နှစ်နိုင်ငံ သဘောတူညီမှုအရ ဘင်္ဂါလီ ၂၀၀၀ ကျော်အား နိုဝင်ဘာ ၁၅ ရက်မှစ၍ ပြန်လည်လက်ခံမည်ဟု ပြည်ထောင်စုဝန်ကြီး ပြောကြား

မြန်မာ-ဘင်္ဂလားဒေ့ရှ် နှစ်နိုင်ငံသဘောတူညီမှုအရ ဘင်္ဂါလီ ၂၀၀၀ ကျော်အား နိုဝင်ဘာ ၁၅ ရက်မှစ၍ ပြန်လည်လက်ခံမည်ဟု လူမှုဝန်ထမ်းကယ်ဆယ်ရေးနှင့် ပြန်လည် နေရာချထားရေးဝန်ကြီးဌာန ပြည်ထောင်စု ၀န်ကြီး ဒေါက်တာဝင်းမြတ်အေးက ပြောကြားသည်။

နေပြည်တော်ရှိ Kempinski ဟိုတယ်တွင် အောက်တိုဘာ ၃၁ ရက်က ပြုလုပ်သည့် (၁၀)ကြိမ်မြောက် အရှေ့တောင်အာရှနိုင်ငံများ၏ပညာရေးဝန်ကြီးများအစည်းအဝေးအပြီး ဘင်္ဂလားဒေ့ရ်ှနိုင်ငံဘက်သို့ ရောက်ရှိ နေသူများအား ပြန်လည်လက်ခံမည့် အစီအစဉ်နှင့်ပတ်သက်၍ သတင်းထောက်များ၏ မေးမြန်းခဲ့မှုအပေါ် ပြည်ထောင်စုဝန်ကြီးက အထက်ပါအတိုင်း ဖြေကြားခဲ့ခြင်းဖြစ်သည်။

“ဘင်္ဂလားဒေ့ရ်ှမှာ မနေ့က လုပ်တယ်။ လုပ်တော့ ကျွန်တော်တို့ဆီက ဒေါက်တာကိုကိုနိုင် (ညွှန်ချုပ်) ပါတယ်။ သူတို့ အစည်းအဝေး လုပ်တဲ့အခါကျတော့ ၁၅ ရက်နေ့ လောက်ကို ၂၀၀၀ ကျော်ကို ဒီဘက်ကို နှစ် နိုင်ငံသဘောတူစာချုပ်အတိုင်း စမယ်လို့တော့ ပြောလိုက်တယ်။ ဒါပေမဲ့ ကျွန်တော်တို့ဆီကို အဲဒီလိုစာတော့ ရောက်တာတော့ မဟုတ်ဘူး။ ကျွန်တော်တို့နဲ့ တိုက်ရိုက်တော့ မဆိုင်ဘူး။ တိုက်ရိုက်လည်း မရောက်ဘူးပေါ့။ ကျွန်တော်တို့က စီစဉ်ရမှာပေါ့။ အဲဒီအထိပဲ ကျွန်တော်သိတယ်” ဟု ဒေါက်တာ ၀င်းမြတ်အေးက သတင်းထောက်များအား ဖြေကြားသည်။

ဘင်္ဂလားဒေ့ရ်ှနိုင်ငံ ဒါကာမြို့တွင် အောက်တိုဘာ ၃၀ ရက်က ကျင်းပသည့် ဘင်္ဂလားဒေ့ရှ်- မြန်မာ နှစ်နိုင်ငံ ပူးတွဲအလုပ် အဖွဲ့ (Joint Working Group) ဆွေးနွေးပွဲအပြီး ဘင်္ဂလားဒေ့ရ်ှနိုင်ငံခြားရေး အတွင်းဝန် Shahidul Haque နှင့် မြန်မာနိုင်ငံခြားရေးဝန်ကြီးဌာန၊ အမြဲတမ်းအတွင်းဝန် ဦးမြင့်သူတို့၏ ပူးတွဲသတင်းစာရှင်းလင်းပွဲတွင် ဘင်္ဂလားဒေ့ရ်ှနိုင်ငံသို့ ထွက်ပြေးခဲ့သူများထဲမှ ဘင်္ဂါလီ ၂၀၀၀ ကျော်ကို လာမည့် နိုဝင်ဘာလအတွင်း ပထမအသုတ်အဖြစ် စတင်လွှဲပြောင်းရန် နှစ်နိုင်ငံသဘောတူညီမှု ရရှိခဲ့ခြင်းဖြစ်ကြောင်း သိရသည်။

