မြန်မာပြည်အထက်ပိုင်းဒေသများမှ မိုးကြက်သွန်များ ဈေးကွက်အတွင်း လှိုင်လှိုင်ဝင်ရောက်နေသည့်အတွက် ယခုရက်ပိုင်းတွင် ရန်ကုန်ဘုရင့်နောင် ကုန်စည်ဒိုင်ရှိ ကြ က်သွန်ဈေးနှုန်းမှာ ပြန်လည် ကျဆင်းခဲ့သည့်အပြင် ဒေ သတွင်း ကြက်သွန်ဈေးကွက်တွင်လည်း အနည်းငယ်ပြန်ကျနေကြောင်း သိရသည်။
ယင်းသို့ ဈေးကျနေသော်လည်း ယခင်နှစ်ဈေးနှုန်းထက် ပိုသည့်အကြောင်းကို
" လက်ရှိစျေးက လယ်ကွက်ထဲတင်ကို အကြီးအသေးအ ကောင်းပေါ်လိုက်ပြီး တစ်ပိသာကို ၂၈၀၀/ ၃၀၀၀ စျေးရှိတယ်။ အရင်နှစ်တွေက ဒီစျေးထိ မရောက်ဘူး။ ဒီနှစ်အ များဆုံးပဲ။ ပြီးခဲ့တဲ့ (၃) နှစ်ကျော်လောက်က တစ်ပိသာကို၂၇၀၀ ၊၂၈၀၀ အထိ ဖြစ်ဖူးပေမယ့် ရက်ပိုင်းလောက်ပဲကြာတာ။ ဒီတခါစျေးလောက် မကြာဘူး။ အခု တောင် သူတွေ အဆင်ပြေကြတယ်" ဟု မြစ်သားမြို့နယ်အတွင်းမှ ကြက်သွန်စိုက်တောင်သူတစ်ဦးက ပြောသည်။
လက်ရှိတွင် မြန်မာပြည်အနှံ့က ကြက်သွန်များ ဈေးကွက်အတွင်း ဝင်ရောက်နေပြီဖြစ်ပြီး ပြည်ပမှ တင်သွင်းသည့် ကြက်သွန်များလည်း အဝင်ရှိနေသည့်အတွက် လက်ကားဈေးနှုန်းမှာ ပြန်လည် ကျဆင်းလာခြင်း ဖြစ်သည်။
ယင်းကဲ့သို့ ကြက်သွန် လက်ကားဈေးနှုန်းကျဆင်လာသော်လည်း ဈေးကွက်အတွင်းရှိ လက်လီအရောင်းဆိုင်များတွင်တော့ ကြက်သွန် တစ်ပိဿာလျင် အကောင်း / အညံ့နှင့် အရွယ်အစားအလိုက် တစ်ပိဿာ (၄၀၀၀) ကျ ပ်မှ (၅၀၀၀) ကျပ် ဝန်းကျင် အရောင်းအဝယ်ပြုလုပ်နေဆဲဖြစ်ကာ ဈေးနှုန်းကျဆင်းခြင်း မရှိသေးကြောင်း သိရသည်။
" နိုင်ငံခြားက သွင်းလာတဲ့ဟာတွေက အညာဖက်မှာ သိပ်မသုံးကြဘူး။ မြို့ကြီးတွေမှာပဲ သုံးကြတယ်။တရုတ်နဲ့ အိန္ဒိယဖက်က သွင်းတာတွေက ဟင်းချက်ရင်အနှစ်သိပ်မရဘူး၊ ရေရှည်အထားလည်း မခံဘူး" ဟု ကြက်သွန်စိုက်တောင်သူတစ်ဦးက ရှင်းပြသည်။
ကြက်သွန် စိုက်ဧက တစ်ဧကလျင် အမှန်တကယ် ဖြစ်ထွန်းပါက ပိဿာချိန် (၂၅၀၀) မှ (၃၀၀၀) အထိထွက်ရှိနိုင်ပြီး စိုက်ပျိုးစရိတ် တစ်ဧကလျင် (၁၀) သိနိးဝန်းကျင် ကုန်ကျကာ ယခုနှစ်တစ်ဧကလျင် သိန်း (၈၀) ဝန်းကျင် ပြန်လည် ရရှိနိုင်ကြောင်း သိရသည်။
" တောင်သူတွေက သွင်းအားစု စရိတ်တွေများတော့ သိပ်မထည့်နိုင်ကြဘူး။ ပုံမှန်ဆို ဒီထက်ပိုထွက်တယ်။ စိုက်ပြီးအပင်တန်းဖြစ်သွားရင် (၃)လ ပိုပိုလောက်ကျ တူးလို့ရတယ်။ ကုန်ချိန်ကလည်း တစ်ဧကကို ပိဿာချိန် (၄၀၀၀) ဝန်းကျင် ထွက်နိုင်တယ်။ ဒါကြောင့်ဒီနှစ်ပြာသိုလကုန်လောက်ကျရင်လှူကြမှာ။ ဆိုင်းတွေဘာတွေလည်း ခု ငှားပြီးကြပြီ။ ကြက်သွန်ဖော်တာနဲ့ တန်းလှူကြမှာ။ သီးနှံကောင်းရင် မဏ္ဍပ်တွေ၊ ဆိုင်းတွေနဲ့ ရှင်ပြုနားသလှူကြတယ်။ ဒီနှစ်အလှူပိုပေါမယ်" ဟု ၎င်းကဆိုသည်။
ပြီးခဲ့သည့် အောက်တိုဘာလ နှောင်းပိုင်းနှင့် နိုဝင်ဘာလအတွင်း စိုက်ပျိုးထားသည့် ကြက်သွန်များသည် လာမည့် ဖေဖေါ်ဝါရီလအတွင်း ပြန်လည်တူးဖော်နိုင်မည်ဖြစ်ပြီး ကြက်သွန် ဈေးကွက်အတွင်းသို့ ဝင်ရောက်လာဦးမည်ဖြစ်ကြောင်း သိရသည်။
Popular
0 comments:
Post a Comment