နာမည်ပျက်ထံမှ အလှူငွေလက်ခံသော ဦးဖြိုးမင်းသိန်း ဝေဖန်ခံရ

မလေးရှားနိုင်ငံမှ လိမ်လည်သူဟု စွပ်စွဲခံရသူ အွန်းကီးစွမ်းထံမှ ရန်ကုန်မြို့တော်အတွက် အလှူငွေ ကျပ်သန်း ၂၀ ကို လက်ခံသည့် ရန်ကုန်တိုင်းဝန်ကြီးချုပ် ဦးဖြိုးမင်းသိန်းမှာ လူမှုကွန်ရက်တွင် ဝေဖန်မှုများနှင့် ကြုံတွေ့နေရသည်။

ပီတာအွန်းအမည်ဖြင့် လှုပ်ရှားနေသော ထိုသူသည် ကြေးစားလောင်းကစားသမားများကို ပံ့ပိုးနေသူဖြစ်ပြီး ထိုင်ဝမ်၊ မလေးရှားနှင့် တရုတ်နိုင်ငံတို့တွင် အမည်ပျက်စာရင်းသွင်းထားသော အဆင့်ဆင့်ဈေးကွက်ရှာဖွေရေး MLM ကုမ္ပဏီတခု၏ အမှုဆောင်အရာရှိချုပ်လည်း ဖြစ်သည်။

အွန်း၏ မိသားစုသည် တိုင်းအစိုးရ၏ လူမှုရေးလုပ်ငန်းများကို ကူညီရန် အွန်း၏ မိသားစုက ငွေလှူဒါန်းကြောင်း ရန်ကုန်တိုင်းအစိုးရ၏ တရားဝင်ဖေ့ဘွတ်စာမျက်နှာတွင် စနေနေ့က ဖော်ပြပြီး တိုင်းဝန်ကြီးချုပ်က အွန်းကို ဂုဏ်ပြုမှတ်တမ်းလွှာပေးအပ်နေသောပုံ အပါအဝင် ပုံပေါင်း ၉ ပုံတင်ထားသည်။

“လူဆိုးတွေကို အားပေးနေတာပဲ။ တိုင်းဝန်ကြီးချုပ်တယောက်အနေနဲ့ မလုပ်သင့်ဘူး။ လူတယောက်ရဲ့နောက်ကြောင်းရာဇဝင်ကို မီဒီယာမှာ အလွယ်တကူ စစ်ဆေးလို့ရတယ်။ ငွေကို လက်မခံခင် သူ့ရဲ့နောက်ကြောင်းကို စစ်ဆေးခဲ့သင့်တယ်” ဟု ရန်ကုန်တိုင်းလွှတ်တော်ကိုယ်စားလှယ်ဟောင်း ဒေါ်ညိုညိုသင်းက ပြောသည်။

“တိုင်းအစိုးရအနေနဲ့ ငွေမဲတွေကို လက်မခံသင့်ဘူး။ ငွေက နည်းနည်းလေးပေမယ့် အစိုးရရဲ့ ပုံရိပ်ကို ထိခိုက်စေတာ သေချာတယ်” ဟု ဒေါ်ညိုညိုသင်းက ဧရာဝတီသတင်းဌာနသို့ ပြောသည်။

လူအများအပြားက ထိုပုံများအောက်တွင် ဝေဖန်သုံးသပ်ချက်များ ရေးသားခဲ့ကြပြီး စင်္ကာပူနှင့် မလေးရှားတွင် အလှူရှင်ကို စွဲဆိုထားသောအမှုများ အပါအဝင် သူ၏နောက်ကြောင်းနှင့် ပတ်သက်သော ရယူထားသည့် အချက်အလက် screenshots များကို ဖော်ပြခဲ့ကြသည်။ ပြင်ပအလှူရှင်ထံမှ ငွေကို လက်မခံမီ အလှူရှင်၏ နောက်ကြောင်းကို လေးနက်သော စုံစမ်းစစ်ဆေးမှု ပြုလုပ်ရန်လည်း ရန်ကုန်တိုင်းအစိုးရကို ပြည်သူများက အကြံပြုကြသည်။

