လက်ရှိ အာဏာရ အမျိုးသားဒီမိုကရေစီအဖွဲ့ချုပ် NLD ပါတီဟာ ဗဟိုကော်မတီကို တိုးချဲ့ဖွဲ့စည်းသွားဖို့ ရှိကြောင်း မေလ ၂၆ ရက်နေ့ ကလုပ်တဲ့ ပါတီဗဟိုကော်မတီ အစည်းအဝေးမှာ ဆုံးဖြတ်ခဲ့ကြပါတယ်။
ဒါ့အပြင် တိုင်ကြားခံထားရတဲ့ NLD ပါတီက လွှတ်တော်ကိုယ်စားလှယ် ၃၅၀ ကျော်ကို စစ်ဆေးမှုတွေ ဆောင်ရွက်နေတယ်လို့လည်း သိရပါတယ်။
တိုင်ကြားခံရတဲ့ လွှတ်တော်ကိုယ်စားလှယ်တွေကို စစ်ဆေးရာမှာ လတ်တလောအနေနဲ့တော့ အကျင့်ပျက်ခြစားမှုတွေ ပြုလုပ်ထားတယ်လို့ စစ်ဆေးတွေ့ရှိရခြင်းမရှိဘူးလို့ ပါတီတာဝန် ရှိသူက ပြောပါတယ်။
ငွေကြေးလက်ခံရရှိမှုကို ချက်ချင်းလွှဲပြောင်းမပေးခဲ့တဲ့ ယာယီအလွဲသုံးစားမှု မြောက်တဲ့ ပြစ်မှု မျိုးတွေတော့ စစ်ဆေးတွေ့ရှိခဲ့ရကြောင်း NLD ပါတီရဲ့ ပြောရေး ဆိုခွင့်ရှိသူ ဒေါက်တာ မျိုးညွှန့် က ပြောပါတယ်။
ဒါကိုလည်း ချက်ချင်း အရေးယူ အပြစ်ပေးခဲ့ကြောင်း သူက ဆက်ပြောပါတယ်။
တိုင်းနဲ့ ပြည်နယ်အလိုက် ဗဟိုကော်မတီဝင် စုစုပေါင်းအယောက် ၃၀ ခန့်ကိုလည်း တိုးချဲ့ ဖွဲ့စည်းသွားမယ်ဆိုပြီး ဗဟိုကော်မတီ အစည်းအဝေးက ဆုံးဖြတ်ချက် ချမှတ်ခဲ့ပါတယ်။
ဒါ့အပြင် ၂၀၁၈ ကြားဖြတ် ရွေးကောက်ပွဲမှာ NLD ပါတီအနေနဲ့ လစ်လပ်နေရာ အားလုံးကို ဝင်ရောက်ယှဉ်ပြိုင်သွားမှာဖြစ်ပြီး ကိုယ်စားလှယ်လောင်း ရွေးချယ်မှုနဲ့ ပတ်သက်လို့ မြို့နယ်၊ ခရိုင်နဲ့ တိုင်းအလိုက် စိစစ်ခွင့် ပေးသွားမယ်လို့ ပါတီတာဝန်ရှိသူက ပြောဆိုခဲ့ပါတယ်။
BBC
0 comments:
Post a Comment