ဒေါက်တာမင်းဇော်ဦးကို တွေ့ရစဉ် (ဓာတ်ပုံ − ထူးတေဇ/ရိုက်တာ)
တရုတ်အစိုးရသည် ပြီးခဲ့သည့်သီတင်းပတ်က မြန်မာ အစိုးရ စီစဉ်ခဲ့သည့် တစ်နိုင်ငံလုံး အပစ်အခတ်ရပ်စဲရေးသဘော တူညီချက်ကို နှောင့်နှေးအောင် ကြားဝင် နှောင့်ယှက်ခဲ့ကြောင်း ငြိမ်းချမ်းရေးဆွေးနွေးပွဲ ထိပ် တန်းညှိနှိုင်းရေးမှူး တစ်ဦးက ထုတ်ဖော်စွပ်စွဲခဲ့သည်။တစ်နိုင်ငံလုံးအပစ်အခတ်ရပ်စဲရေး သဘောတူစာချုပ်မှာ ဆယ်စုနှစ်များစွာ ကြာမြင့်ခဲ့သည့် ပဋိပက္ခများ အဆုံးသတ်ရန် ဂျပန် နှင့် အနောက်နိုင်ငံများကိုပါ ဖိတ် ခေါ်စောင့်ကြည့်စေမည့် အစီအ စဉ်လည်းဖြစ်သည်။
သို့သော် မြန်မာ့ငြိမ်းချမ်းရေး စင်တာမှ ဒေါက်တာမင်းဇော်ဦး က တရုတ်အထူးသံတမန်သည် အဓိကလက်နက်ကိုင်အဖွဲ့နှစ်ခု ကို ငြိမ်းချမ်းရေး စာချုပ်လက်မှတ် မရေး ထိုးရန် ဖိအားပေးခဲ့ကြောင်း မြန်မာ့ငြိမ်းချမ်းရေးစင်တာမှ ဦးဆောင်ညှိနှိုင်းဆွေးနွေးသူတစ် ဦးဖြစ်သော ဒေါက်တာမင်းဇော် ဦးက ဆိုသည်။
တရုတ်အစိုးရကမူ စွပ်စွဲမှုကိုငြင်းဆိုထားသည်။ သို့သော် ရှားရှားပါးပါး တရုတ်အပေါ် လူသိရှင် ကြား စွပ်စွဲမှုမှာ တရုတ်နှင့် မြန်မာအကြား တင်းမာမှုများကို ပိုတိုးလာစေသည်။ ၂၀၁၁ တွင် ပြုပြင်ပြောင်းလဲရေး အစိုးရတက်လာပြီးနောက်ပိုင်း ဘေဂျင်းအပေါ် မှီခိုမှုလျှော့ချကာ ကမ္ဘာတစ်ဝန်း ဆက်ဆံရေး ထူထောင်ရန် မြန်မာအစိုးရက ကြိုးစားလာသည်။
တရုတ်အထူးသံတမန် ဆွန်ကောက်ရှန်း၏ ကြားဝင်နှောင့်ယှက်မှုကြောင့် အစိုးရက တစ်နိုင်ငံလုံးအပစ်ရပ်စာချုပ်လက်မှတ်ရေးထိုးရန် ဖိတ်ခေါ်ထားသည့်တိုင်းရင်းသားလက်နက်ကိုင်အဖွဲ့၁၅ ဖွဲ့မှ ရှစ်ဖွဲ့သာ သဘောတူလက်ခံခဲ့သည်ဟု ၎င်းကဆိုသည်။
