ရိုက်တာသတင်း ထောက်နှစ်ဦးကို ထောင်ချောက်ဆင် ဖမ်းဆီးခဲ့ခြင်းသည် ဟုတ်မှန် ကြောင်း တရားလိုပြသက်သေ ဒုရဲမှူးမိုးရန်နိုင်က ယမန်နေ့တွင် ချိန်းဆိုသည့် တရားခွင်၌ ထွက်ဆို သည်။
ဧပြီ ၂၀ ရက် (၁၄)ကြိမ် မြောက်ရုံးချိန်း၌ ထိုသို့ထွက်ဆို ခဲ့သည့်အပြင် တရားရုံးအပြင်ဘက်၌ ထောင်ဖမ်းခံရခြင်းဟုတ် သလားဟု သတင်းထောက်များက မေးမြန်းရာ ‘‘အဲဒီအတိုင်း အမှန်ပါပဲ’’ဟု ဒုရဲမှူးမိုးရန်နိုင်က ပြောသည်။
သတင်းထောက်များက ဝိုင်း ဝန်းမေးမြန်းနေစဉ် အရပ်ဝတ် ဝတ်ဆင်ထားသူတစ်ဦးက ဒုရဲမှူး မိုးရန်နိုင်ကို အတင်းဆွဲခေါ်ရာ ‘‘မင်းတို့ ငါ့ကို မဆွဲနဲ့’’ ဟု ပြန် လည်တုံ့ပြန်ခဲ့သည်။
‘‘အမှန်တရားဖွင့်ပြောရတဲ့ အကြောင်းရင်းက ရဲတပ်ဖွဲ့ဝင် မှာလည်း ဘယ်အဆင့်အတန်း မဆို သူ့ဂုဏ်သိက္ခာ သူရှိတယ်’’ ဟု တရားခွင်မှ ထွက်ခွာလာသော ဒုရဲမှူး မိုးရန်နိုင်က သတင်းထောက်များအား ပြောသည်။
အမှတ်(၈)လုံခြုံရေးရဲတပ် ရင်းစခန်းမှ ရဲမှူးချုပ် တင်ကိုကို က ဝလုံးကို မိမှဖြစ်မည်ဟု ပြော ကြားခဲ့ကြောင်း ၎င်းက တရားရုံး တွင် ထွက်ဆိုသည်။
ထို့ကြောင့် ဒုတပ်ကြပ် နိုင် လင်းကို ကိုဝလုံးနှင့် ချိတ်ဆက် ခိုင်းပြီး စားသောက်ဆိုင်တစ်ဆိုင် တွင် တွေ့ဆုံရန် ပြောကြားခဲ့ ကြောင်း ဆက်လက်ထွက်ဆို သည်။
ဒုတပ်ကြပ် နိုင်လင်းနှင့် သတင်းရဲတပ်ဖွဲ့မှ အရာရှိတစ်ဦး တို့အား စာရွက်များထည့်ပေးပြီး ကိုဝလုံးကို ပေးခိုင်းခဲ့ကြောင်း၊ စာရွက်စာတမ်းများ ထည့်ပေးပြီး နောက် ကိုဝလုံးတို့ ပြန်ထွက်ချိန်တွင် ထောက်ကြန့်နယ်ထိန်း ရဲတပ်ဖွဲ့ဝင်များက ထောင်ဖမ်းရန် ရဲမှူးချုပ် တင်ကိုကိုက မှာကြားခဲ့ ကြောင်း ၎င်းက ထွက်ဆိုသည်။
ထို့အပြင် ‘‘ဝလုံးကို မဖမ်းမိ ပါက မင်းတို့တပ်ဖွဲ့ဝင်တွေ အ ချုပ်ထဲထည့်မယ်’’ ဟု မြောက်ပိုင်း ခရိုင်ရဲမှူးကြီးတစ်ဦးကိုပါ အနီး ကပ်မှာကြားခဲ့ပြီးနောက် အချိန် အနည်းငယ်အတွင်း သတင်းတပ် ဖွဲ့မှ အရာရှိနှင့် ဒုတပ်ကြပ် နိုင် လင်းတို့ ထွက်ခွာသွားခဲ့ကြောင်း ၎င်းက ထွက်ဆိုသည်။