“ဒီငွေ ဘယ်ကရလဲ မသိရင် လက်မခံတာ ကောင်းတယ်။ ငွေမဲဖြစ်နေရင် အစိုးရကို ငွေကြေးခဝါချမှုနဲ့ စွဲချက်တင်လို့တောင် ရတယ်” ဟု မကွေးတိုင်းလူငယ်ကွန်ရက်မှ အကြံပေး ဦးတင့်ဇော်ဟိန်း ကပြောသည်။

လူအများအပြားက ၎င်းတို့ လိမ်လည်ခံရသည်ဟု တိုင်ကြားသောကြောင့် မြန်မာနိုင်ငံတွင် MLM ကုမ္ပဏီများမှာ နာမည်ပျက်နေကြသည်။ လိမ်လည်ခံရသည်ဟု လူထုထံမှ တိုင်ကြားမှုများရရှိပြီးနောက် မြန်မာ သမ္မတရုံးနှင့်ပြည်ထဲရေးဝန်ကြီးဌာနတို့က MLM ကုမ္ပဏီများကို စုံစမ်းစစ်ဆေးရန် အထူးစုံစမ်းစစ်ဆေးရေးဦးစီးဌာန BSI ကို ညွှန်ကြားခဲ့သည်။ MLM ကုမ္ပဏီများသည် ရင်းနှီးမြှုပ်နှံသူများကို အမြတ်ထုတ်နေသောကြောင့် မြန်မာနိုင်ငံရှိ ထိုလုပ်ငန်းများကို စစ်ဆေးနေကြောင်း အထူးစုံစမ်းစစ်ဆေးရေးဦးစီးဌာနက ဇန်နဝါရီလတွင် ကြေညာခဲ့သည်။

နိုင်ငံတကာသတင်းများအရ အွန်းသည် Dream Success International Sd Bhd နှင့် Surewin4u လုပ်ငန်း အင်တာနက်စာမျက်နှာတို့၏ အမှုဆောင် အရာရှိချုပ်ဖြစ်သည်။

Dream Success International သည် ကျန်းမာရေးအလှကုန်များ ရောင်းချသည်ဟု ဆိုသည်။ Surewin4u မှာမူ Dream Success International က စီမံသော လုပ်ငန်း အင်တာနက်စာမျက်နှာဖြစ်ပြီး ကာစီနိုကြေးစားလောင်းကစားသမားများကို ပံ့ပိုးပေးခြင်းဖြင့် ရင်းနှီးမြှုပ်နှံသူများ လစဉ်အမြတ်နှင့် ဆုကြေးများရမည်ဟု ကတိပြုထားသည်။ ရင်းနှီးမြှုပ်နှံသူများအနေဖြင့် အမြတ်ရရန် ၉၉ ရာခိုင်နှုန်းသေချာသည်ဟု အွန်း၏ အင်တာနက်စာမျက်နှာက ဆိုသည်။

၂၀၁၃ ခုနှစ်တွင် Dream Success International နှင့် www.Surewin4u အင်တာနက်စာမျက်နှာတို့သည် လုပ်ငန်းခွင့်ပြုချက်မရသည့် လုပ်ငန်းများ လုပ်ကိုင်သောကြောင့် ၎င်းတို့ကို မလေးရှား ဗဟိုဘဏ်က အမည်ပျက်စာရင်းသွင်းခဲ့သည်ဟု မလေးရှားနှင့် ထိုင်ဝမ် သတင်းများအရ သိရသည်။ ထောင်နှင့်ချီသော ရင်းနှီးမြှုပ်နှံသူများထံမှ သန်းနှင့်ချီသော ဒေါ်လာများကို လိမ်လည်သည်ဟူသော စွပ်စွဲချက်များကြောင့် ထိုင်ဝမ်ရှိ Dream Success International ၏ လုပ်ငန်းများကို ထိုင်ဝမ်အစိုးရက ၂၀၁၄ ခုနှစ်တွင် ပိတ်ပင်ခဲ့သည်။

