ပြည်ပမှ အစိတ်အပိုင်း များ တင်သွင်းပြီး ကားပြန်လည် တပ်ဆင်ထုတ်လုပ်မည့်လုပ်ငန်း လုပ်ကိုင်ရန် (SKD) ပြည်တွင်း၊ ပြည်ပကုမ္ပဏီ ၁၈ ခုကို မြန်မာ နိုင်ငံ ရင်းနှီးမြှုပ်နှံမှုကော်မရှင်က ခွင့်ပြုပေးထားကြောင်း မြန်မာ နိုင်ငံ မော်တော်ယာဉ်တင်သွင်း ထုတ်လုပ် ရောင်းချသူများအ သင်းဥက္ကဋ္ဌ ဒေါက်တာစိုးထွန်းက ပြောသည်။
ဘယ်မောင်းများသာ တင် သွင်းခွင့်ပြုသည့် ၂၀၁၈ မော် တော်ယာဉ်မူဝါဒကြောင့် ဂျပန် ကားများကိုသာ နှစ်သက်သည့် မြန်မာနိုင်ငံသားများအတွက် ပြည်တွင်း၌ တပ်ဆင်ထုတ်လုပ် သည့်လုပ်ငန်း ပြောင်းလဲရန် တွန်းအားတစ်ခုဖြစ်လာသည်ဟု ၎င်းကပြောသည်။ ပြည်တွင်း၌ မော်တော်ယာဉ်တပ်ဆင်ထုတ် လုပ်မည့်လုပ်ငန်းလုပ်ကိုင်လို သည့်တိုင်းရင်းသားပိုင်ကုမ္ပဏီ ကိုးခုရှိပြီး ကျန်ကုမ္ပဏီများက နိုင်ငံခြားသားပိုင်များ ဖြစ်သည်ဟု ရှင်းပြသည်။
မြန်မာနိုင်ငံရင်းနှီးမြှုပ်နှံမှု ကော်မရှင်က ပြည်တွင်း၌တပ် ဆင်ထုတ်လုပ်ခွင့်ပြုထားသည့် ကားများမှာ ဖို့ဒ်၊ KIA၊ ဆူဇူကီး စသော အမှတ်တံဆိပ်ကားများ ဖြစ်သည်။
‘‘ဒီလုပ်ငန်းတွေက လာမယ့် နှစ်မှာတော့ အားလုံးထွက်လာ မယ်လို့ ထင်ပါတယ်’’ ဟု ဒေါက် တာစိုးထွန်းက ပြောသည်။
အစိတ်အပိုင်းများ တင် သွင်းပြီး ပြည်တွင်းတွင်တပ်ဆင် ထုတ်လုပ်သည့် ကားတန်ဖိုးသည် ကားအသစ်တင်သွင်းခြင်းတန်ဖိုး ထက်သက်သာကြောင်း ရန်ကုန် မြို့ရှိ ကားအရောင်းစင်တာတစ်ခု မှ မန်နေဂျင်းဒါရိုက်တာ ဦးရန်မျိုး အောင်က ပြောသည်။
ပြည်ပ ကားအစိတ်အပိုင်း များဖြစ်သည့် ကားကိုယ်ထည်၊ အင်ဂျင်၊ ဂီယာဘောက်စ်၊ ဖရိန်၊ မီးသီးစသည်တို့ကို ခွဲခြားတင် သွင်းပြီး ပြည်တွင်းတွင် ပြန်လည် တပ်ဆင်ထုတ်လုပ်သည့်လုပ်ငန်း ဖြစ်သည်။
မြန်မာနိုင်ငံတွင် လူအများ နှစ်သက်သည်မှာ ဂျပန်ကားအမျိုး အစားဖြစ်သော်လည်း ဘယ် မောင်းစနစ်ကားများမရှိခြင်း၊ ဥ ရောပနိုင်ငံများမှ ထုတ်လုပ်သည့် ကားများက ဈေးနှုန်းကြီးမြင့်ခြင်း ကြောင့် တစ်စိတ်တစ်ပိုင်းတင် သွင်းထုတ်လုပ်ခြင်းက လက်ရှိ တွင် အဆင်ပြေနိုင်သည်ဟု ကား တင်သွင်းသူအချို့က ပြောသည်။
လက်ရှိပြည်တွင်းဈေးကွက် တွင် ကားဟောင်းများထက်ကား သစ်များ ၀ယ်ယူမှုတိုးတက်လာ ကြောင်း ဒေါက်တာစိုးထွန်းက ပြောသည်။
ထို့ကြောင့် ဆူဇူကီးကားသစ် အရောင်းပြခန်းများသည် မြန်မာနိုင်ငံတွင် ၃၀ ခန့် တိုးမြင့်လာသည် ဟုဆိုသည်။ ယခင်က တစ်နိုင်ငံ လုံးတွင် အရောင်းပြခန်း ၁၀ ခု ခန့်သာရှိကြောင်း ၎င်းကပြော သည်။
ဘယ်မောင်းသတ်မှတ်ချက် နှင့် စက်ရုံမှထုတ်လုပ်သည့်ကား တစ်စီး၏ သက်တမ်းငါးနှစ်အထိ သာသတ်မှတ်ခွင့်ပြုခြင်းကြောင့် ကားဟောင်းတင်သွင်းသူများ အ ခက်အခဲဖြစ်ရကြောင်း ၎င်းက ပြောသည်။
၂၀၁၈ မော်တော်ယာဉ်မူဝါဒ အသစ်ကြောင့် အစိုးရထံသို့ပြည် တွင်းကားဟောင်းအရောင်းစင် တာ ၇၀ ခန့်ပိတ်သိမ်းခွင့်တင်ပြ ထားကြောင်း ဒေါက်တာစိုးထွန်း က ပြောသည်။
မြန်မာနိုင်ငံတွင် ကား ဟောင်းအရောင်းစင်တာ ၂၀၀ ကျော်ရှိပြီး သုံးပုံတစ်ပုံခန့် ပိတ် သိမ်းထားပြီး ထပ်မံပိတ်သိမ်းရန်ရှိ ကြောင်း ၎င်းကပြောသည်။
7Day
0 comments:
Post a Comment