မွန်ပြည်နယ်၊သထုံမြို့နယ်တွင် ၆ ဘီးကုန်တင်ကားပေါ်မှ ငွေကျပ် ၁၁ ဒသမ ၇၅ ဘီလီယံတန်ဖိုးရှိ အိုက်စ်များနှင့်ဆက်စပ်သူများအား အောက်တိုဘာ ၁၉ ရက်ညနေပိုင်းက လက်နက်ခဲယမ်းများနှင့်အတူ ဖမ်းဆီးရမိခဲ့ကြောင်း ရဲတပ်ဖွဲ့မှသိရသည်။
ကားပေါ်မှ ရှမ်းပြည်နယ်(မြောက်ပိုင်း)မှကရင် ပြည်နယ်သို့ သယ်ဆောင်လာသည့် ငွေကျပ် ၁၁ ဒသမ ၇၅ ဘီလီယံတန်ဖိုးရှိ အိုက်စ်(၄၇၀ ကီလို) အား ဖမ်းဆီးရမိခဲ့သည်။
စစ်ဆေးချက်အရ အိုက်စ်များသယ်ဆောင်ရာ တွင် ပူးပေါင်းပါဝင်သူများဖြစ်သည့် ပါကျဲ(ခ)စိုးလင်းထွန်းအား ပြင်ဦးလွင်မြို့နယ်၊ စိန်ပန်းကျေး ရွာ၊ ကိုစိုင်း(ခ)စောဇာနည်မောင်နှင့်မျိုးအောင်(ခ) ဟော့ထင်ခန်တို့အား မြဝတီမြို့နယ်၊သင်္ဃန်းညီ နောင်ကျေးရွာတွင် GIOCK 9 MM ပစ္စတိုသေနတ် ၁ လက်၊ ၎င်းကျည်အိမ် ၂ ခု၊ 9 MM ကျည် ၂၃ တောင့်၊ အားဝေ(ခ)လောက်ဆန်းနှင့်သက်ဦး(ခ) စောသက်ဦးတို့အား ဘားအံမြို့နယ်၊မဲဘောင်ကျေးရွာတို့တွင် အသီးသီးထပ်မံဖမ်းဆီးရမိခဲ့သည်။
ထို့ကြောင့် ဖမ်းဆီးရမိသူများအား မူးယစ်ဆေး ဝါးနှင့်စိတ်ကိုပြောင်းလဲစေသောဆေးဝါးများဆိုင် ရာဥပဒေအရအရေးယူကာ စစ်ဆေးလျက်ရှိကြောင်း ရဲတပ်ဖွဲ့မှသိရသည်။
Popular
0 comments:
Post a Comment