အခုနှစ်အတွက် ရန်ကုန်တက္ကသိုလ် ကျောင်းသားများသမဂ္ဂ ရွေးကောက်ပွဲကို ရန်ကုန်တက္ကသိုလ်(ပင်မ)နယ်မြေနဲ့ လှိုင်တက္ကသိုလ်နယ်မြေတို့မှာ သြဂုတ် ၆ ရက်နေ့က ကျင်းပခဲ့ပါတယ်။
အခုကျင်းပတဲ့ ကျောင်းသားများသမဂ္ဂ ရွေးကောက်ပွဲဟာ ရန်ကုန်တက္ကသိုလ်ကို ပြန်လည်ဖွင့်လှစ်ပြီးတဲ့နောက် ပထမဆုံးအကြိမ် ကျင်းပတဲ့ ရွေးကောက်ပွဲ ဖြစ်ပါတယ်။
ရန်ကုန်တက္ကသိုလ်မှာ တခုတည်းသောသမဂ္ဂ ဖြစ်ပေါ်လာဖို့အတွက် ကျောင်းသားများသမဂ္ဂ ရွေးကောက်ပွဲကို ကျင်းပတာ ဖြစ်ပါတယ်။
ရန်ကုန်တက္ကသိုလ်သမဂ္ဂအတွက် ဥက္ကဋ္ဌ၊ အထွေထွေအတွင်းရေးမှူး၊ အားကစားရေးရာ တာဝန်ခံနဲ့ စာပေယဉ်ကျေးမှုနှင့်အနုပညာတာဝန်ခံ စတဲ့နေရာ ၄ နေရာအတွက် ရွေးချယ်နိုင်ဖို့ ရွေးကောက်ပွဲ ကျင်းပတာ ဖြစ်ပါတယ်။
နေရာ ၄ နေရာအတွက် ဝင်ရောက်ရွေးချယ်ခံတဲ့ ကိုယ်စားလှယ်လောင်းကတော့ ၁၃ ဦး ရှိပါတယ်။ မဲဆန္ဒရှင်က ကျောင်းသား၊ ကျောင်းသူတွေကို မဲပေးနိုင်ဖို့အတွက် မဲရုံတွေကို မနက် ၉ နာရီကနေ ၄ နာရီအထိ ဖွင့်လှစ်ထားတာဖြစ်ပါတယ်။
DVB
0 comments:
Post a Comment