ပြီးခဲတဲ့ ဇန်နဝါရီလအတွင်းက အီရန်ထိတ်တန်းဗိုလ်ချုပ်ကြီး Qasem Soleimani ကို အီရတ်နိုင်ငံ ဘဂ္ဂဒက်မြို့လေဆိပ်မှာ အမေရိကန်စစ်ဘက်က ဒရုန်းနဲ့တိုက်ခိုက်သုတ်သင်ခဲ့တာနဲ့ပတ်သက်ပြီး အီရန်အစိုးရက အမေရိကန်သမ္မတဒေါ်နယ်ထရမ့်ကို ဖမ်းဝရမ်းထုတ်လိုက်တယ်လို့ အခုလ(၂၉)ရက် CNN သတင်းမှာ ဖော်ပြထားပါတယ်။
ဒီသတ်ဖြတ်မှုနဲ့ပတ်သက်ပြီး သမ္မတထရမ့်အပါအဝင် နောက်ထပ် (၃၅)ဦးကို ဖမ်းဝရမ်းထုတ်လိုက်တာဖြစ်ပြီး၊ သူတို့ကို ဖမ်းဆီးဖို့အတွက် အင်တာပိုထံ အကူအညီလှမ်းတောင်းထားလို့ အီရန်အစိုးရရှေ့နေ Ali Alqasimehr က ပြောပါတယ်။
ဒါပေမဲ့ အင်တာပိုကတော့ အီရန်ရဲ့အကူအညီတောင်းခံမှုကို စဉ်းစားသွားမှာမဟုတ်ဘူးလို့ ပြောကြားထားပါတယ်။
အီရန်နိုင်ငံဆိုင်ရာ အမေရိကန်အထူးကိုယ်စားလှယ်အဖွဲ့ကလည်း ဒီဖမ်းဝရမ်းဟာ စတန့်ထွင်တဲ့ ဝါဒဖြန့်မှုတစ်ခုသာဖြစ်ပြီး၊ ဘယ်သူမှ ဒါကို အလေးထားမှာမဟုတ်ဘူးလို့ ပြောကြားခဲ့ပါတယ်။
သမ္မတထရမ့်ဟာ ဒီဖမ်းဝရမ်းစာရင်းရဲ့ ထိပ်ဆုံးနေရာမှာရှိနေပြီး၊ သူ့ရဲ့သမ္မတသက်တမ်းကုန်သွားတဲ့အခါမှာ သူ့ကိုဖမ်းဆီးကို ကြိုးပမ်းသွားမယ်လို့ အီရန်အစိုးရရှေ့နေက ဆက်လက်ပြောကြားသွားခဲ့ပါတယ်။
Ref ; One News Myanmar
0 comments:
Post a Comment