‘‘တရုတ်ပြည်ဟာ အမြဲပဲတည်ငြိမ်မှုကို လိုလားတယ်လို့ ပြောလေ့ရှိပါတယ်။ သူတို့ တည် ငြိမ်မှုလိုချင်ပေမယ့် တစ်ချိန်တည်းမှာပဲ တရုတ်နယ်စပ် တစ်လျှောက်က လက်နက်ကိုင်အဖွဲ့တွေကို ဩဇာလွှမ်းမိုးမှုလုပ်ချင်နေပါတယ်’’ ဟု ၎င်းက ရိုက်တာသတင်းအား ပြောသည်။ ၎င်းကယခုအချိန်မတိုင်မီအထိ တရုတ်၏ ကြားဝင်စွက်ဖက်မှုများကို ထုတ်မပြောခဲ့သော်လည်း တိုးတိုးပြောနေခြင်းကို ယခုအချိန်တွင် ရပ်တန့်ချိန်တန်၍ ထုတ်ပြော ကြောင်းဆိုသည်။
၎င်းက တရုတ်ပြည်သည် ငြိမ်းချမ်းရေးဖြစ်စဉ်ကို အပြီးသတ် စောင့်ကြည့်ရေးတွင် နိုင်ငံတကာလေ့လာသူနိုင်ငံများအဖြစ် အနောက်နိုင်ငံများနှင့် ဂျပန်တို့ အား ထည့်သွင်းခြင်းကို ကန့်ကွက်ခဲ့ကြောင်းဆိုသည်။
‘‘စာချုပ်ချုပ်ဆိုရေးမှာ မျက်မြင်သက်သေရွေးချယ်မှုကိစ္စကလည်း တော်တော်လေးအထိအခိုက်မခံနိုင်တဲ့ ကိစ္စဖြစ်ခဲ့ပါတယ်။ ယှဉ်ပြိုင်မှုသဘောအရ လည်း တရုတ်၊ ဂျပန်ကြား ပြိုင် ဘက်တွေဖြစ်နေတာရှိပြီး ဒီလိုကိစ္စ တွေဖြစ်လာတာလည်း အံ့ဩစရာတော့မဟုတ်ပါဘူး’’ ဟု ရန်ကုန်အခြေစိုက် အမှီအခိုကင်းသော နိုင်ငံရေးဆန်းစစ်သူ ရစ်ချတ်ဟော်ဆေးက ပြောသည်။
‘‘တရုတ်ဟာ မြန်မာပြည်တွင်းနေရာတချို့နဲ့ မြန်မာပြည်တစ်ခုလုံးကို သူ့ရဲ့ ဒေသဆိုင်ရာအိမ်နီးချင်းရပ်ကွက်အဖြစ် ရှုမြင်ထားပါတယ်’’ဟုလည်း ၎င်းက သုံးသပ်သည်။
သို့သော် ဒေါက်တာမင်းဇော် ဦးပြောဆိုမှုကိုတရုတ်နိုင်ငံခြား ရေးဝန်ကြီးဌာနက ငြင်းဆိုထားသည်။ တရုတ်နိုင်ငံခြားရေး ဝန်ကြီးဌာန ပြောခွင့်ရပုဂ္ဂိုလ်ဟောင် လီက ၎င်းတို့ အစိုးရသည် မြန်မာနိုင်ငံတွင် ငြိမ်းချမ်းရေးဆွေးနွေး ပွဲများဖြစ်ထွန်းရန် ထောက်ခံအား ပေးခဲ့ကြောင်း ဆိုသည်။
‘‘တရုတ်ပြည်ဟာ မြန်မာမှာ ရှိတဲ့ အဖွဲ့အစည်းအစုံကို ကွဲပြားခြားနားမှုတွေကို ငြိမ်းချမ်းရေး ဆွေးနွေးပွဲတွေကနေ ဖြေရှင်းဖို့ တိုက်တွန်းခဲ့ပါတယ်။ တစ်နိုင်ငံလုံးအပစ်ရပ် သဘောတူညီချက်ကို ဆောလျင်စွာရဖို့လည်း အားပေးခဲ့ပါတယ်’’ဟု ဟောင်လီက ပြောကြားသည်။
