မန္တလေးမြို့ ချမ်းမြသာစည်မြို့နယ် ကျွန်းလုံးဥသျှောင်ရပ်ကွက် သာသနာ ၂၅၀၀ ဗိမ္မာန်မှာ အစိုးရကို ဆန့်ကျင်သည့် သပိတ်စခန်းဖွင့်ခဲ့သောကြောင့် ဖမ်းစီးခံရသည့် ကိုကျော်မျိုးရွှေ အား ဇူလိုင်လ ၂၅ ရက်တွင် အမိန့်ချမည်ဖြစ်ကြောင်း သိရသည်။
ကိုကျော်မျိုးရွှေ အား ဇူလိုင်လ (၁၆) ရက်နေ့က ချမ်းမြသာစည်မြို့နယ် တရားရုံးတွင် ရုံးထုတ်ခဲ့ပြီး အပြီးသတ်လျှောက်လဲချက်တင်ခဲ့သည်။
" ဒီနေ့အပြီးသတ်လျှောက်လဲချက်တင်တယ် ။ သက်သေတွေအကုန်စစ်ပြီးသွားတော့ နောက်ဆုံး တရားရုံးလုပ်ထုံး လုပ်နည်းအတိုင်း လုပ်တာပါ " ဟု ချမ်းမြသာစည်မြို့နယ် တရားရုံးမှ တာဝန်ရှိသူတစ်ဦး က ပြောသည်။
ချမ်းမြသာစည်မြို့နယ် အထွေထွေအုပ်ချုပ်ရေးဦးစီးဋ္ဌာနက တရားလိုပြုလုပ်ပြီး သပိတ်စခန်းမှာပါဝင်သည့် ကိုကျော်မျိုးရွှေပါ (၅) ဦးကို ပုဒ်မ ၅၀၅ (ခ) ဖြင့် တရားစွဲဆိုခဲ့ကာ (၄) ဦးမှာ လွတ်မြောက်နေကြောင်း သိရသည်။
ထို့အပြင် အစိုးရကို ဆန့်ကျင်သည့် သပိတ်စခန်းဖွင့်ခဲ့သောကြောင့် အဖမ်းစီးခံ သံဃာ (၆) ပါးကို ၂၀၁၇ ဒီဇင်ဘာလ ၂၇ ရက်နေ့ က ချမ်းမြသာစည်မြို့နယ် တရားသူကြီး မှ အလုပ်ကြမ်းနှင့် ထောင်ဒဏ် တစ်နှစ်ခြောက်လ ကျခံရန်အမိန့်ချခဲ့ပြီးဖြစ်သည် ။
ပုံစာ - ရုံးချိန်းတစ်ခုတွင် တွေ့မြင်ရသည့် ကျော်မျိုးရွှေ (ဝံသူနုအားမာန်)
The Fifth Wave News
0 comments:
Post a Comment