၂၀၁၅ ခုနှစ်တွင်မူ Dream Winner နှင့် Surewin4u တို့သည် မလေးရှား၊ ထိုင်ဝမ်၊ စင်္ကာပူနှင့် တရုတ်တို့တွင် MLM အရှုပ်တော်ပုံတခု လုပ်ဆောင်သောကြောင့် မကောင်းသတင်းများ ဖော်ပြခံလာကြရသည်။

Surewin4u တွင် ရင်းနှီးမြှုပ်နှံပြီးနောက် စင်္ကာပူနိုင်ငံသား ၁၅၀ ခန့် စင်္ကာပူဒေါ်လာ သန်း ၅၀ ခန့် ဆုံးရှုံးရသည်ဆိုသည့်အမှုတခု စင်္ကာပူ ဗဟိုတရားရုံးသို့ ရောက်ရှိလာကြောင်း ၂၀၁၇ ခုနှစ် အောက်တိုဘာလ ၂၁ ရက်နေ့ထုတ် Straits Times သတင်းစာကလည်း ဖော်ပြခဲ့သည်။

အွန်း၏သတင်းကို ၂၀၁၄ ခုနှစ်မှ စတင်ပြီး စင်္ကာပူတွင် မကြားရတော့ဘဲ သူ၏ အင်တာနက်စာမျက်နှာလည်း ရပ်ဆိုင်းသွားကာ ရင်းနှီးမြှုပ်နှံသူများမှာ လက်ချည်းဗလာဖြစ်သွားရသည်ဟု တရားရုံးမှ စာရွက်စာတမ်းများကို ကိုးကားပြီး Straits Times က သတင်းဖော်ပြသည်။

လိမ်လည်ခံရသူတဦးကလည်း လိမ်လည်မှု၊ ရင်းနှီးမြှုပ်နှံမှု ဆုံးရှုံးမှုများဖြင့် Surewin4u ကို ၂၀၁၇ ခုနှစ်တွင် စင်္ကာပူ၌ တရားစွဲသည်။ အွန်းသည် စင်္ကာပူမှထွက်ပြေးသွားပြီးဖြစ်သောကြောင့် Surewin4u ၏ ကိုယ်စားလှယ် ၂ ဦးက အမှုကို ရင်ဆိုင်ကြရသည်။

ပြည်သူလူထုထံမှ တိုင်ကြားမှုများရရှိသောကြောင့် MLM လုပ်ငန်းလေးခုကို စုံစမ်းစစ်ဆေးနေကြောင်း မြန်မာနိုင်ငံ ပြည်ထဲရေး ဝန်ကြီးဌာနကလည်း ထိုနှစ် စက်တင်ဘာလတွင် ကြေညာသည်။ မလေးရှားအခြေစိုက် MLM ကုမ္ပဏီတခုက မြန်မာ ရင်းနှီးမြှုပ်နှံသူများထံမှ အမေရိကန်ဒေါ်လာ တသန်း လိမ်လည်ခဲ့သည်ဟု သတင်းများက ထိုနှစ်တွင်ပင် ဖော်ပြခဲ့ကြသည်။

ဝေဖန်သူအများအပြားက အစိုးရအနေဖြင့် MLM ကုမ္ပဏီများကို စည်းကမ်းထိန်းကြောင်းသည့် ဥပဒေပြဌာန်းသင့်သည်ဟု အစိုးရကို တိုက်တွန်းကြသည်။

“MLM လူလိမ်တွေဆီကငွေကို အစိုးရက လက်ခံလိုက်တဲ့အခါ သူတို့က MLM စနစ်ကို လက်ခံလိုက်တဲ့သဘောဖြစ်နေတယ်” ဟု ဦးတင့်ဇော်ဟိန်းက ပြောသည်။ “ဒီလိုလူမျိုးတွေကို အစိုးရအနေနဲ့ လက်ခံတွေ့ဆုံဖို့တောင် မသင့်တာ၊ အလှူငွေပါ လက်ခံတယ်ဆိုတော့ တော်တော်တရားလွန်သွားပြီ” ဟုလည်း ဆက်ပြောသည်။

(အင်္ဂလိပ်ဘာသာဖြင့် Yangon Chief Minister Slammed for Accepting Donation to City from Accused Fraudster တွင် ဖတ်ပါ။)

ဧရာဝတီ