မန္တလေး၊ အောင်မြေသာစံမြို့နယ်၊ မင်းတဲအီကင်းရပ် တန်ဖိုးနည်း အငှားအိမ်ရာ တိုက်ခန်းတခုကို ရဲတပ်ဖွဲ့က မနေ့က ဝင်ရောက်ရှာဖွေရာ ရောင်းချသူနှစ်ဦးနဲ့ သုံးစွဲသူ ခြောက်ဦးတို့ကို စိတ်ကြွဆေးပြားတွေနဲ့အတူ ဖမ်းမိခဲ့ပါတယ်။
တန်ဖိုးနည်း အငှားတိုက်ခန်းအမှတ် ၂၊ အခန်းအမှတ် ၂၄ မှာ အခန်းပိတ်ထားပေမယ့် မသင်္ကာဖွယ်ရှိတာကြောင့် အခန်းမှူးနဲ့ အုပ်ချုပ်ရေးမှူးတွေကို သက်သေထားပြီး အခန်းသော့ဖျက်ကာ ဝင်ရောက်ရှာဖွေရာ ပန်းရောင် စိတ်ကြွရူးသွပ်ဆေးတွေနဲ့အတူ ဆက်စပ်ပစ္စည်း ဆေးထိုးပိုက်တွေ၊ ဆေးထိုးအပ်တွေ အမြောက်အမြား ထပ်မံတွေ့ရှိခဲ့ပါတယ်။
မန္တလေးတိုင်းဒေသကြီး ရဲတပ်ဖွဲ့ တိုင်းမူးယစ်တိုက်ဖျက်ရေးအဖွဲ့တွေက ရှောင်တခင် ဝင်ရောက်စစ်ဆေး ဖမ်းဆီးရမိခဲ့တာ ဖြစ်ပါတယ်။
ဖမ်းဆီးရမိသူတွေကို မူးယစ်ဆေးဝါးနဲ့ စိတ်ကိုပြောင်းလဲစေသော ဆေးဝါးများအန္တရာယ် တားဆီးကာကွယ်ရေး ဥပဒေပုဒ်မတွေနဲ့ အမှုဖွင့် အရေးယူသွားမယ်လို့ မူးယစ်ဖမ်းဆီးအဖွဲ့ တာဝန်ရှိသူက ပြောပါတယ်။
DVB
0 comments:
Post a Comment