ဗုဒ္ဓဟူးနေ့က ဘင်္ဂလားဒေ့ရှ်မြို့တော်ဒါကာရှိ ပယ်လာဗီရဲစခန်းမှ ဗုံးပေါက်ကွဲမှုသည် သူတို့လက်ချက်ဟု အစ္စလာမ်မစ်နိုင်ငံတော်အဖွဲ့အိုင်အက်စ်က ဝန်ခံသည်။
အိုင်အက်စ်ကဝန်ခံကြောင်း အမေရိကန်အခြေစိုက် SITE ထောက်လှမ်းရေးအဖွဲ့က ထုတ်ပြန်သည်ဟု Dhaka Tribune သတင်းစာကဖော်ပြသည်။
အိုင်အက်စ်၏ Battle of Attrition လှုပ်ရှားမှု စတုတ္ထမြောက်လှိုင်းတွင် ယခုပေါက်ကွဲမှုတစိတ်တပိုင်းပါဝင်ပြီး အိဒ်ပွဲတော်ကာလကို ဦးတည်တိုက်ခိုက်မည်ဖြစ်ကြောင်းသတင်းများထွက်နေစဉ် ဗုံးပေါက်ကွဲမှုဖြစ်ပွားကြောင်း SITE အဖွဲ့ညွန်ကြားရေးမှူးက တွစ်တာတွင်ပြောသည်။
၂၀၁၉ ခုနှစ် ဩဂုတ်နောက်ပိုင်း ဘင်္ဂလားဒေ့ရှ်တွင် ပထမဆုံးပေါက်ကွဲမှုဖြစ်ကြောင်းလည်း ပြောသည်။
ဒါကာမြို့တော်ရဲတပ်ဖွဲ့မှ အကြမ်းဖက်မှုတုံ့ပြန်ရေးနှင့်နိုင်ငံဖြတ်ကျော်မှုခင်းဌာန CTTC လက်ထောက်ရဲမှူး ကြီးက ပယ်လာဗီရဲစခန်း ဗုံးပေါက်ကွဲမှုသည် ပြည်တွင်း ရာဇဝတ်ကောင်များလက်ချက်ဖြစ်နိုင်ပြီး အကြမ်းဖ က်စစ်သွေးကြွတို့၏ တိုက်ခိုက်မှုဟု မထင်ကြောင်း မှတ်ချက်ပြုသည်။
သို့သော် အမေရိကန်ထောက်လှမ်းရေးအုပ်စု၏ သတင်းပေးချက်ကို စုံစမ်းစစ်ဆေးမည်ဖြစ်ကြောင်း ပြောဆိုသည်။
ဗုဒ္ဓဟူးနေ့ နံနက် ၆ နာရီခန့်က ပယ်လာဗီရဲစခန်းတွင် ဗုံးတစ်လုံးပေါက်ကွဲခဲ့ရာ ရဲတပ်ဖွဲ့ဝင် ၄ ယောက်အပါ အဝင် လူ ၅ယောက်ဒဏ်ရာရခဲ့သည်။
ဗုဒ္ဓဟူးနေ့အစောပိုင်း နယ်မြေလုံခြုံရေးဆောင်ရွက်နေသော ပယ်လာဗီ ရဲတပ်ဖွဲ့ဝင်များသည် ဒီဂျစ်တယ်ချိ န်ခွင်အတွင်း ဝှက်ထားသော ဗုံးတစ်လုံးကို တွေ့ရှိခဲ့ပြီး ရဲစခန်းသို့ သယ်ယူလာပြီး စံနက်တံဖြုတ်ရန် ကြိုးစားစဉ် မမျှော်လင့်ပဘဲပေါက်ကွဲမှုဖြစ်ခဲ့ကြောင်း၊ ဗုံးကိစ္စနှင့်ဆက်စပ်ပြီး နယ်ခံ ၃ ယောက်ကို ဖမ်းဆီးထားကြောင်း ပယ်လာဗီရဲစခန်းမှူးက ပြောသည်။
Ref ; People Media
0 comments:
Post a Comment