ထိုင်းနိုင်ငံ ကန်ချနဘူရီရှိ ဆွတ်ယိုင်အမျိုးသားဥယျာဉ်အတွင်း အမဲလိုက်ရန် ထိုင်းအရာရှိတစ်ဦးပါဝင်သည့်အဖွဲ့က ငှားရမ်းသဖြင့် ဝက်ဝံပစ်ခတ်ခဲ့သူ မြန်မာနိုင်ငံသားမှာ ထောင်ဒဏ် (၃)နှစ်နှင့် (၇)လချမှတ်ခံလိုက်ရသော်လည်း ၎င်းအား ငှားရမ်းစေခိုင်းခဲ့သူ ထိုင်းအရာရှိအပါအဝင်ကျန်အဖွဲ့ဝင်များမှာ ပြစ်ဒဏ်အနည်းငယ်စီသာ ချမှတ်ခံရကြောင်း ဘန်ကောက်ပို့စ်၏ မတ်လ (၆)ရက်နေ့သတင်းအရ သိရသည်။
အမျိုးသားဥယျာဉ်ဧရိယာအတွင်း အမဲလိုက်မှုဖြင့် ဒုခရိုင်အုပ်ချုပ်ရေးမှူးအပါအဝင် ထိုင်းနိုင်ငံသား(၁၂)ဦးနှင့် ၎င်းတို့အဖွဲ့နှင့်အတူ အမဲလိုက်ရန်ငှားရမ်းခဲ့သည့် မြန်မာနိုင်ငံသားတစ်ဦးတို့ကို ၂၀၁၈ ခုနှစ် အောက်တိုဘာလ (၇)ရက်နေ့က အမျိုးသားဥယျာဉ်အတွင်းမှ ဝက်ဝံတစ်ကောင်အား ပစ်သတ်မှုဖြင့် အမှုဖွင့်စစ်ဆေးနေခြင်းဖြစ်သည်။
အဆိုပါအဖွဲ့ထံမှ ရိုင်ဖယ်တစ်လက်၊ ပစ္စတိုတစ်လက်၊ ခဲယမ်းများနှင့် ဝက်ဝံ၏ခြေလက်လေးခုတို့နှင့်အတူ ဖမ်းဆီးရမိခြင်းဖြစ်ကြောင်း သိရပြီး ပစ်သတ်ခံရသည့် ဝက်ဝံအမျိုးအစားသည် သဘာဝတောရိုင်း တိရစ္ဆာန်ထိန်းသိမ်းစောင့်ရှောက်ရေးဥပဒေအရ ကာကွယ်ထားသည့် မျိုးစိတ်တွင်ပါဝင်ကြောင်း သိရသည်။
အဆိုပါဝက်ဝံအားပစ်ခတ်သည့် တောလိုက်အဖွဲ့တွင်ပါဝင်သည့် (၁၃)ဦးအနက် ပြစ်မှုမြောက်ကြောင်း ဝန်ခံထွက်ဆိုခဲ့သည့် မြန်မာနိုင်ငံသားတစ်ဦးနှင့် ထိုင်းနိုင်ငံသား (၄)ဦးနှင့် ထိုင်းနိုင်ငံသူ (၂)ဦး စုစုပေါင်း (၇)ဦးကို အမိန့်ချမှတ်လိုက်ပြီး ဒုခရိုင်အုပ်ချုပ်ရေးမှူးအပါအဝင် (၆)ဦးမှာ စွဲချက်များကိုငြင်းဆိုထားဆဲဖြစ်ကာ ၎င်းတို့အား ဧပြီ (၂၂)ရက်နေ့တွင် အမိန့်ချမှတ်မည်ဖြစ်ကြောင်း သိရသည်။
အဆိုပါ မြန်မာနိုင်ငံသားက ထွက်ဆိုရာတွင် ၎င်းအားငှားရမ်းခဲ့သည့် ထိုင်းအရာရှိ၏ လက်ထောက်နှစ်ဦးက ဝက်ဝံအားပစ်ခတ်ခိုင်းသဖြင့် ပစ်ခတ်ခဲ့ခြင်းဖြစ်သည်ဟု ထွက်ဆိုခဲ့ကြောင်း သိရသည်။
ဝက်ဝံအားပစ်ခတ်သူဖြစ်သည့် မြန်မာနိုင်ငံသားကို ကန်ချနပူရီပြည်နယ်တရားရုံးက ၂၀၁၉ ခုနှစ်၊ မတ်လ (၆) ရက်နေ့၌ ထောင်ဒဏ် (၇)နှစ်နှင့် (၂)လ ပြစ်ဒဏ်ချမှတ်ခဲ့ပြီးနောက် ထောင်ဒဏ် (၃)နှစ် (၂)လနှင့် ငွေဒဏ် ဘတ် (၂၀၀၀)သို့ ပြောင်းလဲချမှတ်လိုက်ခြင်းဖြစ်ကြောင်း သိရသည်။
ထိုင်းနိုင်ငံသူ(၁)ဦးနှင့် ထိုင်းနိုင်ငံသား (၂)ဦးတို့ကို ထောင်ဒဏ် (၃)လ (၁၅)ရက်စီနှင့် ငွေဒဏ် ဘတ်(၃၀၀၀)စီကိုလည်းကောင်း၊ ထိုင်းနိုင်ငံသားတစ်ဦးကို ထောင်ဒဏ် (၁၅)ရက်နှင့် ငွေဒဏ် (၂၇၅၀)ဘတ်ကိုလည်းကောင်း၊ ကျန်ထိုင်းနိုင်ငံသူတစ်ဦးနှင့် ထိင်းနိုင်ငံသားတစ်ဦးတို့ကို ထောင်ဒဏ် (၁၅)ရက်စီနှင့် ငွေဒဏ် ဘတ် (၇၅၀)စီတို့ကို အသီးသီးပြစ်ဒဏ်ချမှတ်လိုက်ကြောင်း သိရသည်။
ဒုခရိုင်အုပ်ချုပ်ရေးမှူးမှာ အဆိုပါဖြစ်ရပ်ကြောင့် တာဝန်မှ ယာယီရပ်ဆိုင်းခံခဲ့ရကြောင်း သိရသည်။
အမျိုးဥယျာဉ်တာဝန်ရှိသူများက အဖွဲ့လိုက်ဝင်ရောက်လည်ပတ်ခွင့်ပေးထားခဲ့ခြင်းမရှိသော်လည်း ဥယျာဉ်အတွင်း ချက်ပြုတ်စားသောက်ထားသည့်နေရာတစ်ခုနှင့် တောရိုင်းတိရစ္ဆာန်အကြွင်းအကျန်အစအနများတွေ့ရာမှ ဝက်ဝံအမဲလိုက်သူများကို ရဲတပ်ဖွဲ့က စုံစမ်းဖေါ်ထုတ်နိုင်ခဲ့ခြင်းဖြစ်ကြောင်း သိရသည်။
ဘာသာပြန်သတင်း #ဇာနှင်း
Ref:Bangkokpost,Thaipbs
Tachileik News Agency
0 comments:
Post a Comment