ့ ကိစ္စနဲ့ပတ်​သက်​ပြီး ​မောင်​​တောနယ်​စပ်​ ဝင်/ထွက်​စခန်းမှာ အ​ခြေစိုက်​တဲ့ ဓညဝတီ​ရေတပ်​စခန်းက ဗိုလ်​မှူးငြိမ်းချမ်းဦးက အခုမ​ပြောနိုင်​​သေးပါဘူးလို့ ပြောပါတယ်​။

သတင်း- ကောင်းကောင်း၊ ဓာတ်ပုံ- Teknaf Today

DVB