ရုရှားဖက်ဒရေးရှင်းနိုင်ငံသို့ ချစ်ကြည်ရေးခရီးရောက်ရှိနေသည့် တပ်မတော်ကာကွယ်ရေးဦးစီးချုပ် ဗိုလ်ချုပ် မှူးကြီးမင်းအောင်လှိုင်သည် ရုရှားနိုင်ငံတွင် ဘွဲ့လွန် သင်တန်း၊ ပါရဂူသင်တန်းနှင့် Doctor of Science သင်တန်းများ တက်ရောက်နေသော တပ်မတော်အရာရှိများအား ဧပြီ ၂၃ ရက်နေ့လယ်ပိုင်းတွင် မော်စကိုမြို့ရှိ Radisson Collection ဟိုတယ်ခန်းမ၌တွေ့ဆုံအမှာစကားပြောကြားခဲ့ကြောင်း တပ်မတော်ကာကွယ်ရေးဦးစီးချုပ်ရုံးမှ သတင်းရရှိသည်။
အဆိုပါတွေ့ဆုံပွဲသို့ ကာကွယ်ရေးဦးစီးချုပ်ရုံး(ကြည်း)မှဒုတိယဗိုလ်ချုပ်ကြီး စိုးထွဋ် နှင့်တပ်မတော်အရာရှိကြီးများ၊ မြန်မာစစ်သံ(ကြည်း၊ရေ၊လေ)ဗိုလ်မှူးချုပ် ကျော်စိုးမိုး၊ ရုရှားနိုင်ငံတွင်ဘွဲ့လွန်သင်တန်း၊ ပါရဂူသင်တန်းနှင့် Doctor of Science သင်တန်းများ တက်ရောက်နေသည့် သင်တန်းသား အရာရှိများ တက်ရောက်ကြသည်။
ထိုသို့တွေ့ဆုံရာတွင် တပ်မတော်ကာကွယ်ရေးဦးစီးချုပ်က ယခုကဲ့သို့ရုရှားနိုင်ငံသို့ ပညာတော်သင် သင်တန်းသားအရာရှိများအား မိမိတို့နိုင်ငံအတွက်လိုအပ်သည့် သိပ္ပံပညာရပ်နှင့် သက်ဆိုင်သောအတတ်ပညာများ သင်ယူရန်စေလွှတ်သင်ကြား စေခြင်းဖြစ်ကြောင်း၊ မိမိတို့သင်ကြားခဲ့သည့် အတတ်ပညာများအား မိမိတို့နိုင်ငံသို့ ပြန်လည်ရောက်ရှိပါက နိုင်ငံတော်နှင့်တပ်မတော်အတွက် အကျိုးရှိစွာအသုံးချနိုင်ရန်လိုကြောင်း၊ စစ်သားဆို သည်မှာကျရာတာဝန်ကို ထမ်းဆောင်ရမည်ဖြစ်ပြီး အကြောင်း အမျိုးမျိုးကြောင့်ကွာခြားချက်များရှိမည်ဖြစ်ကြောင်း၊ လာရောက်ပညာသင်ကြားနေစဉ် ကာလအတွင်း သင်ကြားရသည့်ဘာသာရပ်များကို နားလည် တတ်ကျွမ်းအောင်သင်ယူပြီး အသိပညာ၊ အတတ်ပညာများနှင့် ပေါင်းစပ်ဆောင်ရွက်ရမည်ဖြစ်ကြောင်း၊ တပ်မတော်မှလာရောက်ပညာသင်ကြားနေသူများတွင် Doctor of Science ဘွဲ့ရရှိသည့် ထူးချွန်သည့်သင်တန်းသားများ များစွာရှိကြောင်း၊ ကြိုးစားအားထုတ်မှု၊ စည်းကမ်းလိုက်နာမှုနှင့် အမိန့်နာခံမှုများအပေါ်မူတည် ပြီး တစ်ဦးနှင့်တစ်ဦးကွာခြားမှုများရှိကြောင်း၊ တပ်မတော်အရာရှိများအနေဖြင့် ပညာသင်ကြားခြင်းသာမက အသိပညာနှင့် အတွေးအခေါ်ပညာရပ်များကိုလည်း အမြဲမပြတ်လေ့လာနေရမည်ဖြစ်ကာ ရှိပြီးသား အခြေခံပညာရပ်များအား အတွေးအခေါ်နှင့်ပေါင်းစပ်ပြီး ပိုမိုတိုးတက်အောင် ဆောင်ရွက်ရမည်ဖြစ်ကြောင်း၊ ပညာရပ်ပိုင်းဆိုင်ရာများ တိုးတက်ကောင်းမွန်စေရန်အတွက် တပ်မတော်အနေဖြင့် အတတ်နိုင်ဆုံးပံ့ပိုး ဆောင်ရွက်ပေးလျက်ရှိကြောင်း၊ ယခုကဲ့သို့ပြည်ပတွင် ပညာရပ်အားသင်ကြားနိုင်ရန်အတွက် အချိန်၊ ငွေနှင့် လုပ်အား များပေးဆပ်ထားရကြောင်း၊ တိုင်းပြည်နှင့် တပ်မတော်အား အကျိုးပြုနိုင်စေရန်အတွက် ပညာများ သင်ကြားရာတွင် ထိုက်ထိုက်တန်တန် ကြိုးစားသင်ယူရမည်ဖြစ်ပြီး သင်ကြားထားသည့် ပညာရပ်များအားလည်း လုပ်ငန်းခွင်တွင် ထိုက်ထိုက်တန်တန် အသုံးချနိုင်ရန်လိုကြောင်း၊ မိမိတို့သည် ပြည်ပတွင်လာရောက် ပညာ သင်ကြားနေခြင်း ဖြစ်သဖြင့် သက်ဆိုင်ရာနိုင်ငံ၏ စည်းမျဉ်းစည်းကမ်းများကိုလိုက်နာရန်လိုကြောင်း၊ ထို့အတူ ရုရှားနိုင်ငံတွင် ရာ သီဥတုပြင်းထန်သဖြင့် မိမိတို့၏ကျန်းမာရေးကိုထိခိုက်စေနိုင်သည့် နေထိုင်မှုများမပြု လုပ်ရန်နှင့် မိမိကိုယ်ကိုထိန်းသိမ်းကြရန်လိုကြောင်း မှာကြားသည်။
တွေ့ဆုံပွဲအပြီးတွင် တပ်မတော်ကာကွယ်ရေးဦးစီးချုပ်က ရုရှားနိုင်ငံရှိတက္ကသိုလ် အသီးသီးတွင်သင်တန်းတက် ရောက်လျက်ရှိသည့် သင်တန်းသား အရာရှိများအတွက် စားသောက်ဖွယ်ရာများနှင့်ချီးမြှင့်ငွေများပေးအပ်ရာ ကျောင်းအလိုက်ကိုယ်စားလှယ် အရာရှိများကလက်ခံရယူကြသည်။ ထို့နောက်တပ်မတော်ကာကွယ်ရေးဦးစီးချုပ်က တွေ့ဆုံပွဲသို့တက်ရောက်လာကြသည့် သင်တန်းသားအရာရှိများအား ရင်းရင်းနှီးနှီး နှုတ်ဆက်ခဲ့ကြကြောင်းသတင်းရရှိသည်။
0 comments:
Post a Comment