အင်ဒိုနီးရှား နိုင်ငံ အနောက်မြောက်ပိုင်း ဆူမတြား ပြည်နယ်၌ ယနေ့ ဇွန် ၃ ရက်တွင် ပြင်းအား ၆.၀ အဆင့်ရှိ ငလျင် တစ်ခု လှုပ်ခတ်ခဲ့သော်လည်း ဆူနာမီ လှုတ်ခတ်နိုင်သည့် အလားအလာ မရှိကြောင်း မိုးလေ၀သ နှင့် ဘူမိရူပ အေဂျင်စီက ပြောကြားခဲ့သည်။
မြေငလျင်သည် ဒေသစံတော်ချိန် မွန်းလွဲ ၁၂ နာရီ ၅၇ မိနစ်တွင် Nias Selatan ၏ အနောက်တောင်ဘက် ၃၀ ကီလိုမီတာကို ဗဟိုပြု၍ ပင်လယ်ကြမ်းပြင်အောက် အနက် ၁၉ ကီလိုမီတာတွင် လှုပ်ခတ်သွားခဲ့ကြောင်း အေဂျင်စီမှ တာဝန်ခံ အရာရှိ တစ်ဦး ဖြစ်သူ Slamet Wijaya က ပြောကြားခဲ့သည်။
အဆိုပါ ငလျင် လှုပ်ခတ်မှုကြောင့် ဆူနာမီ ဖြစ်နိုင်ချေ မရှိသည့် အတွက် သတိပေးချက် ထုတ်ပြန်ခြင်း မပြု ကြောင်း ၄င်းက ဆင်ဟွာသို့ တယ်လီဖုန်းမှတဆင့် ပြောကြားခဲ့သည်။
ငလျင် လှုပ်ခတ်မှုအား Padang Sidempuan နှင့် Gunungsitoli မြို့ တို့ တွင် သိရှိ ခံစားခဲ့ရကြောင်း ၊ ပမာဏာ အစီရင်ခံချက်များ အရ ပျက်စီးဆုံးရှုံးမှု နှင့် ထိခိုက် ဒဏ်ရာ ရရှိသူ မရှိကြောင်း Slamet Wijaya က ထည့်သွင်း ပြောကြားခဲ့သည်။
ဆူမတြား ပြည်နယ်၌ ပြင်းအား ၆.၀ အဆင့်ရှိ ငလျင် လှုပ်ခတ်ပြီး ၇ မိနစ်အကြာတွင် နောက်ဆက်တွဲ ငလျင် အဖြစ် ပြင်းအား ၅.၅ အဆင့်ရှိ ငလျင် တစ်ခု ထပ်မံ လှုပ်ခတ်ခဲ့ကြောင်း သိရသည်။
အင်ဒိုနီးရှား နိုင်ငံသည် ငလျင်ဇုံ ဟုခေါ်သော ပစိဖိတ် ငလျင်ကြောတွင် ကျရောက်နေကြောင်း သိရသည်။
(Xinhua)
0 comments:
Post a Comment