ထိုသို့ ဘင်္ဂလားဒေ့ရ်ှနိုင်ငံဘက်သို့ ရောက်ရှိနေသူများထဲမှ ဘင်္ဂါလီ ၂၀၀၀ ကျော်ကို ပြန်လည်လက်ခံရာတွင် တစ်နေ့လျှင် လူဦးရေ ၁၅၀ နှုန်းဖြင့် လက်ခံသွားမည်ဖြစ်ပြီး ရခိုင်ပြည်နယ်မြောက်ပိုင်း မောင်တောမြို့နယ်၊ ငါးခူရပြန်လည်လက်ခံရေးစခန်းမှ လက်ခံသွားရန်ရှိကြောင်း ပြည်ထောင်စုဝန်ကြီးက ဆက်လက်ပြောကြား သည်။

“အခုဟာ ရေလမ်း ငါးခူရဘက်က လာမယ်လို့တော့ ပြောသံကြားတယ်။ တစ်နေ့ကို ၁၅၀ဦးပေါ့။ ၁၅ ရက်နေ့ကို စမယ်လို့တော့ ပြောတယ်။ နှစ်နိုင်ငံ သဘောတူညီမှုရသွားတာပေါ့” ဟု ဒေါက်တာဝင်းမြတ်အေးက ဆိုသည်။

ရခိုင်ပြည်နယ်မှ နေရပ်စွန့်ခွာသွားသူများအားပြန်လည်လက်ခံရေးလုပ်ငန်းစဉ်နှင့်ပတ်သက်၍ မြန်မာနှင့် ဘင်္ဂလားဒေ့ရှ် နိုင်ငံတို့အကြား ၂၀၁၇ ခုနှစ် နိုဝင်ဘာ ၂၃ ရက်တွင် လက်မှတ်ရေးထိုးခဲ့သည်။

ထို့ပြင် ရခိုင်ပြည်နယ်မှ နေရပ်စွန့်ခွာသွားသူများအားပြန်လည်လက်ခံရေး လုပ်ငန်းစဉ်ကို အထောက်အပံ့ ပြုနိုင်ရေးအတွက် မြန်မာအစိုးရနှင့် ကုလသမဂ္ဂအေဂျင် စီများအကြား နားလည်မှုစာချွန်လွှာကို ၂၀၁၈ ဇွန် ၆ ရက်တွင် နေပြည်တော်ရှိ အမျိုးသား ပြန်လည်သင့်မြတ်ရေးနှင့် ငြိမ်းချမ်းရေး ဗဟိုဌာနတွင် လက်မှတ်ရေးထိုးခဲ့ကြောင်း နိုင်ငံတော်အတိုင်ပင်ခံရုံးဝန်ကြီးဌာနက သတင်းထုတ်ပြန်ခဲ့သည်။

မြန်မာနှင့် ဘင်္ဂလားဒေ့ရ်ှနိုင်ငံတို့ အကြား ၂၀၁၇ ခုနှစ် နိုဝင်ဘာ ၂၃ ရက်တွင် လက်မှတ်ရေးထိုးခဲ့သည့် “ရခိုင်ပြည်နယ်မှ နေရပ်စွန့်ခွာသွားသူများအားပြန်လည်လက်ခံရေးလုပ်ငန်းစဉ်” အကောင်အထည် ဖော်ရာတွင် မြန်မာအစိုးရ၏ ဆောင်ရွက် ချက်များအား အထောက်အပံ့ ပြုနိုင်ရေး အတွက် ကုလသမဂ္ဂဖွံ့ဖြိုးမှုအစီအစဉ် (UNDP) နှင့် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) တို့ကို ဖိတ်ခေါ်မှုအရ နားလည်မှုစာချွန်လွှာ လက်မှတ်ရေးထိုးခဲ့ခြင်းဖြစ်သည်။

