အီတလီဆိုင်ရာ ဗာတီကန် သံရုံးထဲမှာ အလုပ်သမားတွေ တွေ့ရှိခဲ့တဲ့ လူအရိုးတွေဟာ ၁၉၈၃ ခုနှစ်က ထူးဆန်းစွာ ပျောက်ဆုံးသွားခဲ့တဲ့ မိန်းကလေးရဲ့ အရိုးစု ဖြစ်နိုင်တယ်လို့ ခန့်မှန်းမှုတွေ ရှိပြီးနောက် စုံစမ်းစစ်ဆေးနေပါတယ်။
ရောမရဲ့ ကျော်ကြားတဲ့ ဗီလာ ဘော်ဂီ ပြတိုက်အနီးရှိ ဗာတီကန် သံရုံးနဲ့ တွဲလျက် အဆောက်အအုံကို အလုပ်သမားတွေက ပြင်ဆင်မွမ်းမံစဉ် အောက်တိုဘာ ၂၆ ရက်နေ့က လူအရိုးအပိုင်းအစတွေ တွေ့ရှိခဲ့တာ ဖြစ်တယ်လို့ ဗာတီကန် နန်းတော်က အောက်တိုဘာ ၃၀ ရက်နေ့မှာ ကြေညာချက် ထုတ်ပြန်ပါတယ်။ အီတလီရဲတွေက ဒီအမှုကို စတင်စစ်ဆေးနေပြီ ဖြစ်ပါတယ်။
၁၉၈၃ ခုနှစ်မှာ ဗာတီကန် ဘဏ်လုပ်သားတစ်ဦးရဲ့ အသက် ၁၅ နှစ်အရွယ်သမီးဖြစ်သူ အီမန်နူလာ အော်လန်ဒီ ပျောက်ဆုံးသွားမှုဟာ အီတလီမှာ ဖြေရှင်းနိုင်ခြင်း မရှိခဲ့တဲ့ ထူးဆန်းမှု ဖြစ်နေခဲ့ပြီး အဲဒီအမှုကို အခု ပြန်လည် ဖွင့်လိုက်ပြီ ဖြစ်ပါတယ်။
မှုခင်း ဆေးပညာရှင်တွေက တွေ့ရှိရတဲ့ အရိုးအပိုင်းအစတွေဟာ အော်လန်ဒီရဲ့ အရိုးတွေ ဟုတ်မဟုတ် ဆုံးဖြတ်နိုင်ဖို့ ကြိုးစားနေပါတယ်။ အော်လန်ဒီဟာ ဂီတသင်တန်းကနေ အိမ်ကိုအပြန်လမ်းမှာ ပျောက်ဆုံးသွားခဲ့တာ ဖြစ်ပါတယ်။ အစိုးရရှေ့နေချုပ် ဂူဆက်ပီ ပစ်ဂနာတုန်းကတော့ မှုခင်းဆေးပညာရှင်တွေ အနေနဲ့ အသက်အရွယ်၊ လိင်နဲ့ သေဆုံးတဲ့ ကာလကို ဆုံးဖြတ်ပေးဖို့ ပြောထားပါတယ်။
0 comments:
Post a Comment