ထိုသို့ထွက်ခွာပြီး အချိန်အ တန်ကြာမှ ပြန်ရောက်ရှိလာပြီး နောက် ကိုဝလုံးကို ဖမ်းမိကြောင်း သတင်းပို့သည်ကို ကြားရပါသည် ဟု ဒုရဲမှူး မိုးရန်နိုင်ကထွက်ဆိုသည်။
၎င်းသည် ၂၀၁၇ ဇူလိုင် ၃ ရက်တွင် လှုပ်ရှားတပ်စုခေါင်း ဆောင်အဖြစ် တာဝန်ထမ်းဆောင် ရန် ရခိုင်ပြည်နယ် အင်းဒင်နယ် မြေစခန်းသို့ သွားရောက်ခဲ့သူဖြစ် သည်။
နိုဝင်ဘာ ၁၁ ရက်တွင် အ မှတ်(၈)လုံခြုံရေးရဲတပ်ရင်းစခန်း သို့ ပြန်ရောက်လာပြီး နိုဝင်ဘာ ၂၂ ရက်၌ ကိုဝလုံးက ဖုန်းဆက်ချိန်းဆိုခဲ့ကြောင်း ထွက်ဆိုသည်။ နိုဝင်ဘာ ၂၃ ရက်တွင် ရဲတပ်ရင်း သက်သာဆိုင်၌ ကိုဝလုံးနှင့် တွေ့ဆုံခဲ့သော်လည်း ဒီဇင်ဘာ ၂၂ ရက်က ကိုဝလုံးကို ဖမ်းဆီးချိန် တွင် ၎င်းမပါဝင်ကြောင်း အမှတ်(၈)လုံခြုံရေး ရဲတပ်ရင်း တပ်ခွဲမှူး ဒုရဲမှူးမိုးရန်နိုင်က ထွက်ဆိုသည်။
သတင်းထောက် ကိုဝလုံးကို ဖမ်းဆီးသည့် ညတွင်ပင် ၎င်းအပါအဝင် ရဲအရာရှိခြောက်ဦးဖမ်းဆီး ခံရသော်လည်း ရဲတပ်ကြပ် ခင် မောင်လင်းနှင့် ၎င်းကို ဆက်လက် ဖမ်းဆီးထားပြီး ကျန်လေးဦးကို လွှတ်ပေးခဲ့ကြောင်း ၎င်းက ထွက် ဆိုသည်။
ဒုရဲမှူးမိုးရန်နိုင်သည် မိသား စုနှင့် တွေ့ဆုံခွင့်မရဘဲ ဖုန်းဖြင့် ဆက်သွယ်၍သာရပြီး ရက်ပေါင်း ၁၂၀ ကျော် ဖမ်းဆီးခံခဲ့ရကြောင်း ၎င်း၏ညီ ကိုရဲဝင်းနိုင်က 7Day Daily သတင်းစာအားပြောသည်။
တရားခွင်တွင် ထိုသို့ထွက်ဆိုပြီးနောက် ဒုရဲမှူး မိုးရန်နိုင်၏ထွက်ဆိုချက်များကို မယုံကြည်ထိုက်သော သက်သေအဖြစ် တရားလို အကျိုးဆောင်ရှေ့နေက တရားသူကြီးထံ လျှောက်ထားခဲ့ရာ တရားသူကြီးက လာမည့် ဧပြီ ၂၅ ရက် ရုံးချိန်းတွင် အမိန့်ချမှတ်မည်ဟု ပြောဆိုသည်။
ဒုရဲမှူး မိုးရန်နိုင်သည် သား သမီးသုံးဦးရှိပြီး ထိုသို့ထွက်ဆိုရန် မိသားစုဝင်များနှင့် ဆွေးနွေးတိုင် ပင်ခဲ့ကြောင်း ကိုရဲဝင်းနိုင်က ပြော သည်။
‘‘သူ့လိုရဲက ရှားပါးတယ်။ ဒီနေ့ သူဝတ်ထားတဲ့ ရဲဝတ်စုံကို ကျွန်တော်ဝယ်ပေးထားတာ။ ဒီနေ့ လို အမှန်တရားထွက်ဆိုဖို့ အရင် ကတည်းက စီစဉ်ထားတာ။ သူ့ကို တရားလိုပြသက်သေအဖြစ် ရွေး ချယ်ခံရအောင် လူကြီးတွေ အကြိုက်နေနေတာ။ တရားခွင်ကို ရောက်အောင်ပဲ လုပ်နေတာ။ အဲဒီမှာ ပြောမယ်ဆိုပြီး လုပ်နေ တာ’’ ဟု ကိုရဲဝင်းနိုင်က ပြော သည်။