မြန်မာနိုင်ငံ အစိုးရအနေဖြင့် နှစ်နိုင်ငံ သဘောတူညီချက်ကို အရှိန်အဟုန်ဖြင့် အကောင်အထည်ဖော်ရန် သန္နိဋ္ဌာန်ချထားပြီး ဖြစ်သည့်အတိုင်း နှစ်နိုင်ငံသဘောတူ လက်မှတ်ရေးထိုးချိန်မှစ၍ ကြိုတင်ပြင်ဆင်မှုများ ဆောင်ရွက်ခဲ့ခြင်းဖြစ်ကြောင်း ထုတ်ပြန်ခဲ့သည်။

အဆိုပါ နားလည်မှုစာချွန်လွှာ လက်မှတ်ရေးထိုးခြင်းကြောင့်မြန်မာအစိုးရက ယမန်နှစ်ကပင် စတင်ဆောင်ရွက်ခဲ့ပြီး ဖြစ်သည့် နေရပ်စွန့်ခွာသွားသူများ မိမိ သဘောဆန္ဒအလျောက် လုံခြုံဘေးကင်း သိက္ခာရှိစွာ ပြန်လာနိုင်ရေးလုပ်ငန်းများကို ပိုမိုအား ဖြည့်မြှင့်တင်ပေးနိုင်မည်ဟု မျှော်လင့်ထားပြီး ကုလသမဂ္ဂအေဂျင်စီများ ပါဝင်မှုကြောင့် ပြန်လည်လက်ခံရေးလုပ်ငန်းစဉ် ပိုမို၍ လျင်မြန်လာမည်ဟုလည်း မျှော်လင့်ထားကြောင်း နိုင်ငံတော်အတိုင်ပင်ခံရုံးဝန်ကြီးဌာန၏ သတင်းထုတ်ပြန်ချက်တွင် ဖော်ပြထားသည်။

ထို့ပြင် နိုင်ငံတော်အစိုးရ၏ ၂၀၁၇ ခု နှစ် သြဂုတ် ၂၄ ရက်နေ့စွဲဖြင့် ထုတ်ပြန်ချက် ပါအတိုင်း နေရပ်စွန့်ခွာသွားသူများ အရေးကိစ္စနှင့် စပ်လျဉ်း၍ မြန်မာအစိုးရ၏ ဘက်စုံလွှမ်းခြုံပြီး ရေရှည်တည်တံ့သော ဖြေရှင်းချက်များ၊ ရခိုင်ပြည်နယ်ဆိုင်ရာ အကြံပေးကော်မရှင်၏ အကြံပြုချက်များအပေါ် အကောင်အထည်ဖော်ဆောင်ရွက်မှုများကို ကုလသမဂ္ဂဖွံ့ဖြိုးမှုအစီအစဉ် (UNDP) နှင့် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) တို့၏ ထောက်ခံမှုကို ယခု နားလည်မှုစာချွန်လွှာတွင် အတည်ပြုထားသည်ဟု သတင်းထုတ်ပြန်ချက်တွင် ဖော်ပြထားသည်။

ယခု လက်မှတ်ရေးထိုးသော နားလည်မှုစာချွန်လွှာအရ နေရပ်စွန့်ခွာသွားသူများ မိမိ သဘောဆန္ဒအလျောက် ပြန်လာရေးနှင့် ပြန်လည်နေရာချထားရေးလုပ်ငန်းများ ဆောင်ရွက်ရာတွင်လည်းကောင်း၊ ရှေ့ပြေး စီမံကိန်းများ ဆောင်ရွက်နိုင်ရေး ဆန်းစစ်မှုများပြုလုပ်ရာတွင်လည်းကောင်း၊ အသိုင်းအ၀ိုင်းအားလုံးကို အကျိုးဖြစ်ထွန်းစေမည့် အတူယှဉ်တွဲနေထိုင်ရေး ရှေ့ပြေးစီမံကိန်းနှင့် အခြားစီမံကိန်းများကို အကောင်အ ထည်ဖော်ရာတွင်လည်းကောင်း ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးအနေဖြင့် မြန်မာအစိုးရအား အထောက်အပံ့ ပြုသွားမည်ဖြစ်ပြီး အလားအလာရှိသော ဒေသများတွင် ပြန်လည်ထူထောင် တည်ဆောက်ရေးကို အခြေခံသော ဖွံ့ဖြိုးရေးလုပ်ငန်းများ ဆောင်ရွက်နိုင်ရေး ပြင်ဆင်ဆောင်ရွက်ရာတွင် ကုလသမဂ္ဂ ဖွံ့ဖြိုးမှုအစီအစဉ် နှင့် အတူတကွ ဆောင်ရွက်မည်ဖြစ်ကြောင်း နိုင်ငံတော်အတိုင်ပင်ခံရုံးဝန်ကြီးဌာန၏ သတင်းထုတ်ပြန်ချက်တွင် ပါရှိသည်။

ထို့အတူ ကုလသမဂ္ဂဖွံ့ဖြိုးမှု အစီအစဉ်အနေဖြင့် ပြန်လည်ထူထောင် တည်ဆောက်ရေးနှင့် စပ်လျဉ်း၍ လိုအပ်သည့် ဆန်းစစ်မှုများ ပြုလုပ်ရာတွင် ပေါင်းစပ်ညှိ နှိုင်းရန်နှင့် အကူအညီပေးရန်အတွက်လည်းကောင်း၊ လူ့အသိုင်းအ၀ိုင်း အားလုံးကို အကျိုးဖြစ်ထွန်းစေမည့် ပြန်လည်ထူထောင် တည်ဆောက်ရေးနှင့် ဖွံ့ဖြိုးရေး လုပ်ငန်းစဉ် များအတွက် စီမံကိန်းများ ရေးဆွဲရန်အတွက် လည်းကောင်း၊ အသိုင်းအ၀ိုင်းများကြား လူ မှုသဟဇာတဖြစ်မှုကို မြှင့်တင်ရန်အတွက် လည်းကောင်း၊ အသက်မွေးဝမ်းကျောင်း လုပ်ငန်းများ ပြန်လည်လုပ်ကိုင် ဆောင်ရွက် နိုင်ရန်အတွက်လည်းကောင်း မြန်မာနိုင်ငံအစိုးရကို အထောက်အပံ့ပြုသွားမည်ဖြစ်ကြောင်း နိုင်ငံတော်အတိုင်ပင်ခံရုံးဝန်ကြီး ဌာနက ဆိုသည်။

မြန်မာနိုင်ငံအစိုးရနှင့် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးသည် နေရပ်စွန့်ခွာသွားသူများ ဘင်္ဂလားဒေ့ရ်ှနိုင်ငံမှ ဆန္ဒအလျောက် ပြန်လာနိုင်ရေးတွင် အထောက်အပံ့ပြုရေးနှင့် ပူးပေါင်းဆောင်ရွက် ရေးဆိုင်ရာ မူဘောင်ဖြစ်သည့် နားလည်မှုစာချွန်လွှာကို ၁၉၉၃ ခုနှစ်တွင် လက်မှတ်ရေး ထိုးခဲ့ပြီး နေရပ်စွန့်ခွာသူ ၂၃၀၀၀၀ ခန့်ကို ပြန်လည် စိစစ်လက်ခံခဲ့ကြောင်း သိရသည်။

စိုးမင်းထိုက်

Eleven Media Group