အမေရိကန်ပြည်ထောင်စုတွင် သမ္မတအိုဘားမားသည် လည်း မြန်မာ့အပြောင်းအလဲများ ကို ၎င်းတို့ထောက်ခံခဲ့ခြင်းမှာ မှန်ကန်သည့် နိုင်ငံခြားရေးမူဝါဒအောင်မြင်မှုဖြစ်ကြောင်း ခြယ်မှုန်းနိုင်ရန် ဦးသိန်းစိန်ဦးဆောင်သောအစိုးရအား အပစ်အခတ်ရပ်စဲရေးများပြုလုပ်ရန် ဖိအားပေးတိုက်တွန်းထားသည်။ မြန်မာ အစိုးရဘက်က MNDAA ခေါ် ကိုးကန့်အဖွဲ့ကို ငြိမ်းချမ်းရေး ဆွေးနွေးရန် ဖိတ်ခေါ်မှုမလုပ်မချင်း အချို့သော လက်နက်ကိုင်တပ် ဖွဲ့များကို စာချုပ်လက်မှတ်မရေး ထိုးရန် တရုတ်က ပြောဆိုထား သည်ဟု ဒေါက်တာမင်းဇော်ဦး က ဆိုသည်။
အထူးသဖြင့် ၎င်းက တရုတ်သံတမန် ဆွန်သည် ‘ဝ’ ပြည်သွေးစည်းညီညွတ်ရေး တပ်မတော်(UWSA) နှင့် ကချင်လွတ်မြောက်ရေးအဖွဲ့ (KIO) တို့ကို စာချုပ်လက်မှတ်မရေးထိုးရန် တွန်းအားပေးခဲ့ကြောင်းဆိုသည်။ အဆိုပါနှစ်ဖွဲ့တွင် ကချင်အဖွဲ့စာချုပ်၌ ပါဝင်ရေးမှာ အလွန်အရေးကြီး ကြောင်း ဘရပ်ဆဲလ်အခြေစိုက် နိုင်ငံတကာ အကြံပေးပညာရှင် အဖွဲ့ (International CrisisGroup)က စက်တင်ဘာအတွင်းကသုံးသပ်ထားသည်။ ယခုသတင်းများနှင့် ပတ်သက်၍ ကိုးကန့်၊ကချင်နှင့် ကေအိုင်အိုအဖွဲ့များ ကမူ မည်သည့် မှတ်ချက်မှ မပေးကြောင်း ရိုက်တာကဆိုသည်။
‘ဝ’တပ်ဖွဲ့ (UWSA) သည်ပြီးခဲ့သည့်လကပင် တရုတ်ယူနန်အစိုးရက မြန်မာ့ငြိမ်းချမ်းရေးဖြစ်စဉ်တွင် အနောက်နိုင်ငံများနှင့် ဂျပန်တို့ကို မပါဝင်စေလိုကြောင်း ပြောကြားသည်ဟု ၎င်းတို့ကြေညာချက်တွင် ထုတ်ပြန်ဖော်ပြခဲ့သည်။
‘‘တကယ်လို့ ‘ဝ’တပ်ဖွဲ့သာလက်မှတ်ရေးထိုးခဲ့ရင် မြောက် ပိုင်းဒေသပဋိပက္ခတွေမှာ အနောက်နိုင်ငံတွေကို ပါဝင်ခွင့်ပေး လိုက်သလိုဖြစ်မယ်။ ဒီတော့UWSA ကလည်း ယူနန်အစိုးရကို သူတို့ပေးထားတဲ့ကတိကို ချိုး ဖောက်ပြီး တစ်နိုင်ငံလုံးအပစ်ရပ် စာချုပ်ကို လက်မှတ်ရေးထိုးနိုင်တဲ့အနေအထားမှာမရှိပါဘူး’’ ဟုဒေါက်တာမင်းဇော်ဦးက ပြောကြား ထားသည် ။
—Ref: Reuters
7Day Daily
0 comments:
Post a Comment