ထို့အပြင် နေပြည်တော်ရှိ ရဲလိုင်းခန်းတွင် နေထိုင်သော ဒုရဲမှူးမိုးရန်နိုင်၏ မိသားစုဝင်များ ကို ၎င်း၏နေအိမ်သို့ ပြောင်းရွှေ့ ခေါ်ဆောင်ထားကြောင်း ၎င်းက ဆက်လက်ပြောသည်။
ဒုရဲမှူး မိုးရန်နိုင်၏သတ္တိရှိရှိ ထွက်ဆိုချက်အပေါ် ချီးကျူးသူများရှိခဲ့သည်။ ထို့အပြင် မီဒီယာများက ဖော်ပြခဲ့သော ဒုရဲမှူး၏မျက်နှာတွင် စိတ်လှုပ်ရှားမှုနှင့် စိုးရိမ်ကြောင့်ကြမှုများ ပေါ်ပေါက်ရာ ၎င်း၏လုံခြုံရေးကိုလည်း စိုးရိမ်မှုအချို့ရှိခဲ့သည်။
‘‘သူပြောတာကတော့ ဒီနေ့ အမှန်တရားတွေ ထွက်ဆိုသွား တာဖြစ်တယ်။ ကျွန်တော်တို့ကို ရဲမှူးချုပ်တင်ကိုကိုက နေပြီးတော့ထောင်ချောက်ဆင်ပြီးတော့ ဖမ်း တယ်ဆိုတဲ့အနေအထားကို ဒီနေ့ ပြောသွားတာဖြစ်တဲ့အတွက် အ မှန်တရားတွေပေါ်လာပြီလို့ ကျွန် တော်ပြောချင်တယ်။ ဒီကိစ္စနဲ့ ပတ်သက်ပြီးတော့ ကျွန်တော်တို့ ကို ဘယ်တော့မှ မတရားလုပ်လို့ မရဘူး။ ကျွန်တော်တို့ကို၊ ဘယ် တော့မှ အနိုင်ကျင့်လို့ မရဘူး။ ကျွန်တော်တို့ကို မီဒီယာသမား တွေကို ဒီလိုပုံစံမျိုးနဲ့ အနိုင်ကျင့် လို့ မရဘူးဆိုတဲ့ အနေအထား ဒီနေ့ပေါ်လာပါပြီ။ မကြာခင်မှာ တရားမျှတမှုတွေ ပေါ်လာမယ်ဆို တာ ယုံကြည်တယ်’’ ဟု တရားခွင်မှ ပြန်ထွက်လာသော သတင်း ထောက်ကိုဝလုံးက ပြောသည်။
၎င်းတို့ဖြစ်စဉ်နှင့်ပတ်သက် ပြီး နိုင်ငံတော်သမ္မတ ဦးဝင်းမြင့် အနေဖြင့် သေချာစောင့်ကြည့်စိ စစ်ပေးရန် ကိုဝလုံးကပြောကြားသည်။
‘‘ဒီအမှုက အမှုဆင်ပြီးတော့ ဖမ်းတဲ့အချက်က ပေါ်သွားတယ်။ ကျွန်တော်တို့အရင်တုန်းက ပြော သလိုပဲ ဖမ်းတဲ့အဖွဲ့က တစ်ဖွဲ့၊ သတင်းထောက်အဖွဲ့ကို ဖမ်းတဲ့ အဖွဲ့က တစ်ဖွဲ့၊ စစ်ဆေးတဲ့အဖွဲ့ က တစ်ဖွဲ့ဆိုတာ ဒီနေ့ ကွဲကွဲလွဲလွဲဖြစ်သွားတယ်။ ထွက်ဆိုသွားတဲ့ ဒုရဲမှူး မိုးရန်နိုင်က တပ်ရင်း(၈) မှာ အခုချိန်အထိ ချုပ်ခံထားရ တယ်။ အဲဒီလိုအချုပ်ခံထားရစဉ် မှာ သတင်းထောက်တွေနဲ့ တွေ့ လို့ အဖမ်းခံရတယ်ဆိုတဲ့အချက် ကို သူပြောသွားတယ်။ သူ့ရဲ့ထွက် ဆိုချက်တွေအရ သူသည် လူ့အ ခွင့်အရေးတချို့ကို ချိုးဖောက်ခံရ တာတွေလည်း ရှိနေတယ်’’ဟု ရိုက်တာ သတင်းထောက်နှစ်ဦး အရေးလိုက်ပါအကျိုးဆောင်ရွက် ပေးနေသော တရားလွှတ်တော် ရှေ့နေ ဦးသန်းဇော်အောင်က ပြောသည်။
ရိုက်တာ သတင်းထောက် နှစ်ဦးကို ထောင်ချောက်ဆင်ဖမ်း သည်ဟု တရားခွင်တွင် ထွက် ဆိုမှုအပေါ် မြန်မာနိုင်ငံရဲတပ်ဖွဲ့ ပြောရေးဆိုခွင့်ရှိသူ ရဲမှူးကြီး သက်နိုင်အား ဆက်သွယ်မေးမြန်း ရာ မသိရှိကြောင်း ပြောသည်။
သတင်းထောက် ကိုဝလုံးတို့ အမှုကို သေချာလေ့လာသုံးသပ် မည်ဖြစ်ကြောင်း မြန်မာနိုင်ငံ အမျိုးသားလူ့အခွင့်အရေးကော်မ ရှင်ပြောရေးဆိုခွင့်ရှိသူ ဦးယုလွင် အောင်က ပြောသည်။
‘‘လူ့အခွင့်အရေးရှုထောင့် ကနေ ကြည့်ရင်တော့ လူတစ် ယောက်ကို မတရားဖမ်းဆီးချုပ် နှောင်ခွင့်မရှိတာက လူတစ် ယောက်ရဲ့ right ပဲ။ ချုပ်နှောင် ထားတယ်ဆိုတာ လူ့အခွင့်အရေး ချိုးဖောက်တာပဲ။ ဥပဒေအရကတော့ လူတစ်ယောက်က မတရား ဖမ်းဆီးမခံရဘူး။ ဒီကိစ္စက မတရားဖမ်းဆီးခံရတာဟုတ်၊ မ ဟုတ် သုံးသပ်မယ်’’ဟု ဦးယုလွင် အောင်က ပြောသည်။
ရိုက်တာသတင်းထောက် နှစ်ဦးထောင်ဖမ်းခံရသည်ဟု ယူဆကြောင်း အမျိုးသားဒီမိုကရေစီ အဖွဲ့ချုပ် ထိပ်ပိုင်းခေါင်းဆောင် ဦးဝင်းထိန်က ပြောခဲ့ဖူးသည်။
ရခိုင်ပြည်နယ်တွင် လုံခြုံရေး တာဝန်ထမ်းဆောင်ပြီးနောက် ရန်ကုန်မြို့သို့ ပြန်လည်ရောက်ရှိ လာသည့် ရဲတပ်ဖွဲ့ဝင်များကို ချဉ်း ကပ်စည်းရုံးဆက်သွယ်ပြီး အရေး ကြီးလုံခြုံရေး စာရွက်စာတမ်းအ ထောက်အထားများကို ပြည်ပ သတင်းဌာနများသို့ ပေးပို့ရန် ရည် ရွယ်ချက်ဖြင့် တရားမဝင် သတင်းရယူဆောင်ရွက်ခဲ့သည်ဆိုကာ ရိုက်တာ သတင်းဌာနမှ မြန်မာ သတင်းထောက် ကိုဝလုံးနှင့် ကိုကျော်စိုးဦးတို့အပြင် ရဲတပ်ဖွဲ့ဝင်နှစ်ဦး စုစုပေါင်းလေးဦးကို မြန် မာနိုင်ငံအစိုးရလျှို့ဝှက်ချက်များ အက်ဥပဒေပုဒ်မ ၃ ဖြင့် ဒီဇင်ဘာ ၁၂ ရက်ည၌ ဖမ်းဆီးထားသည်။
7Day
0 comments:
Post a Comment