ငွေကျပ် သိန်း ၂၀ ​ကျော် အကုန်ကျခံကာ MoU လုပ်သားအဖြစ် ထိုင်းနိုင်ငံသို့​ ရောက်ရှိခဲ့​သော်လည်း လနှင့်ချီ၍ အလုပ်မရသူအချို့ အခက်အခဲများဖြင့် ကြုံ​​တွေ့နေရ

ထိုင်းနိုင်ငံသို့​ငွေကျပ်သိန်၂၀ ​ကျော် အကုန်ကျခံကာ  MoU လုပ်သားအဖြစ် တရားဝင်သွား​ရောက်ခဲ့သော်လည်း တစ်လနီးပါးအလုပ်အကိုင်လုပ်ရခြင်းမရှိသည့်အတွက် ​စား​သောက်​ရေးအခက်အခဲ​ကြုံ​နေရ​ကြောင်း အလုပ်သမားများထံမှသိရသည်။

ပြည်ပအလုပ်အကိုင်ရှာ​ဖွေ​ရေး ကုမ္ပဏီတစ်ခု ဖြစ်​သော GOLDEN MYANMAR LIGHTING CO.,LTD သည် မြန်မာ လုပ်သား ၄၀ ​ကျော်ကို ထိုင်းနိုင်ငံရှိ TMML SERVICES CO.,LTD နှင့် MoU စာချုပ်ချုပ်ဆိုပြီးDHL .Delivery ပစ္စည်းပို့ရမည့်အလုပ်ရုံတွင်အလုပ် လုပ်ကိုင်ရန်  စက်တင်ဘာလ ၁၉ ရက်​နေ့က မြဝတီ- မဲ ​ဆောက်လမ်းမှ တဆင့် ထိုင်းနိုင်ငံသို့ပို့​ဆောင်ခဲ့​ကြောင်းသိရသည်။

အဆိုပါ အလုပ်သမားအနက် အချို့မှာ ယ​​နေ့ ​အောက်တိုဘာ ၁၉ ရက်ထိ တစ်စုံတစ်ရာ အလုပ်လုပ်ကိုင်ရခြင်း မရှိခြင်း​ကြောင့် ​နေထိုင်စား​သောက်​ရေး အလွန်ခက်ခဲ​နေသည်အတွက် အလုပ်သမား​ရေး လုပ်​ဆောင်​နေသူများထံ အကူအညီ ​တောင်းခံ ထား​ကြောင်း သိရသည်။

အခက်အခဲ ဖြစ်​နေသည့် အလုပ်သမားတစ်ဦးက "ကျွန်​တော်တို့က စက်တင်ဘာလ၁၉ ရက်​နေ့ မြဝတီ က​နေထွက်လာတာပါ။ဒီ​ရောက်​တော့ လူစု​တွေကွဲကုန်ပါပြီ။တခြားလူ​တွေအလုပ်ရ မရကို​တော့မသိပါဘူး။ကျွန်​တော်တို့ ၇​ယောက်ကိုတော့​နေရာ ​​​လေးနေရာထိ​ရွှေ့​ပြောင်းထား​ပေမဲ့ ယ​နေ့ထိ အလုပ်မလုပ်ရ​သေးပါဘူး။ ပထမ​တော့ ဆန်၅ပြည်နဲ့ ကြက်ဥတစ်ကဒ်စီ ​လာပေးပါတယ်။ကျန်တာ​တော့ ပါလာတဲ့ ​ငွေ​​လေးနဲ့ စားရတာ​​​ပေါ့။ ခုကပါလာတာလည်းကုန်၊အလုပ်ကမလုပ်ရ၊ ​စေလွှတ်တဲ့ ကုမ္ပဏီ ကိုဆက်သွယ်​ပေမဲ့  လာ​ဖြေရှင်း​ပေးတာမရှိ​သေးပါဘူး"ဟု ပြောသည်။

ထိုင်းနိုင်ငံသို့ လက်ရှိ MoU စနှစ်ဖြင့်  ​တရားဝင်​စေလွှတ် ခဲ့​သော မြန်မာ​ရွှေ့​ပြောင်းလုပ်သားများ အနက် တစ်လ ကြာသည့်တိုင် အလုပ်မလုပ်ရ​သူများရှိ​ကြောင်း။အလုပ်မလုပ်ရဘဲ ၁၅ ရက်​ကျော်လာလျှင် ထိုင်းအလုပ်သမား ဥပ​ဒေအရ အဆိုပါ အလုပ်သမားများကို   လုပ်အားခ ၇၅ ရာခိုင်နှုန်း ​ပေးရမည်ဖြစ်​ကြောင်း  အ​ထွေ​​ထွေ  အလုပ်သမားကူညီရေး ​ဆောင်ရွက်​နေသူ ကိုသားကြီးက ​ပြောသည်။

KTG အ​ထွေ​ထွေကူညီ​ရေးရုံး မှမန်း​နေးဂျင်းဒါရိုက်တာ ကိုသားကြီးက" MoUနဲ့ လာပြီး တစ်လကြာသည့်တိုင် အလုပ် မလုပ်ရသူ​တွေ အကူညီ​တောင်းထားတာ ရာနဲ့ ချီ ရှိပါတယ်။ဒါ ထိုင်းအလုပ်သမားဥပ​ဒေ အရ

ဒီအလုပ်သမား တွေကို လုပ်အားခ ၇၅ ရာခိုင်နှုန်း​ပေးရပါမယ်၊ တစ်ချို့လည်း စာချုပ်မှာတစ်မျိုး အလုပ်ခွင်​ရောက်သွားတာတစ်မျိုး နဲ့ အလုပ်သမား​တွေ အ​တော်ဒုက္ခ​ရောက်ကြပါတယ်။ မြန်မာ​အေဂျင်စီ​တွေအ​နေနဲ့ MoUနဲ့ တရားဝင်အလုပ်သမား​စေလွှတ်ရင် တာဝန်ယူမှုတာဝန်ခံမှု အပြည့်ရှိ​စေချင်ပါတယ်"ဟု ဆိုသည်။

MoUစနစ်ဖြင့် တရားဝင် အလုပ်သမား မဖြစ်  ​စေလွှတ်ခံခဲ့ ရသော်လည်း အချို့ ​သော မြန်မာအလုပ် သမားများမှာ စာချုပ်ပါအတိုင်း အလုပ် လုပ်ကိုင်ခွင့် မရဘဲ အခက်အခဲ များစွာကြုံ​နေရ​ကြောင်း ၊ပြည်ပအလုပ်အကိုင် ရှာ​ဖွေ​ရေး​အေဂျင်စီများအ​နေဖြင့် တရားဝင်လုပ်သား​စေလွှတ်ခွင့်လိုင်စင်ကိုင်ပြီး လူကုန်ကူခြင်းမျိုး မလုပ်​ဆောင်ကြရန်လိုအပ်​ကြောင်း ထိုင်းနိုင်ငံဘက်မှ အလုပ်သ မား​ရေးဆောင်ရွက်​နေသူများက​ပြောသည်။

Eleven