မက္ကဆီကိုနိုင်ငံမြောက်ပိုင်း မွန်တာရေးမြို့ကို အပူပိုင်းမုန်တိုင်း ဟန်နာ ဝင်ရောက်မှုကြောင့် ရေကြီးရေလျှံမှုတွေ ဇူလိုင်လ ၂၆ ရက်က ဖြစ်ခဲ့ပါတယ်။
အရင်က လူစည်ကားရာ လမ်းတွေဟာ ရေကြီးနေပြီး တူးမြောင်းတွေလည်း ရေလျှံထွက်နေတယ်လို့ ရိုက်တာသတင်းမှာ ဖော်ပြပါတယ်။
ကုန်းတွင်းပိုင်းဝင်ရောက်ချိန်ကစလို့ အားပျော့လာခဲ့တဲ့ မုန်တိုင်းဟန်နာရဲ့ ဗဟိုချက်ဟာ ဇူလိုင် ၂၆ ရက်က မွန်တာရေးနဲ့ ၃၅ မိုင်အကွာမှာ တည်ရှိခဲ့ပါတယ်။ ရွေ့လျားနှုန်းကလည်း ၁ နာရီကို ၉ မိုင်နှုန်းပဲ ရှိပါတော့တယ်။
မွန်တာရေးနဲ့နယ်စပ် အမေရိကန်ပြည်တွင်း တက္ကဆတ်ပြည်နယ်ကတော့ မုန်တိုင်းဒဏ်ကို ပိုဆိုးဆိုးရွားရွားခံခဲ့ရပါတယ်။
နေအိမ်တွေနဲ့ စီးပွားရေးလုပ်ငန်းတွေ ၂ သိန်း ၈ သောင်းကျော် လျှပ်စစ်ဓာတ်အား ပြတ်တောက်ခဲ့ပါတယ်။
မုန်တိုင်း ဟန်နာကြောင့် မက္ကဆီဘက်မှာတော့ အသေအပျောက်သတင်း မရှိသေးပါဘူး။
Ref ; DVB
0 comments:
Post a Comment