အကြမ်းဖက်မှုတိုက်ဖျက်ရေး မြန်မာ-ရုရှား ပူးပေါင်းဆောင်ရွက်ရန် ဆွေးနွေး

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ ရုရှားနိုင်ငံ ကာကွယ်ရေးဝန်ကြီးဌာန ဒုတိယ၀န်ကြီးတို့ တွေ့ဆုံပြီး အကြမ်းဖက်မှုတိုက်ဖျက်ရေး ပူးပေါင်းဆောင်ရွက်ဖို့ ဆွေးနွေးခဲ့ကြပါတယ်။ 

တပ်မတော်ကာကွယ်ရေးဦးစီးချုပ်နဲ့ ရုရှားကာကွယ်ရေးဒုဝန်ကြီး Colonel General Alexander V. Fomin တို့ဟာ နေပြည်တော် ဘုရင့်နောင်ရိပ်သာဧည့်ခန်းမဆောင်မှာ မတ်လ ၃၀ ရက်နေ့က တွေ့ဆုံဆွေးနွေးခဲ့တာပါ။ 

အဲဒီတွေ့ဆုံပွဲမှာ မြန်မာ-ရုရှား နှစ်နိုင်ငံ စစ်ဘက်နည်းပညာပူးပေါင်းဆောင်ရွက်ရေး၊ ဆေးဘက်နည်းပညာပူးပေါင်းဆောင်ရွက်ရေးနဲ့ အကြမ်းဖက်မှုတိုက်ဖျက်ရေးမှာ ပူးပေါင်းဆောင်ရွက်ရေးကိစ္စတွေ၊ တပ်မတော်နှစ်ရပ်အကြား ချစ်ကြည်ရင်းနှီးမှုနဲ့ ပူးပေါင်းဆောင်ရွက်မှုတိုးမြှင့်ရေးဆိုင်ရာ ကိစ္စတွေနဲ့ ရုရှားနိုင်ငံမှာ International Army Games -2019 ကျင်းပပြုလုပ်မယ့် အခြေအနေတွေကို ဆွေးနွေးခဲ့ကြတယ်လို့ တပ်မတော်ကာကွယ်ရေးဦးစီးချုပ်ရုံးက သတင်းထုတ်ပြန်ပါတယ်။ 

တွေဆုံဆွေးနွေးပွဲကို ဒုတိယ ဗိုလ်ချုပ်ကြီး ညိုစော၊ ဒုတိယဗိုလ်ချုပ်ကြီး စိုးထွဋ်နဲ့ တပ်မတော်အရာရှိကြီးတွေ၊ မြန်မာနိုင်ငံဆိုင်ရာ ရုရှားသံအမတ်ကြီး H.E. Dr. Nikolay A. LISTOPADOV၊ စစ်သံမှူးနဲ့ တာဝန်ရှိသူတွေလည်း တက်ရောက်ခဲ့ကြတယ်လို့ သိရပါတယ်။

DVB