အိမ်သုံး၊ လုပ်ငန်းသုံး လျှပ်စစ်မီတာနှင့် ထရန်စဖော်မာများ တပ်ဆင်ခွင့် လျှောက်ထားရာတွင် အွန်လိုင်းမှ စတင်လျှောက်ထားနိုင်ပြီဖြစ်ကြောင်း ရန်ကုန် လျှပ်စစ်ဓာတ်အားပေးရေး ကော်ပိုရေးရှင်းက ထုတ်ပြန်ကြေညာသည်။
မီတာ၊ ထရန်စဖော်မာများ တပ်ဆင်လိုသူများသည် ယခင်ကကဲ့သို့ သက်ဆိုင်ရာ မြို့နယ် လျှပ်စစ်မန်နေဂျာရုံးများသို့ လူကိုယ်တိုင် သွားရောက်လျှောက်ထားရန် မလိုအပ်တော့ဘဲ ရန်ကုန်လျှပ်စစ်ဓာတ်အားပေးရေး ကော်ပိုရေးရှင်း၏ ဝက်ဘ်ဆိုက်ဖြစ်သော https://yesc.org.mm/meter/dashboard တွင် စာရင်းသွင်းကာ လျှောက်ထားနိုင်မည်ဖြစ်သည်။
အွန်လိုင်းမှတစ်ဆင့် အိမ်သုံး၊ လုပ်ငန်းသုံးမီတာများနှင့် ထရန်စဖော်မာများကို အဆိုပါဝက်ဘ်ဆိုက်တွင် ဝင်ရောက်မှတ်ပုံတင်ပြုလုပ်၍ လျှောက်ထားနိုင်မည်ဖြစ်ကြောင်း ရန်ကုန်လျှပ်စစ်ဓာတ်အားပေးရေး ကော်ပိုရေးရှင်းထံမှ သိရသည်။
အွန်လိုင်းမှ လျှောက်လွှာများကို သက်ဆိုင်ရာဌာနက စိစစ်အတည်ပြုပြီး သတ်မှတ်ချက်များနှင့် ကိုက်ညီသော အွန်လိုင်းလျှောက်လွှာများအတွက် ကျသင့်ငွေပေးသွင်းရန် လျှောက်ထားသူ၏ e-mail သို့ အကြောင်းပြန်ပေးမည်ဖြစ်ကာ ငွေပေးသွင်းရန်အတွက် မြို့နယ်ရုံးသို့ တစ်ကြိမ်သာလာရောက်ရမည်ဖြစ်သည်။
အဆိုပါဝက်ဘ်ဆိုက်တွင် အိမ်သုံးမီတာ။ အိမ်သုံးပါဝါမီတာ၊ ကန်ထရိုက်တိုက် အိမ်သုံးမီတာ၊ လုပ်ငန်းသုံးမီတာ။ လုပ်ငန်းသုံးပါဝါမီတာ၊ ယာယီမီတာ။ ယာယီပါဝါမီတာ၊ အိမ်သုံးထရန်စဖော်မာ၊ လုပ်ငန်းသုံးထရန်စဖော်မာ၊ ယာယီသုံးထရန်စဖော်မာ၊ ကျေးရွာမီးလင်းရေး ထရန်စဖော်မာနှင့် ဆက်သွယ်ရေးတာဝါတိုင်များအတွက် လျှောက်ထားနိုင်မည်ဖြစ်သည်။
The Voice
0 comments:
Post a Comment