ရေအိုင်အတွင်း ပြတ်ကျနေ သော ဓာတ်ကြိုးကို တက်နင်းမိ၍ အသက် (၁၃) နှစ်အရွယ် အဋ္ဌမ တန်းကျောင်းသား မောင်မျိုးမင်း ထွန်းတစ်ယောက် ဇူလိုင် ၁၃ ရက်က ဓာတ်လိုက်သေဆုံးခဲ့သည်။ မောင်မျိုးမင်းထွန်းနှင့် သူ၏ သူ ငယ်ချင်း မောင်ကောင်းဟိန်းသာတို့သည် စက်ဘီးဖြင့် ကျူရှင်မှ မုန့်အတူသွားစားရာ ရေအိုင်အတွင်း ပြတ်ကျနေသော ဓာတ်ကြိုးကို တင်းနင်းမိ၍ မောင်မျိုးမင်းထွန်းတစ်ယောက် ဓာတ်လိုက်သေဆုံးခဲ့သည်။
အခင်းဖြစ်ပွားချိန်တွင် မောင်ကောင်းဟိန်းသာ လည်းရှိနေပြီး ကံကောင်း၍ ဓာတ်မလိုက်ခဲ့ခြင်းပင်။ ဇူလိုင် ၁၅ ရက်က မောင်မျိုးမင်းထွန်းအား ရေဝေးသုသာန်တွင် မီးသင်္ဂြိုဟ်ရာ သူငယ်ချင်း မောင်ကောင်းဟိန်းသာလိုက်ပါပို့ဆောင်ခဲ့သည်။ မောင်မျိုးမင်းထွန်း၏ နာရေးတွင် မောင်ကောင်းဟိန်းသာနှင့် တွေ့ဆုံမေးမြန်းထားသည်များကို စာဖတ်ပရိသတ်များသိရှိရန် ကောက်နုတ်ဖော်ပြလိုက်ပါသည်။
သူငယ်ချင်းနှစ်ယောက်အတူတူ ကျူရှင်က ပြန်လာရင်းနဲ့ ဖြစ်သွား တယ်ဆိုတော့ အဲဒီနေ့ညနေက ဖြစ်စဉ်လေးပြောပြပေးပါဦး။
အဲဒီနေ့က ကျူရှင်က မုန့်စားဖို့ပြန်လွှတ်တာ သားက အိမ်ကို လွယ်အိတ်ပြန်ယူပြီးတော့ ကျူရှင် ကို ပြန်ထားတာ။ ကျူရှင်ကနေပြီး တော့ မုန့်သွားစားတာ။ ချယ်ရီ ဥယျာဉ်နားရောက်ရော သူက ကားလမ်းမရှုပ်နေတယ်။ ငါလမ်းဆင်း လျှောက်မယ်ဆိုပြီး ပြောတယ်။ အဲဒီမှာ သားက စက်ဘီးနဲ့ နင်း သွားတယ်။ သားက ကားလမ်း ကူးဖို့ စက်ဘီးရပ်လိုက်တယ်။ သူက လမ်းလျှောက်လာနေတုန်း HiJet ကားတစ်စီးကရောက်လာ တယ်။ အဲဒီမှာ YBS (၂၆) ကားလာ တယ်။ ကားက ရေထဲမှာမောင်း တော့ ရေတွေစဉ်ကုန်တယ်။ အဲဒီ မှာက သူက ငါ့ကိုရေတွေစဉ်ကုန် ပြီးဆိုပြီး ထီးနဲ့နောက်ဆုတ်ပြီး ကာ တယ်။ အဲဒီမှာ သူက ငါ့ကို ဓာတ် လိုက်တယ်ဆိုပြီး လဲကျသွား တယ်။ သားကလည်း ဘာမှမလုပ်တတ်ဘူး။ ဘာမှမလုပ်တတ်တော့ သားထီးကိုင်ပြီးတော့ သူ့နားသွား တယ်။ သားလည်း ဓာတ်လိုက်နေ တာနဲ့ ပြန်ပြေးလာတယ်။ သူ့တစ်ယောက်တည်းထားခဲ့လို့ မဖြစ်ဘူး ဆိုပြီး ပြန်လှည့်လာတယ်။ သားက လူတွေကို အကူအညီတောင်း တယ်။ တစ်ယောက်မှ မကူညီကြ ဘူး။ သားလည်း ဘာမှမလုပ်နိုင် ဘူး။ အဲဒါနဲ့ သူ့မိဘတွေသွားခေါ် တယ်။ သူ့မိဘတွေသွားခေါ်တဲ့ အချိန်မှာ ဘာဖြစ်နေတာလဲဆို တာတော့ သားလည်းမသိဘူး။ သူ့မိဘတွေ သွားခေါ်ပြီး ပြန်လာ တဲ့အချိန်မှာ အဲဒီမှာလူတွေဝိုင်းအုံ နေပြီ (ငိုရင်းပြောသည်)။
လူတွေကို လိုက်ပြီး အကူအညီ လိုက်တောင်းတယ်လို့ ပြောတယ်။အချိန်ဘယ်လောက်အကြာကြီး အကူအညီလိုက်တောင်းခဲ့လဲ။
အကူညီလိုက်တောင်းတာ တစ်ယောက်မှ မကူညီကြဘူး။ မလုပ်ရဲဘူးဆိုပြီး ခေါင်းခါသွားတဲ့ လူတွေက အများကြီးပဲ။ အဲဒါနဲ့ သူ့မိဘတွေကို သွားခေါ်တာ။ အချိန်ဘယ်လောက်ကြာတာတော့ သားလည်းမမှတ်မိတော့ဘူး။
မျိုးမင်းထွန်းက အတန်းထဲမှာကော သူ့ရဲ့နေထိုင်ပုံက ဘယ်လိုလဲ။
သူက စာအရမ်းတော်တယ်။ စာကျက်ရင်လည်း သားနဲ့ပဲ အတူ တူကျက်တယ်။ သားမုန့်စားရင် လည်း သူ့ကိုခေါ်တယ်။ သူ့မုန့် စားရင်လည်း သားကိုခေါ်တယ်။ သူ့ကို လူချစ်လူခင်ပေါတယ်။
ကိုယ့်သူငယ်ချင်း ဒီလိုဖြစ်သွား တော့ ဘယ်လိုခံစားနေရလဲ။
ရင်နာတာပေါ့ဗျာ။ ခံစားရ တယ်။ အချစ်ဆုံးသူငယ်ချင်းသေ သွားတော့ ဘယ်လိုလုပ်ပျော်နေ နိုင်ပါ့မလဲ။ ကိုယ်ငိုနေရင်လည်း သူပြန်ထလာမှာ မဟုတ်ဘူးလေ။ သားကလည်း ဘာမှမလုပ်တတ် တော့ သူ့မိဘတွေသွားခေါ်တာပဲ လုပ်ရတာပေါ့။ သူချက်ချင်းသေ သွားလားလို့တော့ သားမသိဘူး (ငိုရင်းပြောသည်)။
သူပြတ်ကျနေတဲ့ ဓာတ်ကြိုးကို တက်နင်းမိတာလား၊ ဘယ်လိုဖြစ် ပြီး ဓာတ်လိုက်တာလဲ။
သူဓာတ်ကြိုးကိုတက်နင်းမိ ပြီး လဲသွားတာ။ အဲဒါတော့ သား တွေ့လိုက်တယ်။ သူက ဓာတ် လိုက်တယ်လို့ အော်သေးတယ်။ အဲဒီအချိန်မှာ သားက ကြည့်လိုက် တော့ ဓာတ်ကြိုးကို တွေ့လိုက်မိ တာ။ သူ့မိဘတွေ ပြန်ခေါ်လာတဲ့ အချိန်မှာတော့ လူတွေကအုံနေ ပြီ။ အချိန်က နှောင်းသွားပြီပေါ့ (ငိုရင်းပြောသည်)။
ကျေးဇူးတင်ပါတယ်။
7Day
0 comments:
